Matthieu 5:18 - Nouveau Testament en Gulay 2004

¹⁸ Kerɔte kuwe, man m’ede sei ndàt, nyange ke ndêin-ndêin ke dé ndang kêm magtub gute-ndu ke mari’t nga, karé bè géa à goto lé sár kade danran se dè nang à gotoi pa ɓita.

Matthieu 5:18 Iomraidhean Croise

Matthieu 10:15

Kerɔte kuwe, man m’ede sei ndàt, ndɔ gangtà’t nga nyan ke ndɔ ke tee dè njé ke ɓeekon ke Sodome se Gomorhhe nga géa è soo’t dum le dooge ke kêm ɓee-bò’t nè nga ɓai.

Matthieu 10:23

Loo ke d’a d’ɔr sei kororoi kêm ɓee-bò ke nè’t ɓaa, an-in awi kêm ɓee-bò karé ke rang’t. Kerɔte kuwe, man m’ede sei ndàt, sei a kɔri son ɓee-bòge le ɓeekon ke Israel lé ɓai kuwe bainléa Ngonn doo à tel ree’n.

Matthieu 10:42

Man m’ede sei ndàt, nanan ke ɔde mann ke sɔl kêm kalmann karé luk-luk ade ngonn karé dann madennge’t ke ei njékuwe-girmge’t tede k’ee ke è njèkuwe-gir’m ɓaa, à nal nyan-kunde nja’n ndan lé.

Matthieu 11:11

Kerɔte kuwe, man m’ede sei ndàt, dann dooge ke dinyege oji de nga, doo karé ke bòi dum dè Jean ke njèkule dooge manné njonm goto. Nè né è bè géa, ngonn ke ndêin bè ke kêm Konɓee ke danrán dum dè’n.

Matthieu 13:17

Kerɔte kuwe, man m’ede sei ndàt, njéribe-dè-tàge ke tà Nube’t se njé ra nyan se dè najennge ngain ndingei le kan-in nyan ke sei an-in nè an-in lé a, ndingei ra de le kooi tà ke sei ooi nè ooi lé a tɔ.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Matthieu 17:20

Jésu tel ede de ede nè: – E tede kundekêm le si ke tin lé. Kerɔte kuwe, man m’ede sei ndàt, ke nè á kundekêm le si è tite kum kage Mutarde bè ɓaa, sei asikum kedi mbal nè kedi nè: «Ɔr rai loo ke nè’t kɔke aw i nda nú bè» ɓaa, mbal nè nga à ɔr ra’n se gir son’n bere kaw kuwe tɔ. Nyan karé bè ke à dum si goto.

Matthieu 18:18

Kerɔte kuwe, man m’ede sei ndàt, nyan malang ke sei ɔgi ra dè nang nè nga, Nube à ɔge tɔ. Nyan malang ke sei inyei loo adi dooge rai dè nang nè nga, Nube à inye loo kade dooge rai tɔ.

Matthieu 18:3

– Kerɔte kuwe, man m’ede sei ndàt, ke nè á i turi hal si, i teli i tooi asinan se ngannge ke dap-dap lé ɓaa, a ulei dè si kêm Konɓee ke danrán ndan lé.

Matthieu 19:23

Jésu tel ede njékuwe-girnge ede nè: – Kerɔte kuwe, man m’ede sei ndàt, le kade baw um nan’t bɔk se Nube nga è nyan ke loo’n tur ngain.

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Matthieu 21:21

Jésu tel ile de dè’t ede nè: – Kerɔte kuwe, man m’ede sei ndàt, ke nè á awi se kundekêm ke get á i naji se ra si dè’t lé ɓaa, a i rai nyan ke m’ra se kage koté nè nga á go karé bere lé, nè ke nè á edi mbal nè edi nè: «Ɔr rai loo ke nè’t i kile oso dann ba’t nú» ɓaa, mbal nè nga à ra titeke bè kuwe tɔ.

Matthieu 21:31

Ngannge ke joo nè nga, ké è ke ra ra nyan ke kêm bɔ’n ndige wa? Njékɔr non Juipge teli ilei Jésu dè’t edi nè: – E ke desêin. Jésu ede de ede nè: – Kerɔte kuwe, man m’ede sei ndàt, njétaa tirge se kaiya-dinyege á ei non si’t kété kêm Konɓee’t le Nube.

Matthieu 23:36

Kerɔte kuwe, man m’ede sei tà nyange nè nga à uwe dè girkoje dooge ke ndii dè nang nè ɗarinè nga.

Matthieu 24:2

Nè Jésu tel ile de dè’t ede nè: –An-in nyange nè nga malang maje. Kerɔte kuwe, man m’ede sei, kuberi herge ke an-in de nè nga, karé bè ke à nain dè made’t anje kade d’a jɔré’n nang goto.

Matthieu 24:47

Kerɔte kuwe, man m’ede sei ndàt, kuwe’n à unde’n ke njèkan dè nyanbawge le’n malang.

Matthieu 25:12

Nè Kuwe-ɓee tel ede de ede nè: «Kerɔte kuwe, man m’ede sei ndàt, man m’ger sei lé.»

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 25:45

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke sei mbati rai se ngonn ke ndêin bè karé dann madennge’t nè nga ɓaa, è man kuwe á i rai se’m non tɔ.»

Matthieu 5:26

Kerɔte kuwe, man m’edi ndàt, ke nè á paja le’n aw sei ilei dangai’t ɓá ɓaa, a uge kure nè nga ndát-ndát kade sisi karé géa à nain dèi’t lé, ɓita a i tee dangai’t ɓai.

Matthieu 6:16

Loo ke ɔgi kêm si ɓo ɓaa, i siwi kum si siw-siw titeke njékede gosge rai nga lé. Ei rai titeke bè le kade dooge an-in titeke ɔgi kêm de ɓo. Kerɔte kuwe, man m’ede sei ndàt, dé nè nga d’inge nyankuge dè ji de ɗarinè ɓá ta.

Matthieu 6:2

Loo ke i unn nyan le kuwe’n noje ɓaa, ade d’ile ndil dèi’t titeke njékede gosge rai kêm kei kebe nange’t se ka-rebege tede kade dooge ilei riɓar dè de’t bè lé. Kerɔte kuwe, man m’ede sei ndàt, dé nè nga d’inge nyan-kuge dè ji de ɗarinè ɓá ta.

Matthieu 8:10

Loo ke Jésu oo tà tam doo nè nga bè ɓaa, è an’n ke dɔ ke nang. Taɓai è tur tà’n ede njé ke ndolèi goo’n ede nè: – Kerɔte kuwe, man m’ede sei ndàt, kêm ɓeekon ke Israel nga géa, m’inge njèkunde kêm dè Nube’t titeke bè ndɔ karé lé ɓai.

Marc 10:15

Kerɔte kuwe, man m’ede sei ndàt, nanan ke ndige kade Nube on’n titeke ngonn ra’n lé ɓaa, à ile nja’n kêm Konɓee’t le’n ndan lé.

Marc 10:29

Jésu ile Pierre dè’t ede nè: – Kerɔte kuwe, man m’ede sei ndàt, ke nè á doo karé inye ɓee koje’n éké ngakonnge se kon nannenge ke tɔge se njé ke girn’t éké kon’n, éké bɔ’n, éké ngann’n, éké loo ndɔrge le’n tede’m man a, tede Tà ke Maje a tɔ ɓaa,

Marc 11:23

Kerɔte kuwe, man m’ede sei ndàt, ke nè á doo karé ede mbal nè ede nè: «Ɔr rai loo ke nè’t kɔke aw oso ba ɓaa, d’ade ra nyan nè kade’n kuwe. Nè è tà le kade um kêm’n dè’t bɔk-bɔk m naje se ra’n dè’t lé.

Marc 12:43

Jésu ɓar njékuwe-girnge ke rann’t ɓaa, è ede de ede nè: – Kerɔte kuwe, man m’ede sei ndàt, ngann nar ke njèkei-kinge um nè nga dum dè nar malang ke njé ke rang umi.

Marc 13:30

Kerɔte kuwe, man m’ede sei ndàt titeke dooge ke ndii dè nang nè ɗarinè à an-in nyange nè se kum de pa ɓita à weii ɓai.

Marc 14:18

Loo ke ei ndii à usei nyan ɓaa, jésu ede de ede nè: – Kerɔte kuwe, man m’ede sei ndàt, doo karé dann si’t à unn dè’m. Doo nè à è ke karé dann njé ke ndii à usei se’m nyan’t nè.

Marc 14:25

Kerɔte kuwe, man m’ede sei ndàt, m’a tel kain mann nduu gugu ndan lé kade m’an-in’n è ke kige kêm Konɓee’t le Nube.

Marc 14:30

Jésu ede Pierre ede nè: – Kerɔte kuwe, man m’edi ndàt, ɓila dann ndɔ nè kuwe, kété ɓita kade kuren kunje non nja joo nga, a i naje se rai dèm’t nja mute kede nè i ger’m lé.

Marc 14:9

Kerɔte kuwe, man m’ede sei ndàt, se loo malang dè nang nè, loo ke d’a d’ile mber Tà ke Maje tutu nga, d’a kɔr ser nyan ra dinye nè nga tɔ, tede kade kɔbe’n oso’n se loo mbit-mbit ade kêm dooge olé’n dènn’t.

Marc 3:28

Kerɔte kuwe, man m’ede sei ndàt, kaiyage malang ke dooge rai se tàge ke majelé ke dooge tami dɔ-dɔ se Nube nga, Nube à ade kêm’n à tin mbit dè’t ɓai.

Marc 6:11

Kêm ɓee-bò ke rara ke awi tutu nga, ke nè á dooge ke kêm ɓee’t nè uwei sei ke ra de’t lé a, ooi tà le si lé a tɔ ɓaa, loo ke a undei loo le teei nata kêm ɓee’t nè nga ɓaa, i gegi bubur ke nja si’t gák-gák umi dè de’t undei naje le si.

Marc 8:12

Jésu ile kêm’n puun ede nè: – Ké bain á sei dooge ke i ndii dè nang ɗarinè i deji nyankɔbe ke gai ke in danrán ra Nube’t wa? Kerɔte kuwe, man m’ede sei ndàt, nyankɔbe ke i deji nga, d’a ra kade an-in ndan lé.

Marc 9:1

Jésu ede doobulege se njékuwe-girnge ede nè: – An-in! man m’ede sei ndàt, dooge ke nange dann si sei ke i ndii nè’t a an-in Konɓee le Nube ke ndɔ ke rang à ree se tɔgmong nga pa ɓita à weii ɓai.

Marc 9:41

Nanan ke ade sei mann kain kêm kalmann karé tede k’ee ke sei le’m man Krist nga ɓaa, man m’ede sei ndàt, doo nè nga à inge nyan-kunde nja’n kuwe mbain.

Tà ke Maje ke Luc ndang 11:51

Unn gir dè Abel ke d’ile mese’n nang kété sár tee’n dè Zacharie ke ndɔ ke dé tɔl’n dadann ɗinger loo nyankuje-mese se kêm kei ke tò se ninn’n. Oiyo, mese dooge nè malang ke an-in nang nga, man m’ede sei ndàt, Nube à ade kure’n à ɔde kum dooge ke ndii dè nang nè ɗarinè ɓai.

Tà ke Maje ke Luc ndang 12:37

Ngann njéndige nè nga, loo ke kuwe de tel à ree á inge de dè ɓi’t lé ɓaa, ra de à nel de. Kerɔte kuwe, man m’ede sei ndàt, kuwe de à ule kubu ra kule rann’t, à uwe ɓede’n se ndar le ɓar de kade de nyankuse kade d’use a tɔ.

Tà ke Maje ke Luc ndang 13:35

An-in! ɗarinè Nube asekum kain ngang si lé ta. Loo naje’n goto: sei a kan-in man gugu ndan lé sár kade a tami kedi nè: «Maje kade ndutɔr nain se è ke Kuwe-ɓee Nube ule’n nga.»

Tà ke Maje ke Luc ndang 16:17

Danran se nang nè à gotoi se nel’n karè pa ɓita tàge ke ndêin-ndêin bè ke dé ndang kêm magtub gute-ndu’t à udi ɓai.

Tà ke Maje ke Luc ndang 18:17

Man m’ede sei ndàt, nanan ke ndige kade Nube on ɓee dènn’t titeke ngannge ke ndêin bè rai lé ɓaa, à um nan’t bɔk se Nube ndan lé.

Tà ke Maje ke Luc ndang 18:29

Jésu ede de ede nè: – Man m’ede sei ndàt, ke nè á doo karé inye ɓee koje’n éké neen’n, éké ngakonnge, éké njékojennge, éké ngannenge tede le kule ra’n gir Konɓee’t le Nube ɓaa,

Tà ke Maje ke Luc ndang 23:43

Jésu tel ilé dè’t ede nè: – Kerɔte kuwe, man m’edi ndàt, ɓila kuwe a i ndi se’m nan’t Loo ke Maje’t.

Tà ke Maje ke Luc ndang 4:24

Go’t gugu, Jésu ede de ede nè: – Kerɔte kuwe, man m’ede sei ndàt, njèribe-dè-tà ke tà Nube’t karé bè ke d’oo tà tànn’t ɓee kojenn’t nga goto.

Jean 1:51

Jésu ede Nathanael se njé ke rang malang ede nè: – Kerɔte kuwe, man m’ede sei ndàt, unn gir’n ɗarinè kum danran à teen. Sei a kan-in dooge ke danrán le Nube à ali kawi dɔ a, à risi nang a tɔ tede rai nyan kadi man Ngonn doo.

Jean 10:1

Kerɔte kuwe, man m’ede sei ndàt, doo ke ree se tà rebe gar batege lé, nè al se tà rebe ke rang tá ree’n go batege ɓaa, è njèɓog a, è gon-ɓog a tɔ.

Jean 10:7

Jésu tel ede de ede nè: – Kerɔte kuwe, man m’ede sei ndàt, man nga m’ee tàbit kei rebe gar batege.

Jean 12:24

Kerɔte kuwe, man m’ede sei ndàt, ke nè á njar ko ke doo dubu nang nga wei lé ɓaa à è kum’n ke karé bere kɔke nè kuwe. Nè ke nè á wei ɓaa, ko’n à il ngain ke kété-kété.

Jean 13:16

Kerɔte kuwe, man m’ede sei ndàt, ngonn njèndi à bòi dum dè kuwe’n lé a, ngonn njèkule à dum dè njèkule’n lé a tɔ.

Jean 13:38

Jésu tel deje Pierre ede nè: – Ké a ile rai kɔke tede’m wa? Kerɔte kuwe, man m’edi ndàt, a i naje se rai dèm’t nja mute ɓita kuren kunje à non kɔkerɔ kon ɓai.

Jean 14:12

Kerɔte kuwe, man m’ede sei ndàt, doo ke um kêm’n dèm’t ɓaa à ra nyange ke m’a m’ra nè nga tɔ. Doo nè nga à ra nyange ke bò dum dè ège ke nè ɓai, tede m’a m’tel kaw ra Bɔm’t nú ta.

Jean 16:20

Kerɔte kuwe, m’ede sei ndàt, a i noin a, a undei kade si dai-dai a tɔ. Nè njé ke dè nang nè à ali ra de. Sei a i ndii dann kumndoo’t kuwe, nè kumndoo le si nga à tel k’ee ranel ɓai.

Jean 16:23

Kêm ndɔn’t nè nga, a i teli deji man tà dè nyan karé’t ndan lé ta. Kerɔte kuwe, man m’ede sei ndàt, ke nè á i deji Bɔ’m nyan karé se ri’m ɓaa, à ade sei nyan nè nga kuwe.

Jean 21:18

Kerɔte man m’edi ndàt, kété ke i basa ɓai nga i kuwe i tɔ́ ɓedi se ndar aw’n loo titeke kêmi ndige. Nè ndɔn’t a i ɓuge ɓaa, a i sure jii kade doo karé ke rang à tɔ ɓedi se ndar a, à ndɔri kaw sei loo ke i ndige’t lé.

Jean 3:11

Kerɔte kuwe man m’edi ndàt, jè tam tà nyan ke jè ger a, j’ɔrgo tà nyan ke j’an se kum jé a tɔ. Nè sei taai tà ke j’ɔrgo j’ade sei nga lé.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 3:5

Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

Jean 5:19

Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Jean 6:26

Jésu ile de dè’t ede nè: – Kerɔte kuwe, man m’ede sei ndàt, sei sangi man tede nyankɔbege ke ndɔ ke an-in nga lé, nè tede mapa ke sei usei i ndanni.

Jean 6:32

Jésu tel ile de dè’t ede nè: – Kerɔte kuwe, man m’ede sei ndàt, è Moise á ade sei mapa ke ndɔ ke in danrán nga lé. Nè è Bɔ’m á ade sei ngarankum mapa ke in danrán nga.

Jean 6:47

Kerɔte kuwe, man m’ede sei ndàt, doo ke unde kêm’n dèm’t ɓaa, ndi kumgajer se non ɓá ta.

Jean 6:53

Jésu tel ede de ede nè: – Kerɔte kuwe, man m’ede sei ndàt, ke nè á sei usei danra’m man Ngonn doo lé a, an-in mese’m lé a tɔ ɓaa, ndikumgajer nga goto ra si’t ɓá ta.

Jean 8:34

Jésu tel ede de ede nè: – Kerɔte kuwe, man m’ede sei ndàt, nanan á ke inye ra’n nyein dann kaiya’t se ndɔ’n-ndɔ’n ɓaa, è ɓer le kaiya kuwe.

Jean 8:51

Kerɔte kuwe, man m’ede sei ndàt, ke nè á doo karé an dè tà le’m sêw-sêw ɓaa, à wei ndan lé.

Jean 8:58

Jésu ede de ede nè: – Kerɔte kuwe, man m’ede sei ndàt, man m’ndi tutu kété ɓita kade d’oje kà si Abraham nga ɓai.

1 Pierre 1:25

Nè tà le Kuwe-ɓee tò sár se non.» Tà nè nga è Tà ke Maje ke d’ile mber’n d’ade sei ɓá.

Lookilera’n 20:11

Go’t gugu, m’an doo karé bè ndi dè kutu-ngar ke nda ke bòi’t. Nang se danran ɔti an-in nan tà kum’n ta.