Matthieu 9:18 - Nouveau Testament en Gulay 2004

¹⁸ Loo ke Jésu ndi à ede de tàge nè nga bè-bè ɓai ɓaa, ngar dè kei kebe nan ree ngɔr ke rann’t ɔse keje’n nang ede nè: – Tà ngonn’m ke dinye tête nyonk ɗarinè ɓai, i ree ile ji dènn’t ɓaa, à tel ndikumgajer ɓai.

Matthieu 9:18 Iomraidhean Croise

Matthieu 14:33

Loo ke njé ke ndii kêm bato’t an-in bè ɓaa, ei ɗɔyi Jésu edi nè: – Kerɔte, i i Ngonn Nube nga kuwe.

Matthieu 15:25

Nè dinye nè nga ree ɔse keje’n non Jésu’t ede’n ede nè: – Kuwe-ɓee, kɔkrɔ karè i ra se’m kuwe.

Matthieu 17:14

Loo ke Jésu se njékuwe-girnge reei teei ra doobulege’t ngɔr ɓaa, dingem karé aw ra Jésu’t ɔse keje’n nang nonn’t ede’n ede nè:

Matthieu 20:20

Kon Jacques se Jean ngann le Zébédée ree se de ra Jésu’t. E ɔse keje’n nanga non Jésu’t le deje’n nyan karé.

Matthieu 28:17

Loo ke d’an’n ɓá ɓaa, d’ule dè de nang dé ɗɔi’n, nè kêm njé ke nange nda geng dènn’t ɓai.

Matthieu 8:2

Njèbanje karé bè aw ngɔr ke ra Jésu’t ɔse keje’n nang nonn’t ede’n ede nè: – Kuwe-ɓee, ke nè á i ndige se’m le kade banje ɔr ram’t ndát-ndát ɓaa, ra’m à tel tò karè.

Matthieu 8:25

Njékuwe-girnge agi ngɔr ke rann’t ndeli nin edi nè: – Kuwe-ɓee i din jè, j’à j’wei!

Matthieu 9:17

Doo à sur yibe nduu ke sɔl ke unn gir pà kêm sɔlge ke mari’t lé. Ke nè á bè lé ɓaa, sɔlge nè nga d’a til kade yibe nduu ule loo nang gangang-gangang a tɔ. Nè yibe nduu ke sɔl ke unn gir pà nga, maje sur’n kêm sɔlge’t ke kige’t. Titeke bè á dé joo mbak d’a ngonm’n nan maje.

Matthieu 9:19

Jésu se njékuwe-girnge in-in kalang awi goon’t.

Matthieu 9:24

– Utei ra si kɔke, tede ngonn ke dinye nè nga wei lé ɓai, nè tò ɓi karè. Nè dooge ngoin kum de dè Jésu’t.

Tà ke Maje ke Luc ndang 13:14

Nè wong ra ngar dè kei kebe nan tede kaje ke Jésu aje dinye nè se ndɔ taa kebe. Ngar dè kei kebe nan nè nga ede dooge malang ke ndii tutu ede nè: – Gar-gar j’à ra kule ase ndɔ mute-mute. I reei kêm ndɔge’t nè nga adi d’ɔr ratur ra si’t m i nginei ndɔ taa kebe tá lé.

Tà ke Maje ke Luc ndang 18:18

Doo ke bò le Juipge karé ree ra Jésu’t deje’n ede nè: – Njèndó dooge nyan, i njè maje kɔr njêt, ké m’a ra bain á le kinge’n ndikumgajer se non nga wa?

Tà ke Maje ke Luc ndang 7:2

Ngonn njèndi le njèkan dè njérɔge ke aru karé bè, ra’n tur’n ngain ade nain ngɔr ɓaa tà’n à tête. Ngonn njèndi nè nga kuwe’n tár’n ngain.

Jean 11:25

Jésu tel ede Marthe ede nè: – Man nga m’ee njèkade dooge undei loo teei dann njé ke koo’t. Man nga, m’ee njèkade dooge ndii kumgajer a tɔ. Nanan ke unde kêm’n dèm’t, ke nè á wei géa à tel ndi kumgajer ɓai.

Jean 11:32

Loo ke Marie ree tee loo ke Jésu nda tutu tête kum’n an’n ɓaa, unde burmba nonn’t ede’n ede nè: – Kuwe jé, ke nè á ndɔ ke i nè ɓaa, ngokon jé ayé kwei bè lé ɓai.

Nyanra Njekawkulege 13:15

Dooge tutei magtub gute-ndu Nube ke ndɔ ke Moise ndang a, tutei magtubge le njéribe-dè-tàge ke tà Nube’t a tɔ. Go’t ɓaa, njékan dè kei kebe nan ulei kule ra de’t edi de edi nè: – Ngakon jége, ke nè á awi se tà ndeje ke nange tede le kosdooge nè nga ɓaa, i tami edi de ɗarinè ta.

Nyanra Njekawkulege 28:8

Bɔ Publius tò dè tire ratur’t. Ra’n taa por làm-làm a, ndêng mese ngain a tɔ. Paul aw an’n, è ile ji’n dènn’t ɔje’n tà se Nube tede’n. Bɔ Publius in aje katch-katch.