Matthieu 5:20 - Nouveau Testament en Gulay 2004

²⁰ Kerɔte kuwe,man m’ede sei ndàt, ke nè á nyanra si ke se dè naje’n dum dè le njéndang-magtubge se pharisienge lé ɓaa, sei a kilei nja si kêm Konɓee ke danrán nga ndan lé.

Matthieu 5:20 Iomraidhean Croise

Matthieu 16:12

Ke loon’t nè ɓita kum de gang dè’t ade dé ger titeke tà ke Jésu tam nga ɔje dè pululu karè lé nè è tà ke ɔje dè kede gos titeke Pharisienge se Saddusienge rai.

Matthieu 18:5

Doo ke uwe ngonn karé ke dap tite njè ke nè ke rann’t se ri’m man ɓaa, è man kuwe á uwe’m ke rann’t non.

Matthieu 3:10

Kunge ke janm tò ngire kagege’t ɓá. Kage ke rara ke ann majelé ɓaa, d’a tuge’n gang’n kile’n poro.

Matthieu 7:21

Nanan ke ɓar’m ede nè: «Ngar, Ngar» karè à ile nja’n kêm konɓee ke danrán lé. Nè nanan ke ra nyan ke kêm Bɔ’m ke danrán ndige ɓita à ile nja’n kêm Konɓee’t le Bɔ’m nga ɓai.

Marc 10:15

Kerɔte kuwe, man m’ede sei ndàt, nanan ke ndige kade Nube on’n titeke ngonn ra’n lé ɓaa, à ile nja’n kêm Konɓee’t le’n ndan lé.

Marc 10:25

Tur ngain le kade lugman ur aw kêm bolè libri kur nyan’t tee. Nè le kade baw aw kêm Konɓee’t le Nube nga, à tur se’n ngain dum è ke nè ɓai.

Tà ke Maje ke Luc ndang 11:44

Sei nga a an-in ɓai! Tede i tooi asinan se dè ɓade ke loo ke dooge an-in lé njiyei dè’t nal ger.

Tà ke Maje ke Luc ndang 12:1

Kêm ndɔn’t nè nga, doobulege kebi nan ra Jésu’t se mate de-mate de asi aru dɔg loo bule. Dé njin nan rann’t njàng-njàng ade nain ngɔr kade dé tube nan nang mbajer-mbajer. Jésu unn gir kede njékuwe-girnge kuwe tà kété ede nè: – Kêm si dè ra si’t le kade sei njékede gos tite Pharisienge bè lé.

Tà ke Maje ke Luc ndang 18:17

Man m’ede sei ndàt, nanan ke ndige kade Nube on ɓee dènn’t titeke ngannge ke ndêin bè rai lé ɓaa, à um nan’t bɔk se Nube ndan lé.

2 Nje Ke Corinthe 3:9

Kule ke ɔje dè gangtà dè dooge’t nga, ndɔ ke kété d’ule ndubra dènn’t ngain. Kerɔte kuwe, kule ke ɔje dè kɔr ke Nube ɔr tà dè dooge’t nga, d’a d’ule ndubra dènn’t kade al dè kule ke ɔje dè gangtà dè dooge’t nga ɓai tɔ.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

Nje Ke Philippes 3:9

kum’n se’n nan’t bɔk. Ɗarinè, Nube ɔr tà dèm’t tede kan ke m’an dè gute-ndu sêw-sêw lé, nè tede kum ke m’um nan’t bɔk se Krist. Nube ɔr tà dè doo’t takul kundekem̂ dè Krist’t.

Hebreuge 12:14

Uwei ra si mong le ndii se kem̂lom se dooge malang. Awi kum si ke kété-kété le k’eei dooge ke tooi se ninn de gai. Ke nè á è bè lé ɓaa, doo karé bè géa à an Kuwe-ɓee se kum’n ndan lé.

Lookilera’n 21:27

Nyan ke mine ke rara karé bè géa à aw kem̂ ɓee-bò’t nè nga ndan lé. Doo ke njé ra nyan ke yêr éké njè tam tà lanm se ndɔ’n-ndɔ’n nga à ile nja’n kem̂ ɓee-bò’t nè nga ndan lé a tɔ. Nè njé ke dé ndang ri de kem̂ magtub ndikumgajer’t le Ngonn Bate kuwe karé á à ilei nja de kem̂ ɓee-bò’t nè nga.