Matthieu 8:9 - Nouveau Testament en Gulay 2004

⁹ Man kuwe géa m’ile koje dè doo-dèmge’t a, m’aw se njérɔge ke ndii gir ndukunn’t le’m. Loo ke m’ede njè ke karé m’ede nè: «Aw!» ɓaa, è aw. Loo ke m’ede njè ke karé ke rang m’ede nè: «I ree nè» ɓaa, è ɔte ree. Loo ke m’ede ɓer le’m m’ede nè: «I ra nyan ke nè» ɓaa, è ra nyan nè nga tɔ.

Matthieu 8:9 Iomraidhean Croise

Matthieu 8:10

Loo ke Jésu oo tà tam doo nè nga bè ɓaa, è an’n ke dɔ ke nang. Taɓai è tur tà’n ede njé ke ndolèi goo’n ede nè: – Kerɔte kuwe, man m’ede sei ndàt, kêm ɓeekon ke Israel nga géa, m’inge njèkunde kêm dè Nube’t titeke bè ndɔ karé lé ɓai.

Matthieu 8:8

Njèkan dè njérɔge ke aru karé nè nga tel ile Jésu dè’t ede nè: – Kuwe-ɓee, i i doo ke bò. Man m’ase kade ile njai kêm kei le’m lé. Né i tam tà karé kuwe ɓaa, ratur à ɔr dè ngonn njèndi’t le’m nè nga karè.

Marc 1:27

Ndil dooge malang tee an-in soin-soin ade deji nan tà edi nè: – Ké nyan nè nga è ri wa? E nyan-ndó ke gai se tɔgmong ke in ra Nube’t. Ndilge ke majelé géa Jésu on de njanm-njanm ade ulei dè de adii.

Tà ke Maje ke Luc ndang 4:39

Jésu age ngɔr ke ra njèratur’t nè nga, ɗuge nang dènn’t, taɓai è ndáng ratur le kade unde loo tee ɓaa, ratur nè nga unde loo tee kuwe tɔ. Tajinan’t nè kuwe, wum Simon ke dinye nga ɔse nang in dɔ ɓaa, è unn gir kade de nyankuse d’use.

Tà ke Maje ke Luc ndang 7:8

M’tam tà nè tede man nga géa, doo-dèmge ndii tutu. Nè man géa, man doo dè njérɔge tɔ. Ke nè á m’unn ndu’m m’ade è ke karé m’ede nè: «Aw» ɓaa, à aw. Ke nè á m’unn ndu’m m’ade è karé ke rang m’ede nè: «I ree» ɓaa, è ree kuwe tɔ. Ke nè á m’unn ndu’m m’ade ngonn njèndi le’m m’ede nè: «I ra nyan ke nè» ɓaa, è ra.

Tà ke Maje ke Luc ndang 9:1

Ndɔ karé bè, Jésu ɓar njékuwe-girnge ke dɔg-gidé-joo ɔse nja de nan’t . E ade de dèmong se tɔgmong le rɔ’n ndilge ke majelé malang kêm njératurge’t a, se le kɔr’n ratur ra dooge’t a tɔ.

Nje Ke Colosses 3:22

Ɓolège, ilei koje dè kuwe sige’t ke ɔje dè danra si dè nyange’t malang. Ilei koje dè de’t tàkum de’t karè lé a, tede taa’n kum dooge lé a tɔ. I rai se kem̂nda káng i ɓeli Ndil Kuwe-ɓee.

Tite 2:9

Ede ɓerge le kade ilei koje dè kuwe dege’t ɔje dè nyan malang m naji se de tà lé. Titeke bè á à taai kum kuwe dege.