Matthieu 6:2 - Nouveau Testament en Gulay 2004

² Loo ke i unn nyan le kuwe’n noje ɓaa, ade d’ile ndil dèi’t titeke njékede gosge rai kêm kei kebe nange’t se ka-rebege tede kade dooge ilei riɓar dè de’t bè lé. Kerɔte kuwe, man m’ede sei ndàt, dé nè nga d’inge nyan-kuge dè ji de ɗarinè ɓá ta.

Matthieu 6:2 Iomraidhean Croise

Matthieu 15:7

Sei njékede gosge! Tà ke Esaie tam kété mari ɔje’n dè si ede nè:

Matthieu 16:3

Loo ke loo ar yerer ɓaa, sei tami edi nè: «Ɓila ndi à ede, tede kàde danran tile guri-guri.» Sei geri loo kɔr kum nyange ke kàde danran’t, nè ké sei asi kɔri kum nyange ke ɗarinè nga lé wa?

Matthieu 22:18

Nè Jésu ger kêmyêr le de mbak ɓá. E tam se de ede nè: – Sei njékede gosge, ké bain á uyei gum nonm’t wa?

Matthieu 23:5

Nyan ra de malang è tede kunde’n ra de kum dooge’t karè. Gir’n ke nè á ei tɔri gute-nduge ke nange ei têti lanyange ke laa pe-pe tɔi kil ji de’t se nat-non de’t. Taɓai ei rai ji kubuge le de ade laai ber-ber a tɔ.

Matthieu 23:6

Ke nè á dé ɓar de loo ra nan’t ɓaa, dé ndigi ndi loo ndi dooge ke bò’t kété. Kêm kei kebe nan’t géa, dé ra titeke bè a tɔ.

Matthieu 24:51

Kuwe’n à rɔ’n kɔke a, à kade aw loo ndi’t le njékede gosge. E loo ke ndɔn’t dooge à non-in jik-jik tutu a, à ton-in tà de vbat-vbat tutu a tɔ.

Matthieu 5:18

Kerɔte kuwe, man m’ede sei ndàt, nyange ke ndêin-ndêin ke dé ndang kêm magtub gute-ndu ke mari’t nga, karé bè géa à goto lé sár kade danran se dè nang à gotoi pa ɓita.

Matthieu 6:16

Loo ke ɔgi kêm si ɓo ɓaa, i siwi kum si siw-siw titeke njékede gosge rai nga lé. Ei rai titeke bè le kade dooge an-in titeke ɔgi kêm de ɓo. Kerɔte kuwe, man m’ede sei ndàt, dé nè nga d’inge nyankuge dè ji de ɗarinè ɓá ta.

Matthieu 6:3

Nè i ɓaa, loo ke a unn nyan le kuwe’n noje nga, ade ji geli ger nyan ke ji koin ra lé,

Matthieu 6:5

Loo ke a ɔji tà se Nube ɓaa, i rai titeke njékede gosge rai nga lé. Dé nga, dé ndige kɔje tà se Nube kade kum dooge an de njung kêm kei kebe nange’t a , se ngang rebege’t a tɔ. Kerɔte kuwe, man m’ede sei ndàt, dé nè nga d’inge nyan-kuge dè ji de ɗarinè ɓá ta.

Matthieu 7:5

I njèkede gos, ɔr maman kage ke tò kumi’t kuwe kété ɓita a an loo njai le kɔr’n bum walè ke tò kum ngokoin’t ɓai.

Marc 12:39

Njékɔrgir gute-nduge nga ndigi ndii loo ke kété non kosdooge’t kêm kei kebe nan’t. Loo ke dé ɓar de loo nyankuse’t géa, ei ndigi ndii loo ndi dooge ke bò’t kété a tɔ.

Marc 7:6

Jésu ede de ede nè: – Sei njé kede gosge! Tà ke ndɔ ke Esaie njèribe-dè-tà ke tà Nube’t tam kété mari ɔje’n dè si nga è kum kuwe. Oiyo, ndɔ ke è ndang kêm magtub’t ede nè: «Kosdooge le Nube nè nga ɗɔyi man se tà de karè, nè ngarankêm de ndii heb se’m.

Tà ke Maje ke Luc ndang 11:41

Ngarankêm si tá adi Nube ke nyan-noje ɓaa, nyankain mannge se nyankuse nyange le si malang à unji.

Tà ke Maje ke Luc ndang 11:43

Sei Pharisienge a an-in ɓai! Sei ndigi ndii kété non dooge’t kêm kei kebe nange’t a, sei ndigi kade dooge rai sei lapya ndá-looge’t a tɔ.

Tà ke Maje ke Luc ndang 12:33

Igi nyankingege le si, inyei nar’n uwei noje se njéndooge. Uri mbu narge ke à ndis lé. I kebi nyanbawge ke à tò sár se non danrán. E loo ke njéɓog-ge à teei tutu lé a, gide à unde nyan tutu tuju’n lé a tɔ.

Tà ke Maje ke Luc ndang 12:56

Sei njékede gosge, sei geri loo ter nyan ke nange ke dè nang nè se ke danrán a tɔ. Nè ké bain á sei mbati teri nyange ke teei ɗarinè nga wa?

Tà ke Maje ke Luc ndang 13:15

Kuwe-ɓee tel ile de dè’t ede nè: – Sei njékede gosge, ndɔ taa kebe nga ké nan dann si’t tutu mang éké koro le’n dè bel’t aw se’n ade an-in mann lé wa?

Tà ke Maje ke Luc ndang 20:46

– Kêm si dè ra si’t nè a kin-in ndaji nyanra le njékɔrgir gute-nduge. Dé nga, dé tule kubuge ke bòi yul-yul ringe’n á è ranel le de a, dé ndige kade dooge neri de ndá-loo kaskoge’t a tɔ. Dé ndige ndi kété non dooge’t kêm kei kebe nan’t a, loo ke dé ɓar de loo ra nan’t géa, dé reen dè loo ke kété non dooge’t a tɔ.

Tà ke Maje ke Luc ndang 6:24

Nè sei njényan kingege a an-in ɓai, tede sei ingei nyange ase sei nák-nák ɗarinè ɓá!

Tà ke Maje ke Luc ndang 6:42

Ké asekum kede ngokoin kede nè: «Ngokon’m, inye’m ade m’ɔr walè ke tò kumi’t», nal kade kêmi olé dè maman kage ke tò kumi’t titeke bain wa? I njèkede gos, ɔr maman kage ke tò kumi’t pa ɓita asekum kan loo njai le kɔr’n bum walè ke tò kum ngokoin’t nga ɓai.

Jean 13:29

Judas è njè ngonm mbu nar nyankuse ke dé tann. Dooge ke nange giri edi nè: Jésu ede’n kade aw ndogo nyan ke awi ndoo’n le ra’n nan Paque. Njé ke nange giri edi nè: Jésu ede’n le kade nobo njéndooge nyan.

Jean 5:41

Man m’aw ndoo riɓar ke in ra dooge’t lé.

Jean 5:44

Sei awi ndoo riɓar ke in ra nan’t dadann si sei’t kuwe. Nè riɓar ke in ra Nube’t kuwe karé nga, sei sangi nin lé. Ké sei asi kundei kêm si dèm’t titeke bain wa?

Jean 7:18

Doo ke in se dè’n tam tà nga, sang riɓar ke ɔje dè’n è kuwe. Nè doo ke sang riɓar ke ɔje dè njèkule’n nga ɓaa, è ngarankum doo kerɔte kuwe. Nyanra ke nal naje’n karé bè géa goto rann’t.

Nyanra Njekawkulege 10:2

Corneille se njékêmkeige le’n malang ilei koje dè Nube’t a, ɓeli Ndil’n a tɔ. E uwe noje se kosdooge malang se ndɔ’n-ndɔ’n. E ɔje tà se Nube se ndɔ karé-karé.

Nyanra Njekawkulege 10:31

«Corneille, Nube ur mbi’n oo’n tà lei ke ɔje se’n nga. Noje ke i uwe se njéndooge nga géa, kêm’n wei nal dè’t lé a tɔ.

Nyanra Njekawkulege 10:4

Corneille an doo ke danrán kàt-kàt, ɓel unde’n ndàt gang’n ade deje’n ede nè: – Kuwe-ɓee, è ri wa? Doo ke danran ile Corneille dè’t ede nè: – Kɔje tàge se noje-kuwege lei nga awi teei ra Nube’t. Gir’n ke nè á kêm’n olé’n dèi’t ɓila.

Nyanra Njekawkulege 11:29

Njékuwegir-Kristge ɔji njáng le kulei se nyan, ra’n se njétaakêm-Kristge ke ndii kêm ɓeekon ke Judée. Nanan géa unn nyan ade se go nyankinge’n-kinge’n.

Nyanra Njekawkulege 24:17

Ase loge bule ɓita m’tel m’ree le kuwe noje se kosdooge le’m a, se le kunn nyan-noje kade Nube a tɔ.

Nyanra Njekawkulege 9:36

Dinye karé ke njètaakêm-Krist ndi kêm ɓee ke Joppé. Dinye nè nga ri’n nè Tabitha ke dé ɓar’n Dorcas se tà grec. Dorcas se tà le jéi ɓaa è «jêl». E dinye noje ke ra nyange gai-gai uwe’n noje se njéndooge bule.

Nje Ke Rome 12:8

Ke nè á doo karé inge nyan-noje ke ɔje dè ndeje madennge ɓaa, maje kade tɔse kum’n dè ndeje madennge’t. Nanan ke inge nyan-noje ke ɔje dè kade nyan dooge ɓaa, maje kade ade se kêm’n ke karé. Nanan ke inge nyan-noje ke ɔje dè kɔr non dooge ɓaa, maje kade ra se rakɔlé. Nanan ke inge nyan-noje ke ɔje dè ra kêmkanm ɓaa, maje kade ra se ranel.

1 Nje Ke Corinthe 13:3

Ke nè á m’kai nyankingemge malang m’ade dooge gaje’n karé-karé éké m’inye ra’m m’ade dé ró se por tede kunde’n kàde’m karè nal kade tár nan tò kêm’t ɓaa, nyan karé ke è soom’t tutu goto.

Nje Ke Galatie 2:10

Nyan karé ke ei ndigi le kade jè ra ɓaa, è le kade j’ade kem̂ jé olé dè njéndooge’t. E ke nè nga è nyan ke m’tɔse kum’m dè’t m’ra se ngarankem̂’m kuwe tɔ.

Nje Ke Ephese 4:28

Doo ke ndɔ ke è njèɓog nga, maje kade ebe ra’n ɓoge. Nè è soo’t kade ule ra’n ndibe ra kule ke maje se ji’n è kuwe. Titeke bè á à inge’n nyan le kai kade doo karé ke nyan nal’n tɔ.

1 Nje Ke Thessalonique 2:6

Jè sang riɓar ke in ra dooge’t lé a, ke in ra si sei’t éké ra njé ke rang’t nga ndan lé a tɔ.

1 Timothee 6:18

I ndeje de le kade dé njé ra majege, éké kade dé baw nyanrage ke maje a, le kade d’uwe noje se go dege, non dege. I ndeje de le kade d’in kalang dé kai nyange le de d’ade dooge ke rang se de se kem̂nda káng.

Philemon 1:7

Ngokon’m, tár ke i tár njé ke tooi se ninn de nga ule dingem kem̂’t a, ade’m ranel ngain a tɔ. Tàkuli i á kem̂ njétaakem̂-Kristge oso’n nang pon.

Hebreuge 13:16

Adi kem̂ si wei nal dè ra maje’t, se dè kai tà nyankinge le si kade dooge ke rang nga lé. Nyankuje-mesege ke titeke bè nga taa kum Nube.

1 Pierre 4:11

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.