Matthieu 5:22 - Nouveau Testament en Gulay 2004

²² Nè man m’ede sei, nanan ke ra wong se ngokon’n ɓaa, d’a gangtà dènn’t. Nanan ke tam se ngokon’n ede nè: «I mbe» ɓaa, d’a d’aw se’n loo gangtà’t ke bò. Nanan ke tam se ngokon’n ede nè: «Kêmi tɔ kuju tà lé» ɓaa, a inge ndutɔr lé sár nè kure nyanra’n à ɔde kum’n labi-labi.

Matthieu 5:22 Iomraidhean Croise

Matthieu 10:17

I ndai kêm si se dooge lé, tede à ulei sei ji njégangtàge’t a, à tundei sei se ndêin maru kêm kei kebe nange’t a tɔ.

Matthieu 10:28

Njé ke à tɔli danra si nè asikum tɔl nganrankum ra si lé nga, i ɓeli de lé. Nè è soo’t kade i ɓeli ndil Nube ke asekum kade dé tɔl danra si se nganrankum ra si nan’t bere mbak kum de dann loo ke tur’t.

Matthieu 12:24

Loo ke Pharisienge ooi tà nè nga bè ɓaa, teli tami edi nè: – Doo nè nga rɔ ndilge ke majelé se tɔgmong ke Béelzébul, ngar le ndilge ke majelé ade’n.

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 18:21

Pierre ree ra Jésu’t deje’n ede nè: – Kuwe-ɓee, ke nè á ngokon’m ra se’m majelé ɓaa, ké m’a m’ade kêm’m à tin mbit dènn’t nja kandang wa? Ké m’a m’ade kêm’m tin mbit dènn’t sár nja ji sejimute wa?

Matthieu 18:35

Jésu ede de ede nè: – Ke nè á nanan dann si’t ade kêm’n tin mbit dè ngokonn’t se kêmnda káng lé ɓaa, Bɔ’m ke danrán géa à ra se’n titeke bè kuwe tɔ.

Matthieu 23:15

Sei njékɔrgir gute-nduge se sei Pharisienge ke njékede gosge, a an-in ɓai! Sei asi loo nák-nák dann ba-bò’t se dè nang nè, tede kinge doo karé ke njè ger Nube tite si. Nè loo ke è tel è njè ger Nube ɓá ɓaa, sei telii ke doo ke aw dann loo ke tur’t dum sei nja joo ɓai.

Matthieu 23:33

Sei i tooi asinan se li jênênnge, tà ke d’a gang dè si’t dann loo ke tur’t nga, ké à nal sei titeke bain wa?

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 26:59

Nè maw njékuje nyan-mesege se njégangtàge sangi dooge kade têti tà undei tà Jésu’t le kade adi dé tɔl’n.

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Matthieu 5:34

Nè man m’ede sei ndàt, ubi ra si ndan lé. Ubi ra si se nyan karé ke danrán lé, tede danran nga è kutu-ngar le Nube.

Matthieu 5:44

Nè man m’ede sei ndàt, i tári njébange le si a, ɔji tà se Nube tede njé ke ɔri sei kororoi a tɔ.

Marc 14:55

Ngar le njékuje nyan-mesege se gute njégangtà le Juipge malang sangi dooge patkann kade ilei tà dè Jésu’t. Dé sang le kade d’uwe Jésu dé tɔl’n se go tà ke dooge nè ayé tami. Nè né è bè géa, d’inge doo karé bè lé.

Marc 15:1

Se ndɔgé ɓat loo ke kàde tee lé ɓai, maw njékuje nyan-mesege se ngatɔgege le Israelge se njékɔrgir gute-nduge, se gute njégangtàge ke rang malang ɔri nan tà dè nyan ke kum ra. Ei adi d’uwe Jésu dé tɔ’n d’aw se’n d’ule’n ji ngar Pilate’t.

Tà ke Maje ke Luc ndang 12:5

M’a m’ede sei è ke kade i ɓelii gar-gar. I ɓeli Nube ke aw se tɔgmong le kɔr kebe le si a, le gangtà dè si’t a, kile sei dann por’t a tɔ.

Tà ke Maje ke Luc ndang 22:66

Loo ke loo ar yerer ɓá ɓaa, dooge ke kum de unju dann Juipge se maw njékuje nyan-mesege se njékɔrgir gute-nduge ɔsi nja nan nam-nam. Ei adi dé ree se Jésu non de’t loo gangtà’t.

Jean 11:47

Maw njékuje nyan-mesege se Pharisienge ɔsi nja njégangtàge nan’t deji de edi nè: – Ké ri á j’à rai ta wa? Doo nyan le doo ke dé ɓar’n Jésu nè nga ra nyankɔbege ngain.

Jean 15:25

Nè dé ra titeke bè tede kade tà nè ke dé ndang kêm magtub gute-ndu’t le de d’ede nè: «D’ɔr’m njêt karè bè» nga, aw’n loon’t deĵ.

Jean 7:20

Doobulege teli ilei Jésu dè’t edi nè: – I kumen, ké nan dann jé’t á sang le kade dé tɔli wa?

Jean 8:48

Juipge teli deji Jésu edi nè: – Tam ke jè tam kété j’ede nè i doo ke kêm ɓee-bò ke Samarie karè a, kumen tò kêmi’t a tɔ nga, ké è loon’t lé wa?

Nyanra Njekawkulege 17:18

Baw nyangerge ke nange ke ei njé ndó nyange le Epicure se Zénon ɔji tà se Paul. Njé ke karége tami edi nè: – Ké tà ri á hel kêm-ngarr nè ndige tam wa? Njé ke rang tami edi nè: – J’an titeke doo nè nga è njè kile mber le Nube ke mbage. Dé tam bè tede Paul ile mber Tà ke maje le Jésu a, se tà kunde loo tee le’n dann njé ke koo’t a tɔ.

Nyanra Njekawkulege 22:30

Njèkan dè njérɔge ke aru dɔg ndige le ger nyan ke gete ke Juipge ilei tà dè Paul’t. Gir’n ke nè á barè lookar’n ɓaa, è ade dé tutu sul ke rann’t ke dé tɔɔ’n kɔke. Taɓai è unn ndu’n ade maw njékuje nyan-mesege se njégangtàge le Juipge malang kebi nan. Go’t gugu, è ade dé ree se Paul d’unde’n nang non de’t.

Nyanra Njekawkulege 23:1

Paul an kum njégangtàge le Juipge sêw-sêw ɓaa, è ede nè: – Ngakonmge, man m’njiye non Nube’t se tàgir ke maje ɔr njêt sár tee ɓila.

Nyanra Njekawkulege 24:20

Eké è tà le dooge ke ndii nè le kade tami majelé ke m’ra kété ke ndɔ ke m’nda’n non njégantàge’t nga.

Nyanra Njekawkulege 4:15

Njékɔr non Juipge se ngatɔgege ke Israel unni ndu de adi Pierre se Jean undei loo teei nata loo gangtà’t. Taɓai ei kuwe deji nan tà dann de’t edi nè:

Nyanra Njekawkulege 5:21

Loo ke njékawkulege ooi tà ke doo ke danrán ede de nè nga bè ɓaa, ei ɔti awi kêm kei le Nube se ndɔgé ɓat unni gir ndói dooge nyan. Nè maw njèkuje nyan-mese se njé ke ei se’n reei ɔsi nja njégangtàge le Juipge se ngatɔgege le kosdooge ke Israel malang. Go’t gugu ulei kule kei dangai’t adi dé ree se njékawkulege.

Nyanra Njekawkulege 5:27

Loo ke ei reei se de ɓá ɓaa, ei awi se de non njégangtàge’t. Maw njèkuje nyan-mese deje njékawkulege ede nè:

Nyanra Njekawkulege 6:12

Dé tam tà nè nga bè dé sule’n kosdooge se ngatɔgege a, se njéndang magtubge a tɔ. Gir’n ke nè á ei in-in bati Etienne uwei nin, ndɔri nin awi se’n non njégangtàge’t.

Nyanra Njekawkulege 6:15

Kum njégangtàge malang è dè Etienne’t sikm. D’an tàkum’n tò tite tàkum doo ke danrán bè.

Nyanra Njekawkulege 7:37

E Moise nè nga kuwe á ndɔ ke ede kosdooge ke Israel ede nè: «Ndɔ ke rang Nube à ɔr njéribe-dè-tàge ke tànn’t ke tite’m man bè kade sei. Doo nè nga a è ngokon si ke dann si sei’t kuwe.»

Nje Ke Rome 12:10

I tári nan tite ngakon nange bè se kêmnda káng. Ilei riɓar dè njé ke rang’t adi dum dè riɓar le si sei.

1 Nje Ke Corinthe 6:10

njéɓog-ge, njékêmkeinge, njé ke yibe ule mbe dè de’t, njé tête tàge éké njé banm dooge táa nyange le de nga, à ilei nja de kêm Konɓee’t le Nube ndan lé.

1 Nje Ke Corinthe 6:6

Njètaakêm-Krist karé aw sêke njètaakêm-Krist ke rang tà njègangtà ke è njétaakêm-Krist lé nga, ké è kum wa?

1 Nje Ke Thessalonique 4:6

Maje kade njètaakem̂-Krist sang ngomande éké dinye ke rang ra’n majelé se ngokon’n éké kon nann’n lé. Ndɔ ke j’ede sei tà nè ndàt kété ɓá, nè jè tel j’ede sei ɓai tite Kuwe-ɓee Nube à dalban nyange nè nga malang.

Tite 3:2

Olé kem̂ de le kade ei njé taje nduge lé a, njé ɓeekosge lé a tɔ. Nè maje kade ei njé tam tà se ndu noje a, ei njé kaw lom-lom ra dooge’t malang a tɔ.

Hebreuge 12:25

Kem̂ si dè ra si’t nè bainléa a kin-in mbati kooi tà tà Nube ke ndi ede sei tà’t nga. Kosdooge ke Israel ke ndɔ ke mbati kooi tà tà Moise’t ke njè kede de tà dè nang nè nga, ndɔ ke d’ade kure nyan ra de ɔde kum de. Jèi ɓaa, Nube ndi danrán nú á ede’n jèi tà. Jèi géa, ke nè á jè mbati kooi tà tànn’t ɓaa, kure nyan ra jéi à ɔde kum jéi dum le de ei nè ɓai m loo naje’n goto.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

Jacques 2:20

Habi! i doo ke njè kem̂ tɔ kuju tà lé, ké i ger titeke kundekem̂ ke anje ra kule dè’t nga è nyan ke raikarè lé wa?

Jacques 3:6

Ndon doo nga géa tò asenan se por bè tɔ. Ndon doo nga è kei ndi le nyanrage ke pás-pàs. Ndon jéi nga ube dann balkum ra jéige’t, nè ra ade danra jéi bere mbak tel mine tanm-tanm. Ndon doo nga è njè tee se tàge ke majelé tuju’n dookundege le Nube titeke kɔr por oso’n loo’t ró’n bè. Tàge ke majelé ke ndon doo tuju’n dooge nga in loo ke tur ke dooge à non-in se mann non kum de’t tutu.

1 Pierre 2:23

E nga ndɔ ke dé taje’n, nè è taje de gute made’t lé. Ndɔ ke dé ra se’n nyankem̂kon, nè è tam se de ede nè a an-in ɓai lé a tɔ. Nè è inye ra’n bere mbak ji Nube’t ke njègangtà se dè naje’n kuwe karé.

1 Pierre 3:9

I rai majelé se doo gute majelé ke ra se si’t lé a, i teli taji doo ndu ke taje sei nga lé a tɔ. Nè i tɔri ndu si dè dooge’t tede sei nga Nube ɓar sei kade ingei ndutɔr.

1 Jean 2:9

Doo ke ede nè n’ndi dann lookar’t nè ɔr ngokon’n njêt ɓaa, doo nè nga nain dann tilkus’t sár ɗarinè ɓai.

1 Jean 3:10

E ke nè á d’a ger’n ngann Nube se ngann le njè kem̂ majelé nga njai-njai. Nanan ke ra nyan ke se dè naje’n lé se ndɔ’n-ndɔ’n ɓaa, è le Nube ndan lé. Nanan ke tár ngokon’n lé ɓaa, è le Nube ndan lé tɔ.

1 Jean 5:16

Loo ke doo an ngokon’n ndi ra kaiya karé ke aw se’n loo yo’t lé ɓai ɓaa, maje kade deje Nube le kade ade ngokon’n nè nga ndi kumgajer. Tà nè nga ɔje dè njé ke rai kaiya ke aw se de loo yo’t lé ɓai. Kaiya karé ke aw se doo loo yo’t tò tutu. Kaiya ke titeke bè nga, man m’ede sei kade ɔji tà se Nube tede lé.

Jude 1:9

Michel ngar le dooge ke danrán nga, ndɔ ke gaki nan se sú dè ninn njèyo Moise’t. Michel ndige le gangtà dè sú’t lé a, ndige le taje’n lé a tɔ. Nè è ede sú ede nè: «Maje kade Kuwe-ɓee kuwe ndángi.»

Lookilera’n 20:14

Yo se ɓee le yo nga, dé tile de patak-patak dann por ke laa tong-tong’t. Yo ke njèkon’t joo nga, è por ke laa tong-tong.