Matthieu 6:9 - Nouveau Testament en Gulay 2004

⁹ Loo ke a ɔji tà se Nube ɓaa, i tami titeke bè edi nè: «Bɔ jé i ke njè ndi danrán, maje kade dooge malang geri titeke rii è ri ke tò se ninn’n gai.

Matthieu 6:9 Iomraidhean Croise

Matthieu 10:29

Ké d’ige tuinge joo kum sisi karé d’ade an-in lé wa? Nè né è bè géa, è ke karé dann de’t oso nang anje kêm ndige le Bɔ si lé.

Matthieu 23:9

I ɓari doo karé bè géa Bɔ si dè nang nè lé, tede è ke ndi danrán kuwe karé bere á è Bɔ si.

Matthieu 26:29

Man m’ede sei ndàt, m’a tel kain mann nduu nè gugu ndan lé sár kade ndɔ ke m’an-in’n se si njè ke kige kêm Konɓee’t le Baa.

Matthieu 26:42

Jésu ɔte aw heb ɗêk ɔje tà se Nube njékon’t joo ede nè: – Bɔ’m ke nè á loo ke kade ute nyantosowur nè nga dèm’t mbeng ke rang goto ɓaa, i ra nyan ke kêmi ndige.

Matthieu 5:16

Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Matthieu 5:48

I maji ɔri njêt titeke Bɔ si ke ndi danran ee’n njè maje kɔr njêt nga tɔ.

Matthieu 6:14

Ke nè á adi kêm si tin mbit dè dooge’t ke njé ra se si majelé ɓaa, Bɔ si ke ndi danrán géa à ade kêm’n à tin mbit dè si’t tɔ.

Matthieu 6:6

Nè i , loo ke a ɔje tà se Nube ɓaa, aw kêm kei lei utu tàbit kei lei dèi’t ɓita ɔje tà se Bɔi ke ndi loo ngeinn’t. Titeke bè á Bɔi ke njè kan nyan ke tò loo ngeinn’t nga, à tel kuge dè jii ɓai.

Matthieu 7:11

Sei ke njékêmyêrge gé ɓai á i geri loo kade ngann sige nyan ke maje nè a, ké Bɔ si ke ndi danrán asekum kade nyange ke maje njé ke kɔi nin nyan lé wa?

Tà ke Maje ke Luc ndang 15:18

M’a m’ɔse nang kin kaw ra bɔm’t kede’n kede nè: Bɔ’m, m’ra kaiya tàkum Nube’t a, m’ra sei majelé a tɔ.

Tà ke Maje ke Luc ndang 15:21

Ngonn nè nga ede bɔ’n ede nè: «Bɔ’m m’ra kaiya tàkum Nube’t a, m’ra sei majelé a tɔ. M’ase kade i ɓar’m ngonni gugu lé ta.»

Tà ke Maje ke Luc ndang 2:14

– Maje kade dooge ulei ndubra dè Nube ke njèndi sêm danran’t. Maje kade kêmlom le Nube nain se dooge ke taai kêm’n dè nang nè a tɔ.

Jean 20:17

Jésu tel ede Marie ede nè: – Ɔde ra’m lé tede m’in m’aw ra Bɔm’t lé ɓai. Nè i ɓaa, i tel aw ede ngakonmge ede nè m’ndi m’aw ke ra Bɔ’m Nube’t. Bɔ’m Nube nga, è Bɔ si sei a, è Nube le si a tɔ.

Nje Ke Rome 1:7

Sei malang ke kêm ɓee-bò ke Rome nga Nube tár sei á ɓar sei kade sei dooge le’n ke i tooi se ninn si. Maje kade Bɔ jéi Nube se Kuwe-ɓee Jésu-Krist adi sei kêmnoje se kêmlom.

Nje Ke Rome 8:15

Ndil ke sei ingei nga à ra sei ɓer kade i teli osoi dann ɓel’t lé ta, nè à tel sei ke ngann Nube. Takul Ndil nè á jè ɓari Nube j’edi nè: «Abba!» tel se tà koje jé ɓaa è «Ɓɔ jé!»

Nje Ke Galatie 1:1

Kule ke man Paul m’ndi m’ra nga, gir’n in ra dooge’t éké doo karé á ade’m lé. Nè man m’ee njèkawkule se go kem̂ndige le Jésu-Krist se Bɔ’n Nube ke njè kade unde loo tee dann njé ke koo’t nga.

Nje Ke Galatie 4:6

Sei sei ngann kem̂ Nube kerɔte kuwe. Gir’n ke nè á Nube ule’n Ndil Ngonn’n ade ndii’n dè ɓengre jèi’t. Takul Ndil nè nga á jè tami tà se ndu jéi ke bòi j’edi nè: «Abba, Bɔ jé.»

1 Timothee 6:16

Nube kuwe se kar’n bere luk-luk á è njè kwei ndan lé. E ndi dann lookar’t ke doo karé bè géa ase gang kɔté lé. Doo ndul karé bè ke ndɔ ke an Nube goto. Doo ndul karé bè ke ɓila asekum kan Nube géa goto a tɔ. Maje kade riɓar ke à tò sár se non è le’n è kuwe. Maje kade è titeke bè kuwe.

1 Pierre 1:17

Nube ke njè ndête kum doo lé nga á ke njègangtà dè nanan géa se go kule ra’n-ra’n nga, sei ɓari nin Bɔ si. Bè ɓaa, i ɓeli ndil’n loo ke sei i nain-in ke mbage bè dè nang nè ɓai.

Lookilera’n 4:11

«Kuwe-ɓee Nube le jé, i asekum kinge ndubra se riɓar a, se tɔgmong a tɔ. E i kuwe á i njèkunde nyange malang. E se go kem̂ndige lei i kuwe á unde’n nyange malang ade tooi tutu.»

Lookilera’n 5:12

Ei ɔsi pa se ndu de ke bòi beng edi nè: «Ngonn bate ke ndɔ ke dé tɔl’n nga, maje kade inge tɔg se nyanbaw, se kumkunju se tɔgmong se riɓar se ndubra a, se ɗɔi a tɔ, ei le’n.»