Matthieu 8:5 - Nouveau Testament en Gulay 2004

⁵ Jésu aw kêm ɓee-bò ke Capernaum. Njèkan dè njérɔge ke aru karé ree ra ndoo rann’t ede nè:

Matthieu 8:5 Iomraidhean Croise

Matthieu 11:23

Sei dooge ke kêm ɓee-bò ke Capernaum, ké sei i giri kêm si’t edi nè Nube à kunn sei kunde sei dɔ ɗáng wa? Ḿ-m̀ è bè lé. Nè Nube à tel kaw se si sár ɓee le njé ke koo. Kerɔte kuwe, nyankɔbege ke Nube ra dann si’t nga, ke nè á ndɔ ke ra titeke bè ade njé ke Sodome an-in ɓaa, bainléa ɓee-bò ke Sodome à tò tutu sár tee ɓila ɓai.

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Matthieu 4:13

Jésu inye ɓee ke Nazareth aw ndi kêm ɓee-bò ke Capernaum kɔte ba ke dè ninn ɓeekon le Zabulon se Nephtali.

Matthieu 9:1

Jésu al kêm ngonn bato’t tel gang ba ree kêm ɓee-bò’t le’n ke kinge’n.

Marc 15:39

Njèkan dè njérɔge ke aru karé ke nda tàkum Jésu’t an’n loo ke tà’n tête’n nyonk nga, è tam ede nè: – Loo naje’n goto, doo nè nga è Ngonn Nube ke dagi kerɔte kuwe.

Marc 2:1

Ase ndɔ bule go’t gugu ɓaa, Jésu tel ree kêm ɓee-bò ke Capernaum. Dooge ooi ser’n titeke è ndi kêm kei karé bè.

Nyanra Njekawkulege 22:25

Nè loo ke dé tɔ Paul d’ile’n nang le kunde’n ɓaa, è deje njèkan dè njérɔge ke aru karé ke nda à ra kule kêm ndɔn’t nè ede nè: – Doo ke è ngonn ɓee ke Rome ke dé gangtà dènn’t lé ɓai nga, ké d’unn ndu de kade undei nin se ndêin maru wa?

Nyanra Njekawkulege 23:17

Paul ɓar njèkan dè njérɔge ke aru karé ede’n ede nè: – Ngonn ke basa nè nga aw se tà karé le kede njèkan dè njérɔge ke aru dɔg. Aw se’n rann’t.

Nyanra Njekawkulege 23:23

Ke loon’t nè kuwe njèkan dè njérɔge ke aru dɔg ɓar njékan dè njérɔge ke aru karé joo ede de ede nè: – Uwei dè nja njérɔge aru joo a, njé sindege kɔr-ji sejimute a, njérɔge se ningege aru joo a tɔ. Adi ei malang ndii dè nja de’t tchên le kade awi kêm ɓee-bò ke Césarée se kàde ke jisɔ-jimi ke ndɔɔ.

Nyanra Njekawkulege 27:13

Nel in dè jikon ule pe^-pe^. Dooge ke kêm bato’t giri titeke n’a n’awi se maje’n le teei Phénix. Gir’n ke nè á ei in-in awi se kàde kong-kong dè goré loo ke Crète.

Nyanra Njekawkulege 27:31

Paul an bè ɓaa, è ede njèkan dè njérɔge ke aru karé se njérɔge ede nè: – Ke nè á dooge nè nga ndii kêm bato’t lé ɓaa, sei a asikum kaji yo lé.

Nyanra Njekawkulege 27:43

Nè Julius, njèkan dè njérɔge ke aru karé ɔje kêm’n le kaje Paul. E ɔge de dè nyan ke d’ɔje le ra. E unn ndu’n ade njé ke geri kalèi mann le kade alèi mann teei nata kété.

Nyanra Njekawkulege 9:38

Ɓee ke Joppé nga tò ngɔr se ɓee ke Lidda. Loo ke njékuwegir-Jésuge ooi titeke Pierre ndi kêm ɓee ke Lidda ɓaa, ei ulei dingemge joo rann’t. Dooge joo ke d’ule de rann’t nga, ndêti nin edi nè: – Kɔkrɔ karè, in se jé nan’t nal tile mbɔr.