Matthieu 7:7 - Nouveau Testament en Gulay 2004

⁷ I kɔi Nube nyan ke awi ndoo’n ɓaa à ade sei a, i sangi nyan ke awi ndoo’n ɓaa a ingei. Undei tàbit kei ɓaa, d’a d’ɔr kade sei ɓai a tɔ.

Matthieu 7:7 Iomraidhean Croise

Matthieu 18:19

Kerɔte kuwe, man m’tel m’ede sei ɓai, ke nè á dooge joo dann si’t dè nang nè umi tà le de nan’t le deji nyan ke bain-bain géa, Bɔ’m ke ndi danrán à ade de nyan nè nga kuwe.

Matthieu 21:22

Nyan ke rara ke sei deji Nube se kundekêm ɓaa, a ingei nyan nè nga kuwe.

Matthieu 6:33

Nè i sangi Konɓee le Nube a, se nyan ke se dè naje’n ɓita Nube à ade sei gute nyange malang ke awi ndoo de.

Matthieu 7:11

Sei ke njékêmyêrge gé ɓai á i geri loo kade ngann sige nyan ke maje nè a, ké Bɔ si ke ndi danrán asekum kade nyange ke maje njé ke kɔi nin nyan lé wa?

Matthieu 7:8

Nanan ke kɔ nyan ke aw ndoo’n ɓaa, d’a d’ade’n. Nanan ke sang nyan ke aw ndoo’n ɓaa, d’a d’ade’n. Nanan ke unde tàbit kei ɓaa, d’a d’ɔr kade’n a tɔ.

Marc 11:24

Gir’n ke nè á man m’ede sei: nyan malang ke sei deji Nube loo ke ɔjii se’n tà nga, ke nè á umi kêm si dè’t titeke a ingei nga nyan nè nga kerɔte kuwe ɓaa, d’a d’ade sei nyan nè kuwe.

Tà ke Maje ke Luc ndang 13:25

Loo ke kuwe-kei à ɔse nang le kin dɔ kutu tà rebe ɓaa, ei ke nain-in nata à kunni gir kunde tà rebe kedi nè: « Kuwe-ɓee, tài tò nják, ɔr tà rebe ade jè.» E à tel kile sei dè’t kede nè: «Man m’ger sei lé.»

Tà ke Maje ke Luc ndang 18:1

Jésu unn gos nyan karé le tɔje’n de rebe kɔje tà se Nube dɔ-dɔ anje kade kêm de tête mann.

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Jean 15:7

Ke nè á i nanmi kàdem’t a, tàge le’m urkei kêm si’t a tɔ ɓaa, nyan ke sei ndigi á i deji nga a ingei.

Jean 4:10

Jésu tel ile dinye nè nga dè’t ede nè: – Ke nè á i ger noje ke Nube uwe sei karè nè nga a, i ger doo ke deji ede nè: Ade’m mann m’an-in a tɔ nga ɓaa, né i kuwe a in kété le deje’n mann kain, ayé kadi mann ke an-in kutch-kutch kade an-in i ndii’n kumgajer.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

Nje Ke Rome 3:11

Doo ke njèkumkunju karé bè géa goto, doo karé ke njè sang Nube kade ra se’n goto.

Hebreuge 11:6

Ke nè á kundekem̂ goto ɓaa, doo asekum taa kum Nube ndan lé. Doo ke age ngɔr ke ra Nube’t tede kum se’n nan’t bɔk nga, gar-gar maje kade ger titeke Nube ndi tutu. Nube à uge dè ji njé ke sangi nin se kem̂nda káng nga.

Jacques 5:15

Ke nè á ngatɔgege ɔji tà se Nube kerɔte ɓaa, Nube à unn njèratur nè kur’n dɔ. Ke nè á njèratur nè ra majelé ɓaa, Kuwe-ɓee à ade kem̂’n à tin mbit dènn’t.

1 Jean 3:22

Nyange malang ke jè kɔi Nube nga, j’à j’ingei tede kan ke j’an-in dè ndukunnge le’n sêw-sêw a, jè rai nyan ke taa kum’n a tɔ.