Matthieu 7:13 - Nouveau Testament en Gulay 2004

¹³ Awi se tà rebe ke kêl-kêl tá. Kerɔte kuwe, tà rebe ke but-but è rebe aw ke loo tuju’t. Rebe ke but-but nga dooge ngain awi tutu dik-dik.

Matthieu 7:13 Iomraidhean Croise

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Matthieu 3:2

– I turi hal si tede Konɓee ke danran nain ngɔr ta.

Matthieu 3:8

I turi hal si, i rai nyanrage ke maje.

Matthieu 7:14

Nè tàbit kei ke aw loo ndikumgajer se non nga, è kêl-kêl a, è rebe ke njon a tɔ. Dooge ke ingei tàbit kei se rebe ke njon nè nga, ei ndêin bere bè.

Tà ke Maje ke Luc ndang 14:33

Jésu tɔl ngang tà nè nga ede nè: – Sei géa è titeke bè tɔ. Ke nè á doo karé dann si’t inye go nyankingege le’n lé ɓaa, è asekum k’ee njèkunn dè nja’m têr-têr lé.

Tà ke Maje ke Luc ndang 9:33

Loo ke dingemge nè à inyei Jésu le kɔti kawi ɓaa, Pierre ede’n ede nè: – Ngar, è soo’t ngain kade jè ndii nè. Ade jè rai kei kam mute, karé à è lei, karé à è le Moise, è ke karé à è le Elie tɔ. Pierre tam tà nè nga bè anje ger gir.

Jean 10:9

Man nga m’ee tàbit kei rebe. Ke nè á doo ree se rebe ke ram’t ɓaa, d’a d’aje’n. Doo nè nga à aw kei a, à unde loo tee nata a tɔ. Taɓai doo nè nga à inge nyan kul ra’n a tɔ.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nje Ke Rome 9:22

Nube ndige tɔje wong le’n ke nata; è ndige le kade dooge geri tɔgmong le’n. Nè è ile kêm’n pon dè dooge ke wong ra’n dè de’t a, ke ndii tà tuju’t a tɔ.

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

2 Nje Ke Corinthe 6:17

Gir’n ke nè á Kuwe-ɓee tam’n ede nè: «Undei loo i teei dann de’t kɔke i ndii gai, ɔdi ra nyan ke mine lé ɓaa, m’a m’uwe sei ke ram’t.

Nje Ke Galatie 5:24

Dooge ke umi nan’t bɔk se Jésu-Krist nga, uwei danra se ngur nyange le’n ke majelé ɓerii kade kage-ke-dese’t.

Nje Ke Philippes 3:19

Dooge nè nga loo tɔl tà’n ɓaa, d’a tuju. Nyankuse ke kem̂ de’t á d’oré kum de dè’t asenan se Nube le de bè a, nyan rasɔl á d’an ke riɓar le de a tɔ. Nyange le nang nè á dé gir dè’t se ndɔge malang.

1 Jean 5:19

Jè geri titeke jèi le Nube, nè dooge ke dè nang nè malang ei kem̂ ji tɔgmong’t le njè kem̂ majelé.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.

Lookilera’n 20:15

Doo ke rara ke dé ndang ri’n kem̂ magtub ndikumgajer’t nè nga lé ɓaa, d’a kile’n patak dann por ke on se laa’n bilm-bilm nè nga tɔ.

Lookilera’n 20:3

Taɓai, è uwe’n ile’n piring kem̂ be ke son’n goto’t, utu tà’n a, ɔse nyankorji le’n tà be nè nga a tɔ. Doo ke danrán ra titeke bè tede le kade dan-kɔbe inge loo libe kum girkoje dooge ke se dè ɓee-ɓee nga gugu ndan lé sár kade loge ke aru dɔg nga ase’n deĵ. Go’t gugu ɓita, gar-gar d’a tutu’n kinye’n dɔ mbɔr ɓai.