Matthieu 7:15 - Nouveau Testament en Gulay 2004

¹⁵ Undei kumkunju dè ra si’t ɔje dè njé tête tà kunde tà Nube’t. Ei rai ra de tite batege bè reei ra si’t. Nè kêm de ke kei ɓaa, ei heng-ge ke njé tɔ ko dooge.

Matthieu 7:15 Iomraidhean Croise

Matthieu 10:17

I ndai kêm si se dooge lé, tede à ulei sei ji njégangtàge’t a, à tundei sei se ndêin maru kêm kei kebe nange’t a tɔ.

Matthieu 16:11

Ma m’ede sei m’ede nè: Undei kumkunju dè ra si’t le kade sei njékede gosge tite Pharisienge se Saddusienge lé á m’tam bè m m’tam se si tede mapa ke sei ɔyi ji si’t lé nga lé. Ké bain á kum si gang dè tà’t nè nga lé sár wa?

Matthieu 16:6

Jésu ede de ede nè: – Kêm si dè ra si’t, undei kumkunju dè ra si’t le kade sei njékede gosge tite Pharisienge se Saddusienge bè lé.

Matthieu 24:11

Njé tête tà kunde tà Nube’tge bule à ɔsi nang kin-in le súi dooge bule a tɔ.

Matthieu 7:14

Nè tàbit kei ke aw loo ndikumgajer se non nga, è kêl-kêl a, è rebe ke njon a tɔ. Dooge ke ingei tàbit kei se rebe ke njon nè nga, ei ndêin bere bè.

Tà ke Maje ke Luc ndang 12:15

Taɓai Jésu ede doobulege ede nè: – Kêm si dè ra si’t nè a kadi ngur kebe nyanbawge ke rara dè nang nè ra sei pênn-pênn. Tede ndikumgajer le doo nga, tò ɔje dè nyanbawge le’n ke tò ndaj-ndaj nga lé.

Tà ke Maje ke Luc ndang 6:26

Sei ke dooge malang piti sei nga, a an-in ɓai, tede kà de dége nè géa, ndɔ ke rai titeke bè se njé ke rai ra de ke njéribe-dè-tàge ke tà Nube’t!

Jean 10:12

Doo ke batege ei le’n lé nga, è ul de tede kinge’n nar karè. Loo ke an heng à ree ɓaa, inye batege an-in aw, ade heng ree yal batege karé-karé.

Nyanra Njekawkulege 13:40

Bè ɓaa, undei kumkunju dè ra si’t! Njéribe-dè-tàge ke tà Nube’t tami kété edi nè:

Nyanra Njekawkulege 13:6

Loo ke dé d’unde dè goré loo bere mbak dé gang d’aw sár dé tee kêm ɓee ke Paphos. Loo ɓee’t nè, d’inge dingem karé bè ke njè mbeli. Dingem nè nga ri’n nè Bar-Jésu. Doo nè girkoje’n è Juip nè è ra ra’n ke njèribe-dè-tà ke tà Nube’t.

Nje Ke Galatie 2:4

Ke nè á ndɔ ke Tite ade d’uje tà mɔte’n ɓaa, è tede tà le dooge ke nange ke rai ra de ke njétaakem̂-Kristge ke turi dann jéi’t se go ngein. Ei turi dann jéi’t se go ngein le teri ké ndi dè pal le jéi ke j’ingei ra Jésu-Krist’t tò titeke bain wa? Ei rai bè le teli jèi ke ɓerge gugu taɓai. Nè j’ule dè jé j’ade dooge nè nga lé a,

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

Nje Ke Ephese 5:6

Adi doo karé géa sú sei se tàge ke raikarè lé. Wong le Nube oso dè dooge ke mbati kilei koje dènn’t.

Nje Ke Philippes 3:2

Undei kum si go bisege’t lé a, undei kum si go njékulege ke majelé lé a, undei kum si go njé sule sei kade ujei tà mɔte sige lé a tɔ.

Nje Ke Colosses 2:8

Undei kumkunju dè ra si’t le kade dé sú kum si se tà ndóge ke lanm a, se tà sú ke raikarè se go nyangirkà le dooge ke dè nang nè nga lé a tɔ. Nyan-ndóge nè nga in-in ra Krist’t lé, nè in-in ra dooge ke dè nang nè.

2 Timothee 3:13

Nè njé kem̂ majelége se njé libe kum dooge à awi kum de ke kété-kété dè majelé’t. Njé kem̂ majelége se njé libe kum dooge nè nga à súi dooge le kade ndemi a, ei kuwe géa à ndemi a tɔ.

2 Timothee 4:3

Timothée, oo maje, ndɔ ke dooge à taai ngarankum tà ke maje lé à ree non. Se go ngur nyange ke kem̂ de dé’t kuwe, d’ade kebe njéndó de nyange ke dè de’t-dè de’t le kade ndói de nyange ke mbi de ndon de sɔk-sɔk le koo.

2 Pierre 3:17

Sei geri tà nè kété ɓá. Bè ɓaa, kotárge le’m, undei kumkunju dè ra si’t nè bainléa njékaltàge à ndonmi sei nang ndalang dè nda njáng’t le si se sútàge le de nga.

1 Jean 4:1

Kotárge le’m, umi kem̂ si dè ndil tà’t le dooge ke tami edi nè n’awi se Ndil-Kem̂nda nga lé. Nè i nan-in dooge nè nga an-in ké awi se Ndil-Kem̂nda le Nube nga kerɔte kuwe wa? Tede njé tête tà kunde tà Nube’t undei loo teei ngain dè nang nè ɗarinè ta.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.

Lookilera’n 16:13

M’an ndilge ke majelé ke majelé mute undei loo teei taai nan se kanran bange bè. E ke karé tee tà dan-kɔbe’t, è ke karé tee tà dan’t a, è ke karé unde loo tee tà doo ke ra ra’n ke njèribe-dè-tà ke tà Nube’t a tɔ.

Lookilera’n 17:6

Mese dooge le Nube ke tooi se ninn de se mese njé ke dé tɔl de tede kem̂ de ke undei dè Jésu’t ra dinye nè nga tite yibe bè. Loo ke m’an’n bè ɓaa, ndil’m tee an-in soin-soin.

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.