Matthieu 5:30 - Nouveau Testament en Gulay 2004

³⁰ Ke nè á jikoin ade i ra kaiya ɓaa, i tuge’n i gang’n ile’n piring kɔke. Kade balkum rai karé udu è soo’t dum kade d’ile danrai bere mbak dann loo ke tur ke kure nyanrai à ɔde kumi tutu labi-labi.

Matthieu 5:30 Iomraidhean Croise

Matthieu 11:6

Doo ke nyange ke m’ra tuge’n jig’t ile’n lé ɓaa, ra’n à nel’n kuwe.

Matthieu 13:21

Nè tà nè nga ule ngire’n nang rann’t lé, è doo ke nda dè njann’t njáng lé. Loo ke nyantosowurge gai-gai éké nyankumndoo undei loo teei tede tà nè nga ɓaa, ke loon’t nè kuwe, nyan tuge’n ade oso ɓá ta.

Matthieu 16:23

Nè Jésu tel mer Pierre ede’n ede nè: – Njèban, ɔte tam’t kɔke. I tel i jig ke le tuge’m kile’m dann kaiya’t, tede tàgir lei in ra Nube’t lé, nè in ra dooge’t.

Matthieu 17:27

Nè né è bè géa , è tà le kade j’ilei de kage lé. Aw tà ba-bò’t ile kui. Kanje ke desêin ke a uwe’n nga, loo ke a i teen tà’n ɓaa, a inge nar ke kum sile sɔ. Ɔr i ree’n ade de tede le’m a, tede lei a tɔ.

Matthieu 18:8

Ke nè á jii éké njai à tugei jig’t le kade oso dann kaiya’t ɓaa, i tuge’n i gang’n ile’n heb. Kawi loo ndikumgajer se non se meti nga, è soo’t dum kade d’ilei se jii éké njai joo mbak dann por ke tò sár se non.

Matthieu 22:13

Ke loon’t nè kuwe ngar ede ngann njéndige le’n ede nè: «Uwei n’ee, i tɔi jiyé se njayé ilei n’ee dann loo ke ndul ndin-ndin’t nata. E loo ke dooge à noin jik-jik tutu a, à toin tà de tutu vbat-vbat a tɔ.»

Matthieu 25:20

E ke d’ade’n nar kule ke ndɔ aru mi nga, inge made dè’t aru mi. E ree ra kuwen’t ede’n ede nè: «kuwe’m, ndɔ ke ade’m nar kule ke ndɔ aru mi. An! ɗarinè, m’inge made aru mi dè’t.»

Matthieu 26:31

Jésu ede njékuwe-girnge ede nè: – Dann ndɔɔ nè kuwe, loo ke a an-in nyan ke à tee dèm’t ɓaa, sei malang a i tusi kundekêm le si kinyei. Dé ndang kêm magtub’t d’ede nè: «M’a m’unde njèkul dange kum yoo’n ɓaa, kos batege à an-in sanréi nan karé-karé.»

Matthieu 5:22

Nè man m’ede sei, nanan ke ra wong se ngokon’n ɓaa, d’a gangtà dènn’t. Nanan ke tam se ngokon’n ede nè: «I mbe» ɓaa, d’a d’aw se’n loo gangtà’t ke bò. Nanan ke tam se ngokon’n ede nè: «Kêmi tɔ kuju tà lé» ɓaa, a inge ndutɔr lé sár nè kure nyanra’n à ɔde kum’n labi-labi.

Matthieu 5:29

Ke nè á kumi ke kon ade i ra kaiya ɓaa, uwe’n ɔr’n ile’n piring kɔke. Kade balkum rai karé udu è soo’t dum kile danrai bere mbak dann loo ke tur’t ke kure nyanrai à ɔde kumi tutu labi-labi.

Marc 9:43

Ke nè á jii karé è nyan ke à tugei jig’t kade oso dann kaiya’t ɓaa, uje’n i gang’n kɔke kade aw danrán loo ndikumgajer se non se meti nga, maje dum kade d’ilei se jii joo mbak loo ke tur’t, dann por’t ke wei ndan lé’t. [

Tà ke Maje ke Luc ndang 12:5

M’a m’ede sei è ke kade i ɓelii gar-gar. I ɓeli Nube ke aw se tɔgmong le kɔr kebe le si a, le gangtà dè si’t a, kile sei dann por’t a tɔ.

Tà ke Maje ke Luc ndang 17:2

E soo’t le tɔ kuberi mbal kɔbenn’t kile’n dunge ba-bò’t maje dum kade ndi têl è jig tede le njé ke tɔg kundekêm dè Nube’t le de ase lé. Nanan ke asekum koo tà ke man m’ede sei nè nga ɓaa, maje kade nel mbi’n oo’n tà nè nga maje.

Nje Ke Rome 9:33

Titeke dé ndang’n kêm Magtub’t le Nube d’ede nè: «An-in! m’a m’unde kuberi her kêm ɓee-bò ke Sion kade tuge de ade d’aw tebel-tebel a, m’a m’unde kuberi mbal kade tuge de ade d’oso a tɔ. Nè doo unde kêm’n dè kuberi mbal’t nè ɓaa à ndi dann rasɔl’t lé.»

1 Nje Ke Corinthe 8:13

Gir’n ke nè á, ke nè á m’an titeke nyankuse à ade ngokon’m à oso dann majelé’t ɓaa, mbate kuse dan nè nga njing è soo’t dum kade ngokon’m oso dann majelé’t tede tà le’m.

Nje Ke Galatie 5:11

Ngakonmge, man m’ile mber kuje tà mɔte lé. Ke nè á m’ile mber kuje tà mɔte ɓaa, ké Juipge à ɔri man kororoi tede ri taɓai wa? Ke nè á m’ile mber kuje tà mɔte ɓaa, kwei le Krist kàde kage-ke-dese’t à tel k’ee jig le tuge nja doo kile’n dann kaiya’t lé ta.

1 Pierre 2:8

Loo ke rang’t ɓai, Magtub le Nube ke tò se ninn’n tam ede nè: «Kuberi her nè nga tel è jig ke tuge de ade d’aw tebel-tebel. E her ke tuge de ade d’oso.» Dooge nè nga, kuberi her nè tuge de ile de tede kunn mbi dè tà’t le de. E ke nè á è nyan ke d’ɔje’n dè de.