Matthieu 8:6 - Nouveau Testament en Gulay 2004

⁶ – Kuwe-ɓee, ratur ra kum ngonn njèndi le’m ke dingem ndoo ngain. Nja’n wei girn’t tonrin ade tò nang pɔbel ɓéee non.

Matthieu 8:6 Iomraidhean Croise

Matthieu 4:24

Kɔbe nyan ke Jésu ra nga, oso se loo mbit-mbit kêm ɓeekon ke Syrie bere mbak. Dé ree se njératurge ke raturge gai-gai rai kum de ndoo ra Jésu’t. E ɔr ratur dè de’t malang: Njé ke ndilge ke majelé tooi kêm de’t se njé ke kɔnon tɔte de a, njé ke kêl ra de wei tonrin a tɔ.

Matthieu 8:7

Nè Jésu ede’n ede nè: – Oiyo, m’a m’aw le kaje’n kadi karè.

Matthieu 9:2

An! d’unn dingem karé ke ra’n wei tonrin se tuwe dé ree se’n d’ile’n nang non Jésu’t. Loo ke è an kundekêm le dooge nè bè ɓaa, è ede dingem ke ra’n wei tonrin nga, ede nè: – Basa, i nda kêmi káng, tede Nube ade kêm’n tin mbit dè kaiyage’t lei ɓá ta.

Nyanra Njekawkulege 10:7

Loo ke doo ke danrán ke nda ɔje’n se’n tà ɔte aw ɓá ɓaa, ke loon’t nè kuwe, Corneille ɓar ngann njéndige le’n joo se njèrɔ karé ke ilei koje dè Nube’t. Dooge ke mute ke Corneille ɓar de le kule nga ei dann dooge ke rai kule girn’t mari sár tee ɓila.

Nyanra Njekawkulege 8:7

Ndilge ke majelé undei loo teei kêm dooge’t bule se non tà de’t kaláng-kaláng. Dooge ngain ke kêl ra de wei tonrin a, se njédɔgemetege nga, Philippe ade ratur ɔr dè de’t ndát-ndá a tɔ.

Nyanra Njekawkulege 9:33

E inge dingem karé ke ri’n nè Enée. Dingem nè nga kêl ra’n wei tonrin ade tò nang dè tire ratur’t lo sɔsɔ.

Nje Ke Colosses 3:11

Ɗarinè tò gai le Juipge se njé ke ei Juip lé goto, tò gai le doo ke njè kuje tà mɔte’n se è ke nal kuje tà mɔte’n goto. Doo ke dɔ éké doo ke raikarè goto ta. Ɗarinè tò gai le ɓer éké doo ke ndi dè’n pal goto a tɔ. Nè Krist kuwe karé bere á è doo dè dooge malang a, ndi kem̂ de’t malang a tɔ.

Nje Ke Colosses 4:1

Sei kuwe-ɓolége, i rai ɓolége le si se dè naje’n a, se go rebe’n a tɔ. Adi kem̂ si olé titeke sei géa Kuwe si ndi danrán non tɔ.

1 Timothee 6:2

Ɓerge ke kuwe dege ei njétaakem̂-Kristge nga, ei à kilei koje dè kuwe dege’t nè m ei à kidi de tede k’ei ke ei njétaakem̂-Kristge bè lé. Nè gar-gar ei à rai kule maje dum ke kété kadi de, tede kuwe dege ke dé ra kule maje d’ade de nè nga ei kotárge le Nube. I ndó de tà nyange nè a, i ndeje de a tɔ.

Philemon 1:16

Tel ke i tel inge’n nga, maje kade an’n asenan se ɓer karè lé ta, nè è soo’t dum ɓer. Maje kade ɗarinè ɓaa i an’n ke kotár le’m man kuwe mbain. I géa, maje kade an’n ke kotár lei gir danra’t a, è kotár lei ke njètaakem̂-Krist madi.