Matthieu 6:1 - Nouveau Testament en Gulay 2004

¹ An-in! tá nè a k’in-in kundei nyan ra ke se dè naje’n le si tàkum dooge’t tede kade an-in sei. Ke nè á sei i rai titeke bè ɓaa, a ingei nyan-kuge dè ji si ra Bɔ si ke ndi danran nga lé.

Matthieu 6:1 Iomraidhean Croise

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 16:6

Jésu ede de ede nè: – Kêm si dè ra si’t, undei kumkunju dè ra si’t le kade sei njékede gosge tite Pharisienge se Saddusienge bè lé.

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Matthieu 23:5

Nyan ra de malang è tede kunde’n ra de kum dooge’t karè. Gir’n ke nè á ei tɔri gute-nduge ke nange ei têti lanyange ke laa pe-pe tɔi kil ji de’t se nat-non de’t. Taɓai ei rai ji kubuge le de ade laai ber-ber a tɔ.

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 5:16

Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Matthieu 5:46

Ke nè á i tári njé ke tári sei tá ɓaa, ké nyan-kuge dè ji ke ra a ingei wa? Ké njétaa tirge kuwe géa dé ra titeke bè tɔ lé wa?

Matthieu 5:48

I maji ɔri njêt titeke Bɔ si ke ndi danran ee’n njè maje kɔr njêt nga tɔ.

Matthieu 6:16

Loo ke ɔgi kêm si ɓo ɓaa, i siwi kum si siw-siw titeke njékede gosge rai nga lé. Ei rai titeke bè le kade dooge an-in titeke ɔgi kêm de ɓo. Kerɔte kuwe, man m’ede sei ndàt, dé nè nga d’inge nyankuge dè ji de ɗarinè ɓá ta.

Matthieu 6:9

Loo ke a ɔji tà se Nube ɓaa, i tami titeke bè edi nè: «Bɔ jé i ke njè ndi danrán, maje kade dooge malang geri titeke rii è ri ke tò se ninn’n gai.

Marc 8:15

Jésu ndeje njékuwe-girnge ndej-ndej ede nè: – Undei kumkunju dè ra si’t le gang kɔte pululu’t le Pharisienge éké le Hérode Antipas nga lé.

Tà ke Maje ke Luc ndang 11:35

J’undei kumkunju dè ra jéi’t le kade lookar ke kêm jéi’t tel è tilkus lé.

Tà ke Maje ke Luc ndang 12:1

Kêm ndɔn’t nè nga, doobulege kebi nan ra Jésu’t se mate de-mate de asi aru dɔg loo bule. Dé njin nan rann’t njàng-njàng ade nain ngɔr kade dé tube nan nang mbajer-mbajer. Jésu unn gir kede njékuwe-girnge kuwe tà kété ede nè: – Kêm si dè ra si’t le kade sei njékede gos tite Pharisienge bè lé.

Tà ke Maje ke Luc ndang 12:15

Taɓai Jésu ede doobulege ede nè: – Kêm si dè ra si’t nè a kadi ngur kebe nyanbawge ke rara dè nang nè ra sei pênn-pênn. Tede ndikumgajer le doo nga, tò ɔje dè nyanbawge le’n ke tò ndaj-ndaj nga lé.

Tà ke Maje ke Luc ndang 16:15

Jésu ede de ede nè: – Sei an-in ra si ke njéra nyan danné sêwge tàkum dooge’t nè Nube ger ngarankêm si mbak. Nyan ke è ngarankum nyan tàkum dooge’t nga, Nube an ke nyan ke tò yêr tàkumn’t.

Jean 12:43

Njékɔr non Juipge rai titeke bè tede undei riɓar ke in ra dooge’t tá ngain dum riɓar ke in ra Nube’t.

Jean 5:44

Sei awi ndoo riɓar ke in ra nan’t dadann si sei’t kuwe. Nè riɓar ke in ra Nube’t kuwe karé nga, sei sangi nin lé. Ké sei asi kundei kêm si dèm’t titeke bain wa?

Nyanra Njekawkulege 3:12

Nè loo ke Pierre an kosdooge ke reei ra de’t nè nga bè ɓaa, è deje de ede nè: – Sei dooge ke ɓeekon ke Israel, ké bain á adi ndil si tee an-in soin-soin dè njiye ke dɔgemete nè in njiye nga wa? Ké bain á adi kum si tò dè jé jè’t kakak titeke è tɔgmong le jé, éké kile koje dè Nube’t le jé á j’ade dɔgemete nè njiye’n wa? Ḿ-m̀, è jè lé.

Nje Ke Galatie 6:12

Dooge ke nange ndigi kundei tɔge dè si’t le kade ujei tà mɔte si. Ei rai titeke bè le taa’n kum Juipge karè nè bainléa à kɔri de kororoi tede tà le Krist ke dé tɔl’n kade kage-ke-dese’t. Kɔr ke d’a d’ɔr de kororoi á è nyan karé ke dé ɓel d’unde’n tɔge dè si’t le kade d’uje’n tà mɔte si.

Hebreuge 11:26

Moise an rasɔl ke ndɔn’t d’a d’ile dè Krist’t nga ke nyanbaw ke dum dè nyanbawge malang ke ɓeekon ke Egypte. E oré kum’n sêw dè nyankuge dè jinn’t ke ndɔ ke rang.

Hebreuge 2:1

Gir’n ke nè á, gar-gar ade j’adi kem̂ jéi è dè ra jéi’t dum ke kété ɔje dè nyange ke j’ooi tà’n ɓá nga. Ke nè á jè rai bè lé ɓaa, j’à nditei ndàl kosoi kɔke.

Hebreuge 6:10

Nube è njè banm doo lé. Kem̂’n à wei nal dè nyan ke sei rai tede tà le’n nga lé. Sei i ndii rai se njétaakem̂-Kristge ke rang kum si ke kété ɓai tede tár ke i tári Nube nga. Kem̂ Nube à wei nal dè ra ke i rai se de nga lé.

2 Jean 1:8

Undei kumkunju dè ra si’t tede kade kule ke jè ra nga tɔ ra jéi’t karè lé, nè le kade ingei nyankuge dè ji si tá.