Matthieu 8:3 - Nouveau Testament en Gulay 2004

³ Jésu ule ji’n ɔde’n ra njèbanje nè nga ede nè: – M’ndige sei bè kuwe, maje kade rai tel tò karè ndát-ndát. Ke loon’t nè kuwe ra njèbanje tel tò karè ndát-ndát.

Matthieu 8:3 Iomraidhean Croise

Matthieu 12:13

E á Jésu ede doo ke ji’n wei tonrin nè nga ede nè: – I ndaje jii. Ɓaa doo nè nga ndaje ji’n. Ke loon’t nè kuwe, ji’n ke karé ke wei tonrin nga tel mong maje tite made ke karé.

Marc 1:41

Jésu an kumndoo le dingem ke njèbanje. E ule ji’n ɔde’n ra njèbanje, ede’n ede nè: – M’ndige bè kuwe, maje kade rai tel tò karè ndát-ndát.

Marc 4:39

Loo ke è in gir ɓi’t rat ɓaa, è ndáng nganelmal taɓai ede mann ede nè: – Ebe’t ade loo tò nding. Nel ebe ra’n kule ade dè mann tel toso ɗêng-ɗêng.

Marc 5:41

E uwe ji’n ede’n ede nè: – Talita kum, tel se tà kɔje jéi ɓaa, è «Ngomande, i tɔse ndel in dɔ.»

Marc 7:34

Go’t gugu Jésu an loo ke dɔ danrán, ile kêm’n puun ɓaa, è ede njè mbi mbe nè ede nè: – Ephrata! tel se tà koje jéi ɓaa, è «Ka mbi dingem i gang reng.»

Marc 9:25

Jésu an kosdoo-bulege têti nan yip à reei ke ra de’t. E unn gir ndáng ndil ke majelé nè nga ede nè: – I ndil ke majelé ke njé kɔge ngonn nè tam tà se koo tà nga, man m’unn ndu’m m’adi, unde loo i tee kêmn’t aw se noin.

Tà ke Maje ke Luc ndang 4:27

Kété kêm ndɔn’t le Elie, njèribe-dè-tà ke tà Nube’t nga géa, njébanjege bulei ndii kêm ɓeekon ke Israel tɔ. Nè né è bè géa, doo karé bè dann de’t ke banje ɔr rann’t goto. Nè Naaman, doo ke ɓeekon ke Syrie nú nga kuwe karé á ndɔ ke banje ɔr rann’t ndát-ndát.

Tà ke Maje ke Luc ndang 5:13

Jésu ule ji’n ɔde’n ra njèbanje nè nga ede nè: – Oiyo, m’ndige sei dè’t kuwe, maje kade rai tel tò karè ndát-ndát. Ke loon’t nè kuwe, banje ɔr ndát-ndát ra dingem’t nè nga tɔ.

Tà ke Maje ke Luc ndang 7:14

Jésu aw ngɔr kɔte kage-tée’t ule ji’n ɔde’n. Njé kunn ninnge teli ndai nang gek. Jésu ede ninn basa nè nga ede nè: – Ngonn basa, m’unn ndu’m m’adi, i tɔse ndel in.

Jean 11:43

Loo ke Jésu tam tà nè nga titeke bè ɓá ɓaa, è tam tà se ndu’n ke bòi beng ede nè: – Lazare unde loo i tee nata.

Jean 15:24

Nyanrage ke doo ke rang ra nja karé lé nè nga, ke nè á ndɔ ke m’ra dann dooge’t lé ɓaa, né tà kaiya à ɔr dè de’t. Nè ɗarinè d’an nyanramge ɓá, nè né è bè géa, d’a d’ɔdenan kɔr jè njêt se Bɔ’m kuwe ɓai.

Jean 5:21

Titeke Bɔ Ngonn ade njé ke koo undei loo teei teli ndii kumgajer nga, Ngonn géa ade nanan ndikumgajer titeke kêm’n ndige tɔ.