Matthieu 6:28 - Nouveau Testament en Gulay 2004

²⁸ Ké bain á adi kêm si tò kekek dè kubu kule ra si’t tá wa? Undei kum si maje an-in loo tɔge le ndujege ke kêm ndɔr’t. Ei rai kule ɔri yàl-yàl lé a, ojoi kubu lé a tɔ.

Matthieu 6:28 Iomraidhean Croise

Matthieu 10:10

Loo ke a awi ɓaa, unni ɓɔkrɔ ji si’t lé a, i tulei kubu dè nan’t joo lé a, i tulei gabang’t nja si’t lé a, unni kage ke tà ɗuge ji si’t lé a tɔ. Kerɔte kuwe, njèkule à inge nyankuse’n kuwe gar-gar.

Matthieu 6:25

Gir’n ke nè á man m’ede’n sei: adi kêm si tò kekek ɔje nyankuse ke a usei éké mann kain si éké kubu kule ra si’t lé. Ké ndikumgajer le doo nga è soo’t dum nyankuse lé wa? Ké danra doo dum dè kubu kule ra’t lé wa?

Matthieu 6:27

Ké nan dann si’t asekum kile ɓal ndikumgajer le’n dè made’t se go kêm tò kekek le’n nga wa?

Matthieu 6:31

Adi kêm si tò kekek se ndɔge malang kade i tami edi nè: «Ké ri á barè j’à j’use? Ké ri á barè j’à kan-in? Ké ri á barè j’à kule ra jé’t wa?» lé.

Tà ke Maje ke Luc ndang 10:41

Kuwe-ɓee tel ile Marthe dè’t ede nè: – Marthe, Marthe, i ade kêmi olé bɔt-bɔt a, i ndɔje rai ɔje dè nyange bule a tɔ.

Tà ke Maje ke Luc ndang 12:11

Loo ke d’ade kali sei kaw se si gangtà dè si’t kêm kei kebe nange’t éké non ngar ɓeege’t, éké non njékonɓeege’t géa, adi kêm si tò kekek dè gos ke a ɔri tà le taai dè si, éké dè tà ke kum tam’t nga lé a tɔ.

Tà ke Maje ke Luc ndang 12:22

Go’t gugu Jésu ede njékuwe-girnge ede nè: – Gir’n ke nè á man m’ede sei ndàt: adi kêm si tò kekek dè ra si’t ɔje dè nyan ke a usei éké kubu ke a ulei ra si’t nga lé.

Tà ke Maje ke Luc ndang 12:27

Undei kum si an-in putu ndujege. Dé ra kule d’ɔr yàl-yàl lé a, d’ojo kubu lé a tɔ. Nè man m’ede sei ndàt, kubu ngarge le Salomon maji ngain kuwe. Nè né è bè géa è ke karé bè ke maje tite putu ndujege nè nga goto.

Tà ke Maje ke Luc ndang 3:11

E tel ile de dè’t ede nè: – Ke nè á doo karé dann si’t aw se kubu joo ɓaa, maje kade unn karé ade doo ke le’n goto. Doo ke inge nyankuse géa, maje kade ra titeke bè tɔ.

Nje Ke Philippes 4:6

Adi kem̂ si tò kekek dè nyan karé’t lé, nè se ndɔge malang ɔji tà se Nube a, i deji nin nyange ke awi ndoo’n tɔ. I rai nin oiyo dè nyange malang ke i deji nin nga.

1 Pierre 5:7

Nyange malang ke ade kem̂ si olé bɔt-bɔt nga, i risi undei dè Nube’t tede è tɔse kum’n dè si’t.