Matthieu 8:4 - Nouveau Testament en Gulay 2004

⁴ Go’t gugu Jésu ede njèbanje nè nga ede nè: – An tá nè a kade tà nè tee tài’t ade doo ke rang oo. Nè aw ra njèkuje nyan-mese’t i tɔje’n rai ade an ɓita unn nyan-noje ade se go gute-ndu ke Moise ndang kêm magtub’t le kade dé ger’n titeke banje ɔr rai’t ndát-ndát.

Matthieu 8:4 Iomraidhean Croise

Matthieu 10:18

D’ade kali sei kaw se si non njékonɓeege’t se non ngarge ke bò tede tà le’m. Bè ɓaa, ɔri go tà le’m adi de a, adi dooge ke ei Juipge lé a tɔ.

Matthieu 16:20

Jésu on njékuwe-girnge njanm-njanm le kade edi doo karé tite ke n’ee Krist nga lé.

Matthieu 17:9

Loo ke Jésu se njékuwe-girnge in-in dè mbal’t à risi nang ɓaa, Jésu unn ndu’n ade de ede nè: – Nyan ke sei an-in nè nga, i tami tà’n adi doo karé ke rang oo lé sár kade man ke m’ee Ngonn doo m’unde’n loo m’tee’n dann njé ke koo’t.

Matthieu 3:15

Nè Jésu tel ile’n dè’t ede nè: – Inye ade m’ra ɗarinè. Ra nyan ke kêm Nube ndige tɔl mbas nga, tuwe jè ɗêw titeke bè. Jean inye Jésu ade ra titeke bè.

Matthieu 5:17

Maje kade i giri kêm si’t edi nè m’ree le tuju gute-ndu ke mari éké magtubge ke njéribe-dè-tàge ke tà Nube’t ndangi nga lé. Man m’ree le tuju gute-ndu ke mari se tàge ke njéribe-dè-tàge ke tà Nube’t ndangi nga lé, nè m’ree le kade maji ɔri njêt.

Matthieu 6:1

An-in! tá nè a k’in-in kundei nyan ra ke se dè naje’n le si tàkum dooge’t tede kade an-in sei. Ke nè á sei i rai titeke bè ɓaa, a ingei nyan-kuge dè ji si ra Bɔ si ke ndi danran nga lé.

Matthieu 9:30

Ke loon’t nè kuwe, kum de an loo njai-njai. Jésu ndeje ndej-ndej ede nè: – Adi tà nè nga tee tà si’t ade doo karé bè oo lé.

Marc 13:9

Nè sei ɓaa, kêm si dè ra si’t ɔje dè nyange ke d’ade ra se si. D’ade tuwe sei kaw se si gangtà dè si’t a, d’ade tunde sei kêm kei kebe nange’t a tɔ. D’ade kali sei kaw se si non njékonɓeege’t se non ngar-ɓeege’t a tɔ, tede tà le’m man le kade ɔri go tà le’m adi de.

Marc 3:12

Nè Jésu ndáng de le kade d’ɔr gir’n ɗarinè titeke è Ngonn Nube lé ɓai.

Marc 5:43

Jésu unn ndu’n ade de le kade d’ɔr sertà nè nga d’ade doo ke rang karé bè géa oo lé. Nè è unn ndu’n ade de le kade d’ade ngomande nè nyan use.

Marc 6:11

Kêm ɓee-bò ke rara ke awi tutu nga, ke nè á dooge ke kêm ɓee’t nè uwei sei ke ra de’t lé a, ooi tà le si lé a tɔ ɓaa, loo ke a undei loo le teei nata kêm ɓee’t nè nga ɓaa, i gegi bubur ke nja si’t gák-gák umi dè de’t undei naje le si.

Marc 7:36

Jésu unn ndu’n ade dooge ke ndai loon’t ede nè: – Adi ta nè nga tee tà si’t ade doo ke rang karé bè géa oo lé. Nè loo ke è tam se de tà nè bè ɓaa, lotbè á d’unn tà nè nga d’ase’n loo nák-nák.

Marc 8:30

Jésu ɔge de le kade dé ribe dè’n d’ade doo karé bè géa oo lé.

Marc 9:9

Jésu se njékuwe-girnge ke mute nè in-in dè mbal’t dɔ à risi ke nang ɓaa, è ndeje de ndej-ndej ede nè: – Nyan ke sei an-in nga, ɔri ser’n adi doo karé ke rang bè oo lé sár kade man ke m’ee Ngonn doo m’unde’n loo m’tee’n dann njé ke koo’t ɓita.

Tà ke Maje ke Luc ndang 17:14

Loo ke Jésu tête kum’n an de ɓaa, è ede de ede nè: – Awi ra njékuje nyan-mesege i tɔji de ra si ade d’an. Loo ke njébanjege à awi ɓai ɓaa, ra de tel tò karè ndát-ndát.

Tà ke Maje ke Luc ndang 21:13

Loo ke ndɔn’t nyange nè malang à teei dè si’t titeke bè ɓaa, è ndɔ ke kanm kade ɔri go tà le’m man. Loo ke d’a kali sei kaw se si non ngar-ɓeege’t, se non njékonɓeege’t ɓaa,

Tà ke Maje ke Luc ndang 4:41

Ndilge ke majelé géa undei loo teei kêm dooge’t bule se non tà de’t beng-beng edi nè: – I i Ngonn le Nube. Jésu on de njanm-njanm ɔge de tam tà, tede dé ger’n mbak titeke è Krist.

Tà ke Maje ke Luc ndang 5:14

Go’t gugu, Jésu unn ndu’n ade dingem ke banje ɔr rann’t ndát-ndát nè nga ede nè: – I tam tà le rai ke tel tò karè nè nga ade doo karé géa oo lé. Nè aw i deje njèkuje nyan-mese le kade gon rai an ɓita i unn nyan kade noje ade titeke gute-ndu Moise tam’n. I ra bè le kade dooge malang geri titeke rai tel tò karè ndát-ndát ɓá ta.

Tà ke Maje ke Luc ndang 8:56

Njékoje ngonn ke dinye nè nga tà ige de sêl, nè Jésu ndeje de le kade dé tam tà nyan ke tee nè nga d’ade doo karé bè géa oo lé.

Tà ke Maje ke Luc ndang 9:21

Jésu on njékuwe-girnge njanm-njanm ede nè: – I tami tà nè nga adi doo karé bè oo lé.

Jean 5:41

Man m’aw ndoo riɓar ke in ra dooge’t lé.

Jean 7:18

Doo ke in se dè’n tam tà nga, sang riɓar ke ɔje dè’n è kuwe. Nè doo ke sang riɓar ke ɔje dè njèkule’n nga ɓaa, è ngarankum doo kerɔte kuwe. Nyanra ke nal naje’n karé bè géa goto rann’t.

Jean 8:50

Man m’sang riɓar ke ɔje dè’m lé. Nè njèsang riɓar se njègangtà ke ɔje dè’m ndi non.