Matthieu 8:16 - Nouveau Testament en Gulay 2004

¹⁶ Loo ke loo sɔl ɓá ɓaa, dé ree se dooge bule ke ndilge ke majelé rai kum de ndoo ra Jésu’t. E rɔ ndilge ke majelé nè nga se tà ke karé ke tee tann’t. Njératurge malang ke dé ree se de rann’t nga, ratur ɔr dè de’t ade d’aje katch-katch.

Matthieu 8:16 Iomraidhean Croise

Matthieu 12:22

Dé ree se dingem karé ke ndil ke majelé tò kêmn’t ra Jésu’t. Dingem nè nga è njèkumtɔ a, tam tà lé a tɔ. Jésu ɔr ratur ra dingem’t nè ade tam tà yoror-yoror a, an loo njai-njai a tɔ.

Matthieu 14:14

Jésu in kêm bato’t rise nang. Doobulege ngain kujei nan rann’t hakl. E an kumndoo le de a, è ɔr ratur ra njératurge’t le de a tɔ.

Matthieu 8:15

Jésu lá ji’n uwe. Ke loon’t nè kuwe taa por ratur ke ade ra wum Pierre taa por làm-làm nga in dènn’t kengeng ade ɔse nang in dɔ. E unn gir ra nyankuse ade Jésu.

Matthieu 8:33

Njékul kos kɔsnyonge nè teti nan an-in awi kêm ɓee-bò’t. Ei ɔri ser nyange malang ke tee dè kɔsnyonge’t se dè dingemge joo ke kété ndilge ke majelé tooi kêm de’t kêrêr-kêrêr adi dooge ke rang ooi .

Matthieu 9:2

An! d’unn dingem karé ke ra’n wei tonrin se tuwe dé ree se’n d’ile’n nang non Jésu’t. Loo ke è an kundekêm le dooge nè bè ɓaa, è ede dingem ke ra’n wei tonrin nga, ede nè: – Basa, i nda kêmi káng, tede Nube ade kêm’n tin mbit dè kaiyage’t lei ɓá ta.

Marc 2:3

Dingemge sɔ unni doo karé ke ra’n wei tonrin mari reei se’n ra Jésu’t.

Marc 5:8

E tam tà nè nga titeke bè tede kunn ke Jésu unn ndu’n ade ndil ke majelé ede nè: – I ndil ke majelé, unde loo i tee kêm dingem’t nè nga kɔke.

Marc 9:25

Jésu an kosdoo-bulege têti nan yip à reei ke ra de’t. E unn gir ndáng ndil ke majelé nè nga ede nè: – I ndil ke majelé ke njé kɔge ngonn nè tam tà se koo tà nga, man m’unn ndu’m m’adi, unde loo i tee kêmn’t aw se noin.

Tà ke Maje ke Luc ndang 13:12

Loo ke Jésu tête kum’n an’n ɓaa, è ɓar’n ede’n ede nè: – Dinye, m’ɔr ratur lei dèi’t ɓá ta.

Tà ke Maje ke Luc ndang 4:40

Loo ke gir ndɔ taa kebe gang ade kàde ur ɓá ɓaa, dooge malang otoi njératurge ke raturge gai-gai ra de reei se de som-som ra Jésu’t. E ile’n ji’n dè de’t karé-karé malang, ɔr’n ratur ra de’t.

Tà ke Maje ke Luc ndang 4:41

Ndilge ke majelé géa undei loo teei kêm dooge’t bule se non tà de’t beng-beng edi nè: – I i Ngonn le Nube. Jésu on de njanm-njanm ɔge de tam tà, tede dé ger’n mbak titeke è Krist.

Nyanra Njekawkulege 5:15

Gir’n ke nè á, dé koto’n njératurge se tuwe tò de a, se tire tò de bere mbak d’unde’n de nata ɗêng-ɗêng ka-rebege’t. Dé ra titeke bè tede kade loo ke Pierre à dere ɓaa, ndil’n ke ɓer kuwe oso dè doo karé dann njératurge’t nè nga.