Matthieu 6:24 - Nouveau Testament en Gulay 2004

²⁴ Doo karé asekum ra kule kade kuwenge joo kêm kurloo ke karé’t lé. E à ɔr è ke karé njêt, nè è à unde è karé ke rang dann kumn’t. Taɓai è à ile koje dè è ke karé’t, nè à an è karé ke nyan lé. Sei asikum ra ɓer le Nube se ra ɓer le nar kade nan’t joo mbak lé.

Matthieu 6:24 Iomraidhean Croise

Matthieu 4:10

Jésu tel ede sú ede nè: – Ɔte tam’t kɔke tede dé ndang kêm magtub’t d’ede nè: «Kuwe-ɓee Nube lei nga, i a kɔse keji nang nonn’t a, è kuwe karé bere luk-luk á i a ra ɓer le’n a tɔ.»

Tà ke Maje ke Luc ndang 16:11

Nar ke get lé ke tò ji si’t nga, loo ke sei tɔsi kum si dè’t lé ɓaa, ké nan à ade sei ngarankum nyan le kade i ngonmi wa?

Tà ke Maje ke Luc ndang 16:13

Ngonn njèndi karé asekum ra kule kade kuwenge joo kêm kurloo ke karé’t lé. E à ɔr è ke karé njêt, nè è à unde è ke karé dann kumn’t. E à ile koje dè è ke karé’t, nè à an njè ke karé ke rang ke nyan lé. Sei asikum ra ɓer le Nube se ra ɓer le nar kade nan’t joo mbak lé.

Tà ke Maje ke Luc ndang 16:9

Jésu tel ede de ede nè: – Man m’ede sei, nar ke get lé ke tò ji si’t nga uwei made nan se dooge. Titeke bè á loo ke gir nar nè à gang ɗás ji si’t ɓaa, Nube à uwe sei ke rann’t loo ndi ke à tò se non.

Nje Ke Galatie 1:10

Ɗarinè, ké m’aw ndoo taa kum dooge éké m’aw ndoo taa kum Nube wa? Ke nè á m’sang le taa kum dooge karè ɓaa, bainléa ɓila man m’ee le Krist lé ta.

1 Timothee 6:17

I ndeje bawge ke ndii dè nang nè ɗarinè le kade tii ra de lé a, le kade undei kem̂ de tchên dè nyanbaw ke à tò mbɔr lé nga lé a tɔ. I ndeje de le kade undei kem̂ de tchên ke dè Nube’t. Nube á è njè kade jèi nyange malang kade tooi ra jéi’t ndàj-ndàj tede kade jè ndii dann ranel’t.

2 Timothee 4:10

Démas sure’m inye’m tede unde nyange ke dè nang nè dann kumn’t ngain. E ɔte aw kem̂ ɓee-bò ke Thessalonique. Crescens ɔte aw kum’n ke ɓeekon ke Galatie a, Tite aw kem̂ ɓeekon ke Dalmatie a tɔ.

Jacques 4:4

Sei njé mbate Nubege! Doo ke uwe made nan se nang nè nga è njèban le Nube. Ké sei geri titeke bè lé wa? Doo ke ndige kuwe made nan se nang nè ɓaa, è kuwe tel ra’n ke njèban le Nube ta.