Matthieu 9:13 - Nouveau Testament en Gulay 2004

¹³ Kêmkanm á m’ndige m m’aw ndoo nyankuje-mese lé. Awi, i giri tà dè tà’t nè nga an-in. Oiyo, man m’ree le ɓar njé ke an-in ra de ke njé ra nyan se dè najennge lé, nè le ɓar njé ke an-in ra de ke njé ra majelége.

Matthieu 9:13 Iomraidhean Croise

Matthieu 12:3

Jésu deje de ede nè: – Nyan ke ndɔ ke David ra nga, ké sei i tutei tà’n an-in lé wa? Ndɔ karé bè ɓo ra’n. Njé ke awi se’n géa ɓo ra de tɔ.

Matthieu 12:5

Eké tà ke tò kêm magtub gute-ndu’t nga, ké sei tutei an-in lé wa? Njékuje nyan-mesege ke rai kule kêm kei’t le Nube se ndɔ taa kebe nga ali tà tà gute-ndu’t, nè tà’n uwe dè de lé.

Matthieu 12:7

Ke nè á sei geri tà ke dé tam d’ede nè: «Kêmkanm á m’ndige m m’aw ndoo nyankuje-mese lé» nga ɓaa, bainléa a in-in kalang gangi tà dè njé ke tà uwe dè de lé ɓai nga lé.

Matthieu 19:4

Jésu ile de dè’t ede nè: – Tà ke kêm magtub’t nè nga, ké sei i tutei an-in lé wa? Oiyo, kété ke desêin sàk-sàk nga, Nube Njèkunde nyange malang unde dingem karé se dinye karé a tɔ.

Matthieu 21:42

Jésu tel ede de ede nè: – Tà ke dé ndang kêm magtub ge ke tò se ninn’n d’ede nè: «Kuberi her ke njékunde keige mbati nin nga, tel è kuberi her ke njè mong dè kum kei. E ke nè á è kule ra Kuwe-ɓee. Jè j’an ke nyan ke dum kum jé.» Tà nè nga ké sei tutei ndɔ karé bè ndan lé ɓai wa?

Matthieu 3:2

– I turi hal si tede Konɓee ke danran nain ngɔr ta.

Matthieu 3:8

I turi hal si, i rai nyanrage ke maje.

Matthieu 4:17

Unn gir kêm ndɔn’t nè, Jésu ile mber ede nè: – I turi hal si tede konɓee ke danrán nain ngɔr ta.

Marc 12:26

Tà ke ɔje dè dooge ke à undei loo teei dann njé ke koo’t nga, ndɔ ke Nube ede Moise tà’n kété ede nè: «Man Nube le Abraham, le Isaac, le Jacob a tɔ.» Nube ede Moise tà nè kɔte ngonn kage ngarr’t ke on por bilm-bilm. Ké bain á i tutei magtub ke Moise ndang ɔje’n dè tà nè nga an-in lé wa?

Marc 12:33

Gar-gar i a tár Nube se ngaran kêmi bere mbak a, se tàgir lei a, se tɔgi bere mbak a tɔ. Taɓai i a tár doo madi titeke i tár’n danrai i kuwe bè tɔ. E ke nè è soo’t ngain dum nyankuje-mesege se nyankulge ke tɔl ró se por kade Nube nga.

Marc 2:17

Loo ke Jésu oo tà ke dé tam nga bè ɓaa, è ede de ede nè: – Njé ke ra de mong maj-maj nga, awi ndoo njèkuge kaje ra de’t lé. Nè è njératurge á awi ndoo’n. M’ree dè nang nè le ɓar njé ke an-in ra de ke njé ra nyan se dè najennge lé. Nè m’ree le ɓar njé ke d’an de ke njé ra nyan majelége.

Tà ke Maje ke Luc ndang 10:26

Jésu tel deje dingem nè nga ede nè: – Ké tà ri á magtub gute-ndu Nube ke ndɔ ke Moise ndang tam wa? Ké ri á i tute kêm magtub’t nè nga wa?

Tà ke Maje ke Luc ndang 19:10

Man ke m’ee Ngonn doo nga, m’ree le sang njé ke ndemi osoi kɔke le tel se de ke ra Nube’t.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Tà ke Maje ke Luc ndang 5:31

Loo ke Jésu oo tà deje le de bè ɓaa, è ile de dè’t ede nè: – Njé ke ra de mong maj-maj nga awi ndoo njèkuge-kaje lé, nè njératurge á awi ndoo’n.

Tà ke Maje ke Luc ndang 5:32

Nube ule’m kade m’ɓar njé ke d’an de ke njéra nyan danné sêwge á bè lé, nè è ule’m le kade m’ɓar njé ke d’an de ke njé ra majelége tede le kade turi hal de.

Jean 10:34

Jésu tel deje de ede nè: – Kété kuwe man m’ede sei m’ede nè: «Sei sei kum gute tà Nube.» Ké dé ndang tà nè nga kêm Magtub mann-ra le si ke mari’t lé wa?

Nyanra Njekawkulege 11:18

Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nyanra Njekawkulege 5:31

E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

2 Pierre 3:9

Kuwe-ɓee tile mbɔr dè ndukunn ke ɔje dè ndɔ tel ree le’n titeke njé ke nange giri nga lé. Nè è ile kem̂’n pon dè si’t tede è ndige le kade doo karé bè géa dann si’t tuju lé. E ndige le kade dooge malang ɔsi wan teli turi hal de.