Matthieu 5:37 - Nouveau Testament en Gulay 2004

³⁷ Ke nè á tà le si è oiyo ɓaa, è oiyo. Ke nè á tà le si è ḿ-m̀ ɓaa, i tami go karé edi nè ḿ-m̀. Tà ke rang ke i tami ilei dè made’t nga in ra njèkêmyêr’t.

Matthieu 5:37 Iomraidhean Croise

Matthieu 13:19

Loo ke doo oo tà ke ɔje dè Konɓee le Nube nè ger gir tà nè nga lé ɓaa, njèkêmyêr ree ɔr tà ke dé dubu dè ɓengrenn’t nga wont kɔke. Doo nè nga tò asenan se njar ko ke dubu ngang rebe’t bè.

Matthieu 13:38

Ndɔr nga è dè nang nè. Njar ko ke maje nga, è njé ke ndigi le kade Nube on ɓee dè de’t. Jer nga è njé ke ndigi le kade njèkêm majelé on ɓee dè de’t.

Matthieu 15:19

Tàgirge ke majelé, tɔl doo, sang dinye le doo, tò se nan ke kaiya’t, mêndé nyan, tête tà kunde tà doo’t, taje ndu a tɔ nga, in-in dè ɓengre doo’t.

Matthieu 5:36

Ubu rai se dam dèi lé, tede i asekum kade bin dèi karé tel nda éké tel ndul lé.

Matthieu 6:13

Maje kade inye loo ade nyan sú nan jè lé, nè ɔr jè dann nyan ke majelé’t kɔke.

Jean 17:15

M’deji tede kade i tɔr de kɔke dann dooge ke dè nang nè lé, nè le kade ai-in ngang de garar-garar ade Sú ke njèkêmyêr ɔde ra de lé.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nje Ke Ephese 4:25

Gir’n ke nè á inyei go tà lanm, edi nan ngarankumtà tede jèi balkum danra ke karé bere luk-luk.

Nje Ke Ephese 6:16

Adi kundekem̂ è der le si se ndɔge a, se looge malang tede kade undei tà ndon ningege le njè kem̂ majelé ke on por bilim-bilim nè nga soin i tɔli.

Nje Ke Colosses 3:9

Edi nan tà lanm titeke kété lé ta, tede nyanra sige ke kété mari nga uwei de ɔri de ra si’t tite kubu ke ndis bè.

Nje Ke Colosses 4:6

Maje kade tà tam si è ke maje se ndɔge-ndɔge a, kade tà si tee se tà nelge dɔ-dɔ a tɔ. Titeke bè á sei a geri loo kile nanan géa dè tà’t se go rebe’n.

2 Nje Ke Thessalonique 3:3

Kuwe-ɓee è njègel goto: è à ade a i ndai dè nja si’t njáng a, à an dè si sêw-sêw le kade njè kem̂ majelé gang kɔte si’t lé.

Jacques 5:12

Ngakonmge, gar-gar ebi ra si kubu ra si se danran éké se nang nè éké se nyan karé ke rang lé. Nè maje kade ke nè á edi nè oiyo ɓaa, è oiyo go karé; ke nè á edi nè ḿ-m̀ ɓaa, è ḿ-m̀ kuwe go karé. I rai titeke bè ɓaa, Nube à gangtà dè si’t lé.

1 Jean 2:13

Sei bɔ ngannge, m’ndang magtub nè m’ade sei tede sei geri è ke ndi tutu kété mari ke desêin nga ɓá ta. Sei basa dooge, m’ndang magtub nè m’ade sei tede sei têti rɔ njè kem̂ majelé nga ɓá.

1 Jean 3:12

Ade jèi tite Cain bè lé. Cain nga ndo ke è doo le njè kem̂ majelé. Gir’n ke nè á ndɔ ke uje’n kɔbe ngokon’n. Ké ri á è gir kade ndɔ ke uje’n kɔbe ngokon’n wa? E uje kɔbe ngokon’n tede nyanra’n ke majelé, nè nyanra ngokon’n á è se dè naje’n.

1 Jean 5:18

Jè ger mbak titeke nanan ke Nube kuwe oje’n nga à ra kaiya se ndɔ’n-ndɔ’n lé. Nanan ke Nube kuwe oje’n ɓaa à ngonm ra’n è kuwe sêw-sêw. Njè kem̂ majelé asekum tee rann’t lé.