Matthieu 5:48 - Nouveau Testament en Gulay 2004

⁴⁸ I maji ɔri njêt titeke Bɔ si ke ndi danran ee’n njè maje kɔr njêt nga tɔ.

Matthieu 5:48 Iomraidhean Croise

Matthieu 5:16

Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Matthieu 5:45

Ke nè á i rai titeke bè ɓaa, a teli k’ei ngann Bɔ si Nube ke ndi danrán kuwe. E ade kàde le’n ube dè njé ra nyan majelége se njé ra nyan majege’t a tɔ. E ade ndi ede dè njé ra nyan se dè najennge se dè njé ra nyan se dè naje’n lége a tɔ.

Matthieu 5:47

Ke nè á i rai lapya ngakon sige kuwe se kar de bere ɓaa, ké è nyan ke deri á sei rai wa? Dooge ke geri Nube lé géa rai titeke bè tɔ lé wa?

Tà ke Maje ke Luc ndang 6:36

I rai kêmkanm titeke bɔ jéi ra’n kêmkanm se dooge bè tɔ.

Tà ke Maje ke Luc ndang 6:40

Njèndó nyan à ger nyan dum njèndóo’n nyan lé, nè loo ke tɔl ngang nyan ndó le’n mbas ɓita à è tite njèndóo’n nyan ɓai.

2 Nje Ke Corinthe 13:11

Ngakonmge, gute tàge ke nain kade m’ede sei á tò nè: I rai ranel se ndɔge-ndɔge, awi kum si ke kété-kété dè maje kɔr njêt’t, i sɔli kêm nan, adi tàgir le si è karé, i ndii se kêmlom. Titeke bè á Nube ke njè tár sei ke kêmlom in rann’t à nain’n se si.

2 Nje Ke Corinthe 13:9

Ke nè á jè njéyaige ɓaa, jè ra ranel tede si sei njétɔgege. Nyan ke jè deje Nube tede tà le si ɓai ɓaa, è le kade awi kum si ke kété-kété dè nyanra ke maje’t.

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

Nje Ke Ephese 3:1

E tede è ke nè á man Paul m’ee’n dangai le Jésu-Krist tede le si sei ke sei Juipge lé nga.

Nje Ke Colosses 1:28

E Krist nè nga kuwe á j’ile mber tà le’n j’ade dooge malang. Jè j’ede nanan a, jè ndó nanan a tà le’n se kumkunju ke deri le kade nanan géa ra’n tɔge dè kum nan’t bɔk se Krist a tɔ.

Nje Ke Colosses 4:12

Epaphras, doo ke ɓee le si nú ra sei lapya. E ɓer kule le Nube ke ndi ra rɔ se ndɔge malang tede le si loo kɔje tà’t le’n se Nube. E ra titeke bè kade i ndai dè nja si’t njáng a, i maji ɔri njêt a, i geri nyan malang ke kem̂ Nube ndige a tɔ.

Jacques 1:4

Korè tà njak le si nga maje kade undei dè se rebe lé. Titeke bè á sei a maji kɔri njêt a, nyan karé bè géa à nal sei lé a tɔ.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.