Matthieu 6:19 - Nouveau Testament en Gulay 2004

¹⁹ Uwei dè nja nyanbawge ke dè nang nè nga undei konn tede le si lé, tede dè nang nè nga è loo ke gide se kar tuji nyange tutu a, njéɓog-ge mbuti kum loo ɓogi a tɔ.

Matthieu 6:19 Iomraidhean Croise

Matthieu 19:21

Jésu ede dingem nè nga ede nè: – Ke nè á i ndige le k’ee doo ke maje ɔr njêt ɓaa, aw ige nyanbawge lei malang inye nar’n i kai njéndooge ɓaa a inge nyanbaw ra Nube’t danrán nú. Aw i ra nyange nè pa ɓita i tel ree unn rebe goom’t ɓai.

Matthieu 6:20

Nè uwei dè nja nyanbawge le si undei konn danrán ra Nube’t, tede danrán nga è loo ke gide se kar tuji nyan tutu lé a, njéɓog-ge à mbuti kum loo le ɓogi lé a tɔ.

Tà ke Maje ke Luc ndang 12:21

Jésu tel ede de ɓai ede nè: – Doo ke kebe nyankingege ke dè nang nè ɔje’n dè ra’n è kuwe nal kade è baw tàkum Nube’t nga, le’n à è titeke bè tɔ.

Tà ke Maje ke Luc ndang 12:33

Igi nyankingege le si, inyei nar’n uwei noje se njéndooge. Uri mbu narge ke à ndis lé. I kebi nyanbawge ke à tò sár se non danrán. E loo ke njéɓog-ge à teei tutu lé a, gide à unde nyan tutu tuju’n lé a tɔ.

Tà ke Maje ke Luc ndang 12:39

Ooi tà nè maje: ke nè á kuwe-kei ger kàde ke njèɓog à ree’n kété ɓaa, gar-gar à inye’n kade mbute kum bolè ɓoge’n nyange ke kêm kei le’n lé.

Tà ke Maje ke Luc ndang 18:22

Loo ke Jésu oo tà le doo nè bè ɓaa, è ede’n ede nè: – Nyan karé nain kade i ra ɓai. Aw ige nyange lei mbak inye nar’n i nobo njéndooge ɓaa, i a kinge nyanbaw ra Nube’t nú ɓai. Aw i ra nyange nè pa ɓita i tel i ree unn rebe goom’t ɓai.

Tà ke Maje ke Luc ndang 18:24

Loo ke Jésu an’n bè ɓaa, è tam ede nè: – Tur ngain le kade njényan kingege umi nan’t bɔk se Nube.

1 Timothee 6:17

I ndeje bawge ke ndii dè nang nè ɗarinè le kade tii ra de lé a, le kade undei kem̂ de tchên dè nyanbaw ke à tò mbɔr lé nga lé a tɔ. I ndeje de le kade undei kem̂ de tchên ke dè Nube’t. Nube á è njè kade jèi nyange malang kade tooi ra jéi’t ndàj-ndàj tede kade jè ndii dann ranel’t.

Hebreuge 13:5

Adi ngur nar ule aljem̂ tà si’t uwe’n sei ɓer lé. I rai ranel dè nyan ke tò ji si’t tede Nube kuwe tam ndàt nè: «M’a m’inyei sengel lé a, m’a m’inye gooi ndan lé a tɔ.»