Matthieu 5:7 - Nouveau Testament en Gulay 2004

⁷ Njé ke an-in kumndoo le made dege nga, ra de à nel de tede Nube à an kumtondoo le de tɔ!

Matthieu 5:7 Iomraidhean Croise

Marc 11:25

Dɔ-dɔ loo ke in-in i ndai dɔ le kɔji tà se Nube nga, ke nè á kêm si on sei dè doo karé’t ɓaa, inyei go nyanrage le’n ke se go rebe’n lé. Titeke bè á Bɔ si ke ndi danrán géa à inye go nyanrage le si ke se go rebe’n lé le si nga tɔ.

Tà ke Maje ke Luc ndang 6:35

Nè sei ɓaa, i tári njébange le si, i rai de maje, adi dooge tunei sei nyan, nè i giri kêm si’t edi nè: «M’a tel kinge gugu ɓai» lé. Titeke bè á, nyan-kuge dè ji si à ee’n ngain a, a k’eei ngann le Nube ke Njèndi sêm danran’t. Tede Nube ke Njèndi sêm danran’t nga, è njè ra maje se dooge ke geri loo tel ra’n oiyo lé a, è njè ra maje se njékêmyêrge a tɔ.

Nje Ke Rome 11:30

Sei nga kété sei njékaltà tà Nube’t. Nè ɗarinè, è ra se si kêmkanm ade ingei kêm tin mbit tede kaltà le Juipge.

1 Nje Ke Corinthe 7:25

Oiyo, suwege ke dingem éké ke dinyege ke nali geri dinye éké dingem ɓai nga, m’inge ndukunn ke in ra Kuwe-ɓee’t ɔje dè de lé. Nè è tàgir le’m á m’unde non si’t kade umi kêm si dè’t, tede man doo ke Nube ra se’m kêmkanm.

2 Nje Ke Corinthe 4:1

Nube ade jè ra kule nè nga se go kêmkanm le’n. Gir’n ke nè á j’ade kêm jé tête’n mann lé.

Nje Ke Ephese 4:32

I rai kem̂-maje se nan a, i rai kem̂kanm se nan a, adi kem̂ si tin mbit dè nan’t titeke Nube ade kem̂’n tin’n mbit dè si’t takul Krist.

Nje Ke Colosses 3:12

Nube tár sei ngain. Gir’n ke nè nè á è tɔr’n sei le kade sei dooge le’n ke i tooi se ninn de. Bè ɓaa, an-in kumndoo le nan, i rai kem̂kanm se nan, ulei dè si adi nan a, awi lom-lom a, ilei kem̂ si pon a tɔ.

1 Timothee 1:13

Man nga, kété m’ee njè kile rasɔl dè rinn’t a, m’ee njè kɔr’n kororoi se njè taje’n a tɔ. Nè Nube ra se’m kem̂kanm tede nyan ke m’ra kété nga, m’ra dè mbe’t nal kundekem̂ dè Krist’t.

1 Timothee 1:16

Nè Nube ra se’m kem̂kanm. Gir’n ke nè á Jésu-Krist tɔje’n kem̂kile le’n ke deri ke nata tede’m man ke njè ra majelé dum njé ra majelége malang. Krist ra se’m titeke bè le kade m’ee nyan-tɔje tede le njé ke ndɔn’t à undei kem̂ de dè Krist’t le kinge’n ndikumgajer se non.

Hebreuge 4:16

Ade j’agi ngɔr kɔte kutu-ngar’t le Nube ke njè kem̂noje se kem̂nda káng. Loo nè nga Nube à ade kem̂’n à tin mbit dè jéi’t, à ade jèi nyan-noje ke à ra se jéi ndɔ ke kanm’t ɓai.

Hebreuge 6:10

Nube è njè banm doo lé. Kem̂’n à wei nal dè nyan ke sei rai tede tà le’n nga lé. Sei i ndii rai se njétaakem̂-Kristge ke rang kum si ke kété ɓai tede tár ke i tári Nube nga. Kem̂ Nube à wei nal dè ra ke i rai se de nga lé.

Jacques 2:13

Doo ke an kumndoo le madennge lé ɓaa, ndɔn’t Nube à unn kum’n mbeng le gangtà dènn’t nal kan kumndoo le’n tɔ. Nè doo ke an kumndoo le madennge ɓaa, à nda loo gangtà’t se kem̂ ɓel ndan lé.

Jacques 3:17

Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

1 Pierre 2:10

Sei nga kété mari sei kosdooge le Nube lé, nè ɗarinè sei dooge le’n ta. Sei nga kété mari ingei kem̂ tin mbit dè majelége’t le si ndan lé, nè ɗarinè Nube ade kem̂’n tin mbit dè majelége’t le si.