Matthieu 8:20 - Nouveau Testament en Gulay 2004

²⁰ Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Matthieu 8:20 Iomraidhean Croise

Matthieu 12:32

Ke nè á doo karé tam tà ke majelé se’m man Ngonn doo ɓaa, d’a kade kêm de tin mbit dè’t ɓai. Nè ke nè á doo karé tam tà ke majelé se Ndil-Kêmnda ɓaa, d’a d’ade kêm de tin mbit dènn’t kêm ɓalge’t ke ɗarinè éké kêm ɓalge’t ke à reei nga lé a tɔ.

Matthieu 12:40

Titeke kété Jonas too’n kêm kanje bò’t ase ndɔ mute nga, man ke m’ee Ngonn doo nga géa le’m à è titeke bè tɔ. M’a m’tò ngaran nang’t ase ndɔ mute tɔ.

Matthieu 12:8

Oiyo, man Ngonn doo nga, m’ee ngar dè ndɔ taa kebe.

Matthieu 13:37

E tel ile de dè’t ede nè: – E ke njè dubu njar ko ke maje nga, è man ke m’ee Ngonn doo nga.

Matthieu 16:13

Loo ke Jésu ree tee ɓee-bò’t le Philippe ke ri’n nè Césarée ɓaa, è deje njékuwe-girnge ede nè: – Man ke m’ee Ngonn doo nga ké dooge tami edi nè man nan wa?

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 17:9

Loo ke Jésu se njékuwe-girnge in-in dè mbal’t à risi nang ɓaa, Jésu unn ndu’n ade de ede nè: – Nyan ke sei an-in nè nga, i tami tà’n adi doo karé ke rang oo lé sár kade man ke m’ee Ngonn doo m’unde’n loo m’tee’n dann njé ke koo’t.

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Marc 8:38

Man Ngonn doo nga m’a m’tel ree dann ndubra’t le Bɔ’m se njékêmndage ke danrán. Nanan ke ra’n sɔl’n dèm’t se dè tà’t le’m non njé ra majelége ke njé mbate Nubege ke ndii dè nang nè ɓaa, man Ngonn doo nga géa ra’m à sɔl’m dènn’t tɔ.

Tà ke Maje ke Luc ndang 12:8

Man m’ede sei ndàt, nanan ke tam ndàt tàkum dooge’t ede nè n’ee le’m ɓaa, man ke m’ee Ngonn doo nga géa, m’a m’tam ndàt tàkum dooge ke danrán le Nube titeke doo nè nga è le’m man kuwe tɔ.

Tà ke Maje ke Luc ndang 18:8

Man m’ede sei ndàt, à in kalang le gang rebe tà le de kuwe. Nè loo ke man ke m’ee Ngonn doo m’a m’tel ree nga, ké m’a kinge njé ke undei kêm de dèm’t se dè Nube’t dè nang nè kuwe wa?

Tà ke Maje ke Luc ndang 2:12

Nyan ke à tɔje sei se’n kade i geri á tò ne: Loo ke ingei ngonn ke kide ke dé ɓir’n se tà kubu d’ile’n kêm begre kuse nyan le dange ɓaa, è è kuwe.

Tà ke Maje ke Luc ndang 2:16

Njékul nyange ɔti kalang awi Bethléhem ɓaa ingei Marie se Joseph se ngonn ke kide.

Tà ke Maje ke Luc ndang 2:7

E oje ngonn der’n ke dingem. E ɓir’n se tà kubu ile’n kêm begre kuse nyan le dange, tede dooge ubei nan loo njàng-njàng kêm kei tò mbage’t.

Tà ke Maje ke Luc ndang 21:36

I ndii dè nja si’t kekek. Ɔji tà se Nube dɔ-dɔ titeke bè á a ingei tɔg si le dum’n dè nyange ke à teei a, le kade i ndai garang non’m man ke m’ee Ngonn doo nga a tɔ.

Tà ke Maje ke Luc ndang 8:3

se Jeanne, dinye le Suza njèkan dè nyange le ngar Hérode, se Suzanne a, se njé ke rang bule a tɔ. Dinyege nè malang unni nyankingege le de rai se Jésu se njékuwe-girnge.

Tà ke Maje ke Luc ndang 9:58

Jésu ile doo nè nga dè’t se gostà ede nè: – Njange géa ingei bolè tò de a, helge ke walé géa ingei ndis tò de a tɔ. Nè man ke m’ee Ngonn doo nga, m’inge loo kule dè’m bè taa kebe lé.

Jean 1:51

Jésu ede Nathanael se njé ke rang malang ede nè: – Kerɔte kuwe, man m’ede sei ndàt, unn gir’n ɗarinè kum danran à teen. Sei a kan-in dooge ke danrán le Nube à ali kawi dɔ a, à risi nang a tɔ tede rai nyan kadi man Ngonn doo.

Jean 12:34

Doobulege ilei Jésu dè’t edi nè: – Magtub gute-ndu ede jè kété titeke Krist nga à ndi kumgajer se non dè nang nè. A ɓaa, ké bain taɓai á i tam ede nè: «Gar-gar d’a d’unn Ngonn doo nga lat kɔke dè nang nè» ɓai wa? Ké Ngonn doo nè nga è nan wa?

Jean 13:31

Loo ke Judas unde loo tee nata ɓá ɓaa, Jésu tam ede nè: – Ɗarinè d’ule ndubra dè’m man Ngonn doo’t ɓá ta. Nube géa d’ule ndubra dènn’t takul’m man Ngonn doo a tɔ.

Jean 3:13

Doo karé bè géa in nang nè aw danrán lé ɓai. Nè man Ngonn doo á m’in danrán m’ree nang nè.

Jean 3:14

Ndɔ ke kété Moise ra li nan tà kage’t dɔ kêm dile’t. Man Ngonn doo nga géa, gar-gar d’a ɓer’m dɔ titeke bè tɔ.

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Jean 6:53

Jésu tel ede de ede nè: – Kerɔte kuwe, man m’ede sei ndàt, ke nè á sei usei danra’m man Ngonn doo lé a, an-in mese’m lé a tɔ ɓaa, ndikumgajer nga goto ra si’t ɓá ta.

Jean 6:62

Ke nè á ndɔn’t a an-in Ngonn doo loo tel kaw loo ndii’n ke kété in tutu ree nga ɓaa, ké a i tami kedi nè ri ta wa?

Nyanra Njekawkulege 7:56

Etienne tam ede nè: – An-in! man m’an kum danran teen ra’n. M’an Ngonn doo nda se nja’n dɔ dè jikon Nube’t.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.