Matthieu 9:11 - Nouveau Testament en Gulay 2004

¹¹ Loo ke Pharisienge an-in titeke bè ɓaa, ei deji njékuwe-gir-Jésuge edi nè: – Ké bain á njè ndó sei nyan use nyan nan’t se njétaa tirge a, se dooge ke d’an de ke njé ra majelége nga wa?

Matthieu 9:11 Iomraidhean Croise

Matthieu 11:19

Nè loo ke man ke m’ee Ngonn doo nga m’ree ɓaa, m’use nyan a, m’an-in nyan a tɔ ɓaa, dooge tami edi nè: «An-in! doo nyankuse se doo nyankain. E uwe made nan se njétaa tirge se njé ra majelége.» Nè loo ke doo an nyange ke Nube ra se kumkunju le’n ke deri nè ɓaa, à ger titeke Nube ndige kaje jèi kuwe.

Matthieu 5:46

Ke nè á i tári njé ke tári sei tá ɓaa, ké nyan-kuge dè ji ke ra a ingei wa? Ké njétaa tirge kuwe géa dé ra titeke bè tɔ lé wa?

Matthieu 9:10

Matthieu ɓar Jésu le kade aw se’n kêm kei le’n use se’n nyan. Njékuwe-gir-Jésuge awi se’n nan’t. Njétaa tirge bule se njé ke d’an de ke njé ra majelége géa ndii se de nan’t tà nyankuse’t nè nga tɔ.

Marc 2:16

Njékɔrgir gute-nduge le Pharisienge ke nange géa ndii tutu tɔ. Loo ke an-in dooge ke d’an de ke njé ra majelége a, se njétaa tirge a tɔ, tà nyankuse’t se Jésu ɓaa, ei deji njékuwe-girnge edi nè: – Ké bain á n’gang keng ke dann dooge’t nè nga n’use se de nyan wa?

Tà ke Maje ke Luc ndang 19:7

Loo ke dooge malang an-in bè ɓaa, unni gir murin tà edi nè: – Doo nè nga aw kêm kei le doo ke njè ra majelé tá taa kebe tutu.

Tà ke Maje ke Luc ndang 5:30

Pharisienge se njékɔrgir gute-nduge le de murin tà a, deji njékuwe-gir-Jésuge edi nè: – Ké bain usei se an-in nyan nan’t se njétaa tirge a, se dooge ke njé ra majelége a tɔ wa?

Nyanra Njekawkulege 11:3

– Ké bain á i aw kêm kei le dooge ke ei Juipge lé use se de nyan wa?

Nje Ke Galatie 2:15

Jè nga, jè Juipge m jè jè njé ra majelége tite dooge ke ei Juipge lé nga bè lé.

Hebreuge 5:2

Maw njèkuje nyan-mese nga géa, è njè ra majelé tite dooge nga tɔ. Gir’n ke nè á è ase kile’n kem̂’n pon dè njé ke geri nyan lé a, dè njé ke ndemi’t a tɔ.

2 Jean 1:10

Ke nè á doo karé ree ra si’t á ree se nyan-ndó le Krist nè nga lé ɓaa, uwei nin ke ra si’t kem̂ kei le si lé a, edi nin edi nè: «I ree se maje’n» lé a tɔ.