Matthieu 6:5 - Nouveau Testament en Gulay 2004

⁵ Loo ke a ɔji tà se Nube ɓaa, i rai titeke njékede gosge rai nga lé. Dé nga, dé ndige kɔje tà se Nube kade kum dooge an de njung kêm kei kebe nange’t a , se ngang rebege’t a tɔ. Kerɔte kuwe, man m’ede sei ndàt, dé nè nga d’inge nyan-kuge dè ji de ɗarinè ɓá ta.

Matthieu 6:5 Iomraidhean Croise

Matthieu 21:22

Nyan ke rara ke sei deji Nube se kundekêm ɓaa, a ingei nyan nè nga kuwe.

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Matthieu 23:5

Nyan ra de malang è tede kunde’n ra de kum dooge’t karè. Gir’n ke nè á ei tɔri gute-nduge ke nange ei têti lanyange ke laa pe-pe tɔi kil ji de’t se nat-non de’t. Taɓai ei rai ji kubuge le de ade laai ber-ber a tɔ.

Matthieu 23:6

Ke nè á dé ɓar de loo ra nan’t ɓaa, dé ndigi ndi loo ndi dooge ke bò’t kété. Kêm kei kebe nan’t géa, dé ra titeke bè a tɔ.

Matthieu 6:1

An-in! tá nè a k’in-in kundei nyan ra ke se dè naje’n le si tàkum dooge’t tede kade an-in sei. Ke nè á sei i rai titeke bè ɓaa, a ingei nyan-kuge dè ji si ra Bɔ si ke ndi danran nga lé.

Matthieu 6:16

Loo ke ɔgi kêm si ɓo ɓaa, i siwi kum si siw-siw titeke njékede gosge rai nga lé. Ei rai titeke bè le kade dooge an-in titeke ɔgi kêm de ɓo. Kerɔte kuwe, man m’ede sei ndàt, dé nè nga d’inge nyankuge dè ji de ɗarinè ɓá ta.

Matthieu 6:2

Loo ke i unn nyan le kuwe’n noje ɓaa, ade d’ile ndil dèi’t titeke njékede gosge rai kêm kei kebe nange’t se ka-rebege tede kade dooge ilei riɓar dè de’t bè lé. Kerɔte kuwe, man m’ede sei ndàt, dé nè nga d’inge nyan-kuge dè ji de ɗarinè ɓá ta.

Matthieu 9:38

Bè ɓaa, ɔji tà se Kuwe-ɓee ke njè ko le kade ule njé sa koge loo sa ko’t le’n.

Marc 11:25

Dɔ-dɔ loo ke in-in i ndai dɔ le kɔji tà se Nube nga, ke nè á kêm si on sei dè doo karé’t ɓaa, inyei go nyanrage le’n ke se go rebe’n lé. Titeke bè á Bɔ si ke ndi danrán géa à inye go nyanrage le si ke se go rebe’n lé le si nga tɔ.

Marc 12:38

Loo ke Jésu ndi à ndó dooge nyan ɓaa, è ede de ede nè: – Undei kumkunju dè ra si’t nè a kin-in ndaji nyanra njékɔrgir gute-nduge. E ndigi ringei se kubu ke ngal julul-julul a, ndigi kade dooge rai de lapya ndá-looge’t a tɔ.

Tà ke Maje ke Luc ndang 11:43

Sei Pharisienge a an-in ɓai! Sei ndigi ndii kété non dooge’t kêm kei kebe nange’t a, sei ndigi kade dooge rai sei lapya ndá-looge’t a tɔ.

Tà ke Maje ke Luc ndang 18:1

Jésu unn gos nyan karé le tɔje’n de rebe kɔje tà se Nube dɔ-dɔ anje kade kêm de tête mann.

Tà ke Maje ke Luc ndang 18:13

Njètaa tir nga ɔse nang in nda dɔ gugu nú, è ndige kɔr kum’n kan’n loo ke dɔ lé a tɔ. Nè è unde kàde’n se ji’n ɗi ede nè: «Hei! Nube, ade kêmi tin mbit dèm’t tede man m’ee njèkaiya.»

Tà ke Maje ke Luc ndang 20:47

Nè kêl karé dé njétoso kêm kei le njékei-kingege koto nyange le de ndát-ndát a tɔ. D’ɔje tà se Nube d’ade kur de heb ɗak le taa’n kum dooge. Dé nè nga tà ke d’a gang dè de’t ndɔ gangtà’t nga à dum dè le dooge ke rang malang.

Tà ke Maje ke Luc ndang 6:24

Nè sei njényan kingege a an-in ɓai, tede sei ingei nyange ase sei nák-nák ɗarinè ɓá!

Jean 16:24

Sár ɗarinè sei deji nyan karé bè se ri’m lé ɓai. I deji nyan ɓaa a ingei, titeke bè á dè ranel le si à ɔr’n njêt.

Nje Ke Ephese 6:18

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

1 Nje Ke Thessalonique 5:17

Ebi’t kɔje tà se Nube lé.

Jacques 4:6

E uwe se jéi noje ke bò. Gir’n ke nè á Magtub ke tò se ninn’n tam’n ede nè: «Nube ute njé ti ra dege mbeng, nè è uwe noje se njé kule dè dege.»