Matthieu 6:31 - Nouveau Testament en Gulay 2004

³¹ Adi kêm si tò kekek se ndɔge malang kade i tami edi nè: «Ké ri á barè j’à j’use? Ké ri á barè j’à kan-in? Ké ri á barè j’à kule ra jé’t wa?» lé.

Matthieu 6:31 Iomraidhean Croise

Matthieu 15:33

Njékuwe-gir-Jésuge deji nin edi nè: – Ké j’à j’ingei mapa ra kêm dile loo’t nè le kade ase dooge ke bulei tchaprai nè nga wa?

Matthieu 4:4

Nè Jésu tel ilé dè’t ede nè: – Dé ndang kêm magtub’t d’ede nè: «Doo à ndi kumgajer takul mapa á go karé lé. Nè doo à ndi kumgajer takul tà malang ke tee tà Nube’t.»

Matthieu 6:25

Gir’n ke nè á man m’ede’n sei: adi kêm si tò kekek ɔje nyankuse ke a usei éké mann kain si éké kubu kule ra si’t lé. Ké ndikumgajer le doo nga è soo’t dum nyankuse lé wa? Ké danra doo dum dè kubu kule ra’t lé wa?

Matthieu 6:27

Ké nan dann si’t asekum kile ɓal ndikumgajer le’n dè made’t se go kêm tò kekek le’n nga wa?

Tà ke Maje ke Luc ndang 10:41

Kuwe-ɓee tel ile Marthe dè’t ede nè: – Marthe, Marthe, i ade kêmi olé bɔt-bɔt a, i ndɔje rai ɔje dè nyange bule a tɔ.

Tà ke Maje ke Luc ndang 12:11

Loo ke d’ade kali sei kaw se si gangtà dè si’t kêm kei kebe nange’t éké non ngar ɓeege’t, éké non njékonɓeege’t géa, adi kêm si tò kekek dè gos ke a ɔri tà le taai dè si, éké dè tà ke kum tam’t nga lé a tɔ.

Tà ke Maje ke Luc ndang 12:22

Go’t gugu Jésu ede njékuwe-girnge ede nè: – Gir’n ke nè á man m’ede sei ndàt: adi kêm si tò kekek dè ra si’t ɔje dè nyan ke a usei éké kubu ke a ulei ra si’t nga lé.

Tà ke Maje ke Luc ndang 12:29

Nè sei ɓaa, nyan ke a usei éké nyan ke a an-in nga, adi kêm si tò kekek dè sang de’t se ndɔge malang lé.

Nje Ke Philippes 4:6

Adi kem̂ si tò kekek dè nyan karé’t lé, nè se ndɔge malang ɔji tà se Nube a, i deji nin nyange ke awi ndoo’n tɔ. I rai nin oiyo dè nyange malang ke i deji nin nga.

1 Pierre 5:7

Nyange malang ke ade kem̂ si olé bɔt-bɔt nga, i risi undei dè Nube’t tede è tɔse kum’n dè si’t.