Matthieu 6:12 - Nouveau Testament en Gulay 2004

¹² Maje kade ade kêmi tin mbit dè kure majelége’t le jé titeke jè géa j’ade kêm jé tin mbit dè kure majelé ke made jége rai se jé.

Matthieu 6:12 Iomraidhean Croise

Matthieu 26:28

Oiyo, è ke nè nga è mese’m, mese mann-ra ke d’ade an-in dè nang nè kade dooge bule ingei kêm tin mbit dè kaiyage’t le de.

Matthieu 9:2

An! d’unn dingem karé ke ra’n wei tonrin se tuwe dé ree se’n d’ile’n nang non Jésu’t. Loo ke è an kundekêm le dooge nè bè ɓaa, è ede dingem ke ra’n wei tonrin nga, ede nè: – Basa, i nda kêmi káng, tede Nube ade kêm’n tin mbit dè kaiyage’t lei ɓá ta.

Marc 11:25

Dɔ-dɔ loo ke in-in i ndai dɔ le kɔji tà se Nube nga, ke nè á kêm si on sei dè doo karé’t ɓaa, inyei go nyanrage le’n ke se go rebe’n lé. Titeke bè á Bɔ si ke ndi danrán géa à inye go nyanrage le si ke se go rebe’n lé le si nga tɔ.

Tà ke Maje ke Luc ndang 11:4

Ade kêmi tin mbit dè kaiyage’t le jé, titeke jè kuwe géa j’ade kêm jé tin mbit dè dooge malang ke rai se jé majelé. Inye jè ade j’oso dann nyan su’t lé.»

Tà ke Maje ke Luc ndang 13:4

Eké dooge ke dɔg-gidé-sɔsɔ ke kêm ɓee ke Siloé ke kei ke ngal lêng-lêng tête unde de tɔl de nga, ké sei giri titeke ei nè á tà uwe dè de dum gute dooge ke rang malang ke ndii kêm ɓee-bò ke Jérusalem wa?

Tà ke Maje ke Luc ndang 6:37

Ilei tà dè dooge’t lé ɓaa, Nube à ile tà dè si’t lé tɔ. Uwei dooge se tà lé ɓaa, Nube géa à uwe sei se tà lé tɔ. Adi kêm si tin mbit dè majelége’t le dooge ɓaa, Nube géa à ade kêm’n à tin mbit dè majelége’t le si tɔ.

Nyanra Njekawkulege 13:38

Ngakonmge, maje kade i geri tà ke j’ede sei nè nga maje: gute-ndu le Moise asekum kɔr tà dè si’t ndan lé. Nè ɓila j’ile mber kêm tin mbit dè kaiya’t j’ade sei takul Jésu nga.

Nje Ke Ephese 1:7

Takul Krist ke wei ade mese’n an-in nang á j’ingei nyankuge dè jéi ɓee ɓer’t a, Nube ade kem̂’n tin’n mbit dè kaiyage’t le jéi a tɔ. E kem̂noje ke bò ke gar’n goto á Nube uwe se jéi!

Nje Ke Ephese 4:32

I rai kem̂-maje se nan a, i rai kem̂kanm se nan a, adi kem̂ si tin mbit dè nan’t titeke Nube ade kem̂’n tin’n mbit dè si’t takul Krist.

Nje Ke Colosses 3:13

Ilei kem̂ si pon dè nan’t. Ke nè á doo karé dann si sei’t aw se tà ke asekum kade in’n se made’n se tà géa, adi kem̂ si tin mbit dè nan’t. Adi kem̂ si tin mbit dè nan’t titeke Kuwe-ɓee ade kem̂’n tin’n mbit dè si’t nga tɔ.