Matthieu 5:9 - Nouveau Testament en Gulay 2004

⁹ Njé ke d’ade made dege ingei kêmlom nga, ra de à nel de tede è dé kuwe á d’a ɓar de ngann Nubege!

Matthieu 5:9 Iomraidhean Croise

Matthieu 5:45

Ke nè á i rai titeke bè ɓaa, a teli k’ei ngann Bɔ si Nube ke ndi danrán kuwe. E ade kàde le’n ube dè njé ra nyan majelége se njé ra nyan majege’t a tɔ. E ade ndi ede dè njé ra nyan se dè najennge se dè njé ra nyan se dè naje’n lége a tɔ.

Matthieu 5:48

I maji ɔri njêt titeke Bɔ si ke ndi danran ee’n njè maje kɔr njêt nga tɔ.

Tà ke Maje ke Luc ndang 20:36

Yo asekum ɓar ri de gugu lé ta tede à tooi asinan se dooge ke danrán bè. Loo ke ei undei loo teei dann njé ke koo’t ɓá ɓaa, ei ngannge le Nube kuwe.

Tà ke Maje ke Luc ndang 6:35

Nè sei ɓaa, i tári njébange le si, i rai de maje, adi dooge tunei sei nyan, nè i giri kêm si’t edi nè: «M’a tel kinge gugu ɓai» lé. Titeke bè á, nyan-kuge dè ji si à ee’n ngain a, a k’eei ngann le Nube ke Njèndi sêm danran’t. Tede Nube ke Njèndi sêm danran’t nga, è njè ra maje se dooge ke geri loo tel ra’n oiyo lé a, è njè ra maje se njékêmyêrge a tɔ.

Nyanra Njekawkulege 7:26

Barè lookar’n, Moise an ngakonnge ke ei Israelge kuwe joo mbak ndai à rɔi nan. E aw gɔr de ede nè: «Sei sei ngakon nange, ké bain á sei kuwe i ndai i rai nan majelé titeke bè wa?»

Nje Ke Rome 12:18

I ndii se kêmlom se dooge malang; ke nè á asikum ra ɓaa, i rai.

Nje Ke Rome 8:14

Dooge malang ke inyei loo adi Ndil Nube ɔr non de nga, ei ngann Nube kerɔte kuwe.

Nje Ke Rome 8:16

Ndil-Kêmnda kuwe tam titeke jèi ngann Nube kerɔte kuwe.

Nje Ke Rome 8:19

Nyankundege malang ndii kerm nginei ndubra le ngann Nube ke ndɔn’t Nube à ade à kile ra’n ke nata.

1 Nje Ke Corinthe 6:6

Njètaakêm-Krist karé aw sêke njètaakêm-Krist ke rang tà njègangtà ke è njétaakêm-Krist lé nga, ké è kum wa?

2 Nje Ke Corinthe 13:11

Ngakonmge, gute tàge ke nain kade m’ede sei á tò nè: I rai ranel se ndɔge-ndɔge, awi kum si ke kété-kété dè maje kɔr njêt’t, i sɔli kêm nan, adi tàgir le si è karé, i ndii se kêmlom. Titeke bè á Nube ke njè tár sei ke kêmlom in rann’t à nain’n se si.

2 Nje Ke Corinthe 5:20

Jè jè ngann njékulege tede le Krist. Nube ɓar dooge ke rann’t takul jé jè. Bè ɓaa, jè ndête sei se ri Krist kade umi nan’t bɔk se Nube.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Ephese 4:1

Man ke m’tò dangai’t tede tà le Kuwe-ɓee nga, m’ndeje sei kade adi pa njiye si uwe made nan se ɓar ke Nube ɓar sei nga.

Nje Ke Philippes 4:2

M’ndête Evodie se Syntyche le kade tàgir le de è karé dè kum nan’t bɔk se Kuwe-ɓee.

Nje Ke Colosses 3:13

Ilei kem̂ si pon dè nan’t. Ke nè á doo karé dann si sei’t aw se tà ke asekum kade in’n se made’n se tà géa, adi kem̂ si tin mbit dè nan’t. Adi kem̂ si tin mbit dè nan’t titeke Kuwe-ɓee ade kem̂’n tin’n mbit dè si’t nga tɔ.

Hebreuge 12:14

Uwei ra si mong le ndii se kem̂lom se dooge malang. Awi kum si ke kété-kété le k’eei dooge ke tooi se ninn de gai. Ke nè á è bè lé ɓaa, doo karé bè géa à an Kuwe-ɓee se kum’n ndan lé.