Matthieu 5:3 - Nouveau Testament en Gulay 2004

³ – Njé ke geri kêm de’t titeke ei njéndooge nga, ra de à nel de tede konɓee ke danran è le de!

Matthieu 5:3 Iomraidhean Croise

Matthieu 11:25

Kêm ndɔn’t nè nga, Jésu ɔje tà se Nube ede nè: – Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák .

Matthieu 11:6

Doo ke nyange ke m’ra tuge’n jig’t ile’n lé ɓaa, ra’n à nel’n kuwe.

Matthieu 13:16

Nè sei nga, ra si nel sei tede an-in nyan nè nga se kum si ɓá a, ooi tà’n se mbi si ɓá a tɔ.

Matthieu 19:14

Nè Jésu ede njékuwe-girnge ede nè: – Inyei ngannge adi reei ram’t m ɔgi de lé. Kerɔte kuwe, Konɓee ke danrán è tede le njé ke tooi asinan se ngannge nè nga bè.

Matthieu 24:46

Ngonn njèndi ke ra titeke bè nga, loo ke kuwe’n ree inge’n dè’t ɓaa, ra’n a nel’n ngain.

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 3:2

– I turi hal si tede Konɓee ke danran nain ngɔr ta.

Matthieu 8:11

Man m’ede sei ndàt, dooge ngain à in-in loo tee’t le kàde se loo kur’t le kàde le ndii nan’t se Abraham, Isaac se Jacob kêm Konɓee ke danrán’t.

Marc 10:14

Nè loo ke Jésu an nyan ra njékuwe-girnge bè ɓaa, wong ra’n ade ede de ede nè: – Inyei ngannge adi reei ram’t m ɔgi de lé. Kerɔte kuwe, Nube à on ɓee dè dooge ke hal de tò tanan se le de dé ngannge nè nga bè.

Tà ke Maje ke Luc ndang 11:28

Nè Jésu ile’n dè’t ede nè: – Nè dooge ke ra de à nel de ke get-get nga, è njé ke ooi tà le Nube a, an-in dè sêw-sêw a tɔ.

Tà ke Maje ke Luc ndang 18:14

Man m’ede sei ndàt, loo naje’n goto, doo nè nga d’ɔr tà dènn’t pa ɓita tel aw kêm kei le’n ɓai. Nè Pharisien nè nga tà uwe dè’n. Nanan ke unde dè’n dɔ ɓaa, d’a d’ade dè’n à è nang, nanan ke ule dè’n ɓaa, d’a d’unn’n kunde’n dɔ ɗáng ɓai.

Tà ke Maje ke Luc ndang 22:29

Gir’n ke nè á m’uwe’n dè nja Konɓee m’ɔje’n dè si titeke Bɔ’m uwe’n dè nja Konɓee ɔje’n dè’m man nga tɔ.

Tà ke Maje ke Luc ndang 22:30

Titeke bè á sei a usei a, a an-in nyan a tɔ dè table’t kêm Konɓee’t le’m. Sei a ndii dè kutu-ngar’t le gangi tà dè girkà kosdooge ke dɔg-gidé-joo ke ei girkoje le Israel.

Tà ke Maje ke Luc ndang 4:18

– «Ndil Kuwe-ɓee nain se’m. Kuwe-ɓee ɔr’m le kade m’ile mber Tà ke Maje m’ade njéndooge. E ule’m le kade m’ile mber m’ade njé ke tooi dangai’t titeke d’a d’inye de dɔ a, le kade m’ede njékumtɔge titeke d’a tel kan loo gugu a, è ule’m le kade m’ede njé ke dé ra de ndoo titeke Nube à taa de kinye de dɔ ɓai a,

Jean 20:29

Jésu tel ile Thomas dè’t ede nè: – I unde kêmi dèm’t tede kan ke an’m karè. Njé ke undei kêm de dèm’t anje kan’m nga, ra de à nel de.

Jacques 1:10

Maje kade njètaakem̂-Krist ke è baw ade dè’n in tchakm tede tel ke Nube tel se’n gugu. Baw tò asenan se putu kage éké walè bè.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

Lookilera’n 19:9

Doo ke danrán ede’m ede nè: «I ndang tà nè nga: Njé ke dé ɓar de loo mur dann ɓee’t le Ngonn bate nga, ra de à nel de.» Taɓai, è ede’m ede nè: «Tàge nè nga ei ngarankum tàge le Nube kuwe.»

Lookilera’n 22:14

Njé ke togoi kubu le de ke bòi yul-yul nga, ra de à nel de kuwe. Ei asikum kuse kann kage ke doo à ndii’n kumgajer nga a, à asi kingei tà rebe kaw kem̂ ɓee-bò’t nè nga a tɔ.

Lookilera’n 3:17

I tam ede nè: Man m’ee baw, nyankingege taai ra’m pel-pel, ndoo nyan karé bè géa ra’m ndan lé. Nè i ke njè nonkil, i dangte ke kumi tò ndoo, i ndoo ngain, i njèkumtɔ ke aw mburi suturu karè. Ké i ger bè lé wa?