Matthieu 8:8 - Nouveau Testament en Gulay 2004

⁸ Njèkan dè njérɔge ke aru karé nè nga tel ile Jésu dè’t ede nè: – Kuwe-ɓee, i i doo ke bò. Man m’ase kade ile njai kêm kei le’m lé. Né i tam tà karé kuwe ɓaa, ratur à ɔr dè ngonn njèndi’t le’m nè nga karè.

Matthieu 8:8 Iomraidhean Croise

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Matthieu 3:14

Nè Jean in se’n dè’t ede nè: – Man m’aw ndoo kade i á ule’m manné njonm. Nè ké i kuwe i tel i ree ram’t taɓai wa?

Matthieu 8:3

Jésu ule ji’n ɔde’n ra njèbanje nè nga ede nè: – M’ndige sei bè kuwe, maje kade rai tel tò karè ndát-ndát. Ke loon’t nè kuwe ra njèbanje tel tò karè ndát-ndát.

Matthieu 8:7

Nè Jésu ede’n ede nè: – Oiyo, m’a m’aw le kaje’n kadi karè.

Matthieu 8:9

Man kuwe géa m’ile koje dè doo-dèmge’t a, m’aw se njérɔge ke ndii gir ndukunn’t le’m. Loo ke m’ede njè ke karé m’ede nè: «Aw!» ɓaa, è aw. Loo ke m’ede njè ke karé ke rang m’ede nè: «I ree nè» ɓaa, è ɔte ree. Loo ke m’ede ɓer le’m m’ede nè: «I ra nyan ke nè» ɓaa, è ra nyan nè nga tɔ.

Tà ke Maje ke Luc ndang 15:19

M’ase kade i ɓar’m ngonni lé ta. Nè an’m tite njèkule lei ke karé dann madege’t bè.»

Tà ke Maje ke Luc ndang 15:21

Ngonn nè nga ede bɔ’n ede nè: «Bɔ’m m’ra kaiya tàkum Nube’t a, m’ra sei majelé a tɔ. M’ase kade i ɓar’m ngonni gugu lé ta.»

Tà ke Maje ke Luc ndang 5:8

Loo ke Simon ke dé ɓar’n Pierre an bè ɓaa, ɔse keje’n nanga non Jésu’t ede’n ede nè: – Kuwe-ɓee ute rai ram’t kɔke, tede man m’ee njè ra majelé.

Jean 1:27

Doo nè nga à ree goom’t non, nè man m’asekum tɔr gabang’t ke njann’t lé.