Matthieu 5:19 - Nouveau Testament en Gulay 2004

¹⁹ E ke altà tà ndukunn’t karé dann ndukunnge ke ndêin-ndêin nè a, ndó dooge le kade rai titeke bè a tɔ nga ɓaa, d’a d’an’n ke ngonn ke ndêin bè dum madennge malang kêm Konɓee ke danrán. Nè nanan ke an dè ndukunnge nè nga sêw-sêw a, ndó dooge kade rai titeke bè tɔ ɓaa, d’a d’an’n ke doo ke bò kêm Konɓee ke danrán.

Matthieu 5:19 Iomraidhean Croise

Matthieu 11:11

Kerɔte kuwe, man m’ede sei ndàt, dann dooge ke dinyege oji de nga, doo karé ke bòi dum dè Jean ke njèkule dooge manné njonm goto. Nè né è bè géa, ngonn ke ndêin bè ke kêm Konɓee ke danrán dum dè’n.

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Matthieu 20:26

Nè sei nga, gar-gar à è titeke bè dann si’t lé. Nanan ke ndige le k’ee ngawtà si ɓaa, maje kade tel ra’n ke ngonn njèkule le si.

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Tà ke Maje ke Luc ndang 1:15

Tede à è doo ke bò tàkum Kuwe-ɓee’t. E à kain yibe nduu ke ate éké yibe ke ate karé ke rang lé a tɔ. Loo ke è nain kêm konn’t ɓai kuwe Ndil-Kêmnda taa kêm’n pel-pel.

Tà ke Maje ke Luc ndang 11:42

Sei Pharisienge, a an-in ɓai! Kam nyange ke ri de nè menthe se gɔje-ndube se kam wubu géa, ke nè á è dɔg ɓaa ɔri tà karé adi Nube. Mbi targe malang géa, ke nè á è dɔg ɓaa, unni karé adi Nube a tɔ. Nè nyanra ke se dè naje’n a, tár Nube a tɔ nga, sei an-in de ke nyan lé. Nyanra ke se naje’n se tár Nube nga, ei nyange ke a i rai de gar-gar kété ɓita nyange ke rang à orèi go de ɓai.

Tà ke Maje ke Luc ndang 9:48

– Nanan ke uwe ngonn ke tite njè ke nè ke rann’t tede ri’m ɓaa, è man kuwe á uwe’m ke rann’t. Nanan ke uwe’m ke rann’t ɓaa, è njèkule’m kuwe á uwe’n ke rann’t. Nanan ke tel ra’n ke ngonn ke ndêin bè dann si’t malang, è nè nga ndɔn’t à è doo ke bò dum sei malang.

Nyanra Njekawkulege 1:1

Théophile, tàge ke m’ɔse nja dè nan’t kêm magtub’t le’m ke kété nga, è tàge ke ɔje dè nyange malang ke Jésu ra se nyange malang ke ndó dooge mari loo kunn gir kule’t le’n,

Nje Ke Rome 3:8

Dooge ke nange ulei tà gir jé’t edi nè è jè á jè sule dooge j’ede nè: «Ade jè rai majelé tede kade ra maje tee’n tutu.» Dooge ke titeke bè nga, tà ke dé gang dè de’t è se dè naje’n kuwe.

Nje Ke Rome 6:1

Ké tà ri á j’à tami le tɔl’n ngang tàge nè nga wa? Ké j’à tami titeke dooge ke nange tami edi nè: Ade jè rai majelé kum jéi ke kété-kété tede kade kêmnoje le Nube in’n dè made’t ke kété-kété. Ḿ-m̀, è bè lé!

Nje Ke Rome 6:15

Ké ri á j’à rai wa? Ké j’à rai majelé ke kété-kété tede ndi ke jè ndi gir noje’t m gir gute-ndu’t lé nga wa? Ḿ-m̀, è bè lé!

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

1 Pierre 5:4

Titeke bè á loo ke ndɔn’t maw njèkul bate kosge à tel kunde loo tee pan ɓaa, à ingei jɔkɔ kunn banga le riɓar ke à ndis ndan lé.

1 Jean 3:4

Nanan ke ra kaiya se ndɔ’n-ndɔ’n ɓaa altà tà gute-ndu’t, tede kaltà tà gute-ndu’t nga è kaiya.

Lookilera’n 2:20

Nè i inye Jézabel, dinye ke ra ra’n ke njèribe-dè-tà ke tà Nube’t nga rai’t ɓai. Dinye nè nga ade ɓer kulege le’m ndemi rebe tede è ndó de tò se nan ke kaiya’t a, ade usei dan ke polé’n magege a tɔ. E ke nè á è nyan karé ke ade m’aw’n sei se tà.