Matthieu 5:4 - Nouveau Testament en Gulay 2004

⁴ Njé ke ndii se kumndoo yo nga, ra de à nel de tede Nube à gɔl kêm de ɓai!

Matthieu 5:4 Iomraidhean Croise

Tà ke Maje ke Luc ndang 16:25

Abraham tel ilé dè’t ede nè: «Ngonn’m, ade kêmi olé dè nyankingege’t lei ke ndɔ ke inge loo ke i ndii’n se dèi dɔ ɓai nga, nè Lazare ɓaa ndi dann nyantosowur’t. Ɗarinè d’ade ndi se kêmlom ta, nè i a i ndi dann nyantosowur’t tɔ ta.

Tà ke Maje ke Luc ndang 6:21

Sei ke ɓo tɔl sei ɗarinè nga, ali ra si tede ndɔ ke rang d’a d’ade a i ndanni gɔj-gɔj ɓai! Sei ke i noin se mann non kum si’t ɗarinè nga, ndɔ ke rang a ali ra si ɓai!

Tà ke Maje ke Luc ndang 6:25

Sei ke kêm si ndann gɔj-gɔj ɗarinè nga a an-in ɓai, tede ndɔ ke rang ɓo à ra sei ɓai! Sei ke gɔge si nda se kogo ɗarinè nga, a an-in ɓai, tede ndɔ ke rang a i ndii se kumndoo-yo a, a i noin se mann non kum si’t ɓai a tɔ!

Tà ke Maje ke Luc ndang 7:38

E ree ndi nang go Jésu’t non sɔk-sɔk uwe’n nja’n. Mann kum’n ke non’n nga tɔl nja Jésu tɔbl. E tise nja Jésu se bin dè’n, taɓai è tête wubu ke ete sununn nè nga njann’t a tɔ.

Tà ke Maje ke Luc ndang 7:50

Jésu tel ede dinye nè ede nè: – Nube ɔri ji ɓer’t le kaiya ɓá tede kêmi ke unde dèm’t. Ɗarinè, aw se kêmlom.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

Lookilera’n 21:4

Nube à tise mann non kum de’t ndát-ndát. Yo se kumndoo yo se kem̂kon à gotoi njing se non. Non se wuwi à ɓar gugu bè lé njing ta. Nyange ke mari gotoi njêl karè.»