Matthieu 6:33 - Nouveau Testament en Gulay 2004

³³ Nè i sangi Konɓee le Nube a, se nyan ke se dè naje’n ɓita Nube à ade sei gute nyange malang ke awi ndoo de.

Matthieu 6:33 Iomraidhean Croise

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Matthieu 19:29

Nanan ke inye kei le’n éké ngakonnge ke dingem éké njé ke dinye, bɔ’n éké kon’n, ngann’n éké loo ndɔrge le’n tede ri’m man ɓaa, à inge nyan-kunde dè nja’n bule ngain dè made’t. Tá à inge ndikumgajer se non dè’t ɓai.

Matthieu 3:2

– I turi hal si tede Konɓee ke danran nain ngɔr ta.

Matthieu 4:17

Unn gir kêm ndɔn’t nè, Jésu ile mber ede nè: – I turi hal si tede konɓee ke danrán nain ngɔr ta.

Matthieu 5:6

Njé ke ngur nyanra ke se dè naje’n ra de pênn-pênn asenan se kunde mann éké ɓo ke ra de nga, ra de à nel de tede kêm de à ndann ɓai!

Tà ke Maje ke Luc ndang 1:6

Zacharie se dinye le’n Elisabeth ei njé ra nyange ke danné sêw tàkum Nube’t a, ei njiyei se go gute-ndu Nube têr-têr a tɔ.

Tà ke Maje ke Luc ndang 12:31

I sangi Konɓee le Nube kété ɓita Nube à ade sei gute nyange ke rang malang ke awi ndoo’n.

Jean 5:4

tede doo ke danrán ke Nube ule’n ree ra mann nè nga dɔ-dɔ ade tal bungus-bungus. Njèratur ke inye ji’n dɔ oso danné kété loo ke dé ra’n mann d’ade unn gir tal bungus-bungus nga ɓaa, né ratur le’n è ratur ke bain-bain géa ra’n tel mong maj-maj karè.]

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Nyanra Njekawkulege 20:25

An-in! sei malang ke ndɔ ke m’aw m’ile mber Konɓee le Nube dann si’t nga, ɗarinè m’ger titeke a an-in kum’m gugu lé ta.

Nyanra Njekawkulege 28:31

E ile mber Konɓee le Nube ade de a, è ndó de tà ke ɔji dè Kuwe-ɓee Jésu-Krist se kêmnda káng m doo karé bè géa ɔge’n dè’t lé.

Nje Ke Rome 1:17

Tà ke Maje nga tɔje jéi titeke Nube ɔr tà dè doo’t takul kundekêm, unn gir ndɔ ke desêin sár ndɔ ke ngeinn’t titeke dé ndang’n kêm magtub’t d’ede nè: «Doo à ndi kumgajer takul kundekêm.»

Nje Ke Rome 10:3

Rebe ke Nube ɔr’n tà dè dooge’t nga dé ger lé. Nè dé sang le kade Nube ɔr tà dè de’t se go rebe le de ke kinge de. Gir’n ke nè á dé mbate’n rebe ke Nube ɔr’n tà dè dooge’t nga.

Nje Ke Rome 14:17

Kerɔte kuwe, konɓee le Nube nga tò tede nyankuse éké nyankain lé. Konɓee le Nube nga tò ɔje dè nyanra ke se dè naje’n a, se kêmlom a, se ranel ke Ndil-Kêmnda ade jèi.

Nje Ke Rome 8:31

Ké tà ri j’à tami dè nyange’t nè nga ɓai wa? Ke nè á Nube è le jéi ɓaa, ké nan à ɔse se jéi tà wa?

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

1 Nje Ke Corinthe 3:22

Paul se Apollos éké Céphas ei ngann njékulege le si. Ndikumgajer éké kwei, nyange ke ɗarinè éké nyange ke à reei ɓai, nyan malang ke dè nang nè è le si.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Nje Ke Philippes 3:9

kum’n se’n nan’t bɔk. Ɗarinè, Nube ɔr tà dèm’t tede kan ke m’an dè gute-ndu sêw-sêw lé, nè tede kum ke m’um nan’t bɔk se Krist. Nube ɔr tà dè doo’t takul kundekem̂ dè Krist’t.

2 Nje Ke Thessalonique 1:5

Nyankumndooge se nyantosowurge nè nga ei nyan-tɔje titeke ndɔ gangtà’t ke se dè naje’n le Nube ɓaa, sei asikum kingei konɓee le’n ke kum si ndi à ra’n ndoo.

1 Timothee 4:8

Ndaje ngire ra è nyan ke maje kuwe, nè maje tede le nyange malang lé. Nè kile koje dè Nube’t ɓaa, maje tede nyange malang. Takul kile koje dè Nube’t nga, j’inge’n kunn-ndu ke ɔje dè ndikumgajer ɗarinè a, kem̂ ndɔge ke à reei ɓai a tɔ.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

2 Pierre 1:11

Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.