Matthieu 7:28 - Nouveau Testament en Gulay 2004

²⁸ Loo ke Jésu ndó dooge tà nè nga gir gang ɓá ɓaa, tà ige kosdoo-bulege sêl dè nyan ke è ndó de’t.

Matthieu 7:28 Iomraidhean Croise

Matthieu 11:1

Loo ke Jésu unn ndu’n ade njékuwe-girnge ke dɔg-gidé-joo ɓá ɓaa, è in ke loon’t nè aw rang le ndó dooge nyan a, le kile mber kêm ɓee-bòge’t le beekon ke Galilée.

Matthieu 19:1

Loo ke Jésu ndó de tàge nè gir gang ɓá ɓaa, è in ɓeekon ke Galilée aw gide ba Jourdain kêl ɓeekon ke Judée.

Matthieu 22:33

Loo ke kosdoo-bulege ooi tà nè bè ɓaa, ndil de tee an-in soin-soin dè tà ke Jésu ndó de’t.

Matthieu 26:1

Loo ke Jésu tam tàge nè nga gir gang ɗás ɓá ɓaa, è ede njékuwe-girnge ede nè:

Matthieu 7:27

Loo ke ndi ede ndài-ndài ade mann ule gir kei nè nga gangang-gangang a, nel bò ule mbin-mbin ɔje dè kei nè nga a tɔ ɓaa, kei nè nga oso gudu ɗêk-ɗêk.

Matthieu 7:29

E ndó de nyange se tɔgmong ke Nube ade’n m è ndó de nyan tite le njékɔrgir gute-nduge le de karè lé.

Marc 1:22

Tà ige de sêl dè gos nyan-ndó’t le’n. E ndó de nyan se tɔgmong ke Nube ade’n m ndó de nyan tite le njékɔrgir gute-nduge karè lé.

Marc 11:18

Maw njékuje nyan-mesege se njékɔrgir gute-nduge ooi sertà nè. Ei sangi ké se rebe ke ra n’a tɔli Jésu wa? Nè dé ɓel’n tede doobulege malang nga, ndil de tee an-in soin-soin dè nyan ke è ndó de se ndɔge-ndɔge.

Marc 6:2

E unn gir ndó dooge nyan kêm kei kebe nan’t se ndɔ taa kebe. Doobulege ke ndii tutu ooi tà lé’n nga, tà ige de sêl ade tami edi nè: – Ké n’inge tàgirge ke titeke bè nga ra wa? Ké gos nyanger nè nga n’in’n ra wa? Ké nan adé tɔgmong á n’ra’n nyankɔbege ke doo an kété ndan lé nè nga wa?

Tà ke Maje ke Luc ndang 19:48

Nè ei geri nyan ke kum ra le tɔl’n lé tede kosdooge malang uri mbi de ke rann’t tchên le koo’n tà le’n.

Tà ke Maje ke Luc ndang 2:47

Dooge malang ke ooi tà ke Jésu tam nga, tà ige de sêl dè gos nyanger’t le’n se dè tà ke è ile de dè’t se kumkunju’n a tɔ.

Tà ke Maje ke Luc ndang 4:22

Dooge malang d’ɔr go tà le Jésu maje. Tà ige de sêl dè tà kêmnoje le Nube ke tee tann’t ade d’oo. Dé tam tà d’ede nè: – Ké n’ee nga, n’ee ngonn le Joseph karè lé wa?

Tà ke Maje ke Luc ndang 4:32

Ndil de tee an-in soin-soin dè gos nyange ke è ndó de’t, tede è ndó de nyange nè nga se tɔgmong.

Tà ke Maje ke Luc ndang 7:1

Loo ke Jésu ede kosdooge tàge le’n malang gir gang ɓá ɓaa, ɔse nang in aw kêm ɓee ke Capernaum.

Jean 7:15

Tà ige Juipge sêl adi tami edi nè: – N’ee nga, n’ndó nyan lé, à ké se go rebe ke ra n’ger’n magtub bè wa?

Jean 7:46

Njérɔge ilei de dè’t edi nè: – Doo karé ke tam tà tite doo nè nga, j’inge’n nja karé ndan lé ɓai.