Matthieu 7:25 - Nouveau Testament en Gulay 2004

²⁵ Ndi ede ndài-ndài a, mann ule gangang-gangang gir kei’t nè a, nel bò ule mbin-mbin ɔje dè kei nè nga a tɔ. Nè kei nè nga oso lé tede d’unde gir’n dè kuberi herge’t.

Matthieu 7:25 Iomraidhean Croise

Matthieu 16:18

Nè man m’edi titeke i i Pierre, dè kuberi her ke m’an m’unde njékebe nange le’m dè’t. Tɔgmong le yo ase ra se de nyan karé lé.

Matthieu 7:24

Nanan ke ree ram’t ur mbi’n oo’n tàge le’m ra nyan’n ɓaa, tò asenan se doo karé ke njè kêm tɔ kuju tà ke unde gir kei le’n dè kuberi herge’t bè.

Matthieu 7:26

Nè doo ke rara ke ree ram’t oo tàge le’m á ra nyan’n lé ɓaa, tò asenan se doo ke njè kêm tɔ kuju tà lé ke unde gir kei le’n dè nyeenger’t bè.

Matthieu 7:27

Loo ke ndi ede ndài-ndài ade mann ule gir kei nè nga gangang-gangang a, nel bò ule mbin-mbin ɔje dè kei nè nga a tɔ ɓaa, kei nè nga oso gudu ɗêk-ɗêk.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nje Ke Ephese 3:17

M’deje Nube le kade ade Krist urkei dè ɓengre si’t takul kem̂ si ke undei dènn’t. Man m’deje Nube le kade ade ulei ngire si nang janm-janm dè tár ke Krist tár jèi’t nga.

Nje Ke Colosses 2:7

Ulei ngire si nang rann’t janm-janm a, i rɔti ndikumgajer le si dènn’t a tɔ. I ɓeɓerei dè kundekem̂ dè Krist’t titeke dé ndó’n sei kété ɓá. I rai Nube oiyo se ndɔ si, ndɔ si.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

1 Pierre 1:7

Nyantosowurge nè nga nan-in kundekem̂ le si ke gate’n dum nar-ɔr ɓai nga le kan, ké kundekem̂ le si nga è kundekem̂ ke get kuwe wa? Nar-ɔr è nyan ke à tuju a, à goto ɓai a tɔ. Nè nè bè géa, d’ule poro dé nan’n d’an. Kundekem̂ le si nga géa d’ade nan’n le kan tɔ. Ke nè á è kundekem̂ ke get ɓaa, d’a pite’n sei a, a ingei ndubra se riɓar a tɔ, ndɔ kunde loo tee pan’t le Jésu-Krist.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.