Matthieu 5:17 - Nouveau Testament en Gulay 2004

¹⁷ Maje kade i giri kêm si’t edi nè m’ree le tuju gute-ndu ke mari éké magtubge ke njéribe-dè-tàge ke tà Nube’t ndangi nga lé. Man m’ree le tuju gute-ndu ke mari se tàge ke njéribe-dè-tàge ke tà Nube’t ndangi nga lé, nè m’ree le kade maji ɔri njêt.

Matthieu 5:17 Iomraidhean Croise

Matthieu 3:15

Nè Jésu tel ile’n dè’t ede nè: – Inye ade m’ra ɗarinè. Ra nyan ke kêm Nube ndige tɔl mbas nga, tuwe jè ɗêw titeke bè. Jean inye Jésu ade ra titeke bè.

Matthieu 7:12

Nyan malang ke sei i ndigi kade dooge ke rang rai tede le si nga, sei géa i rai titeke bè tede le de tɔ. E ke nè á è tà ke ndɔ ke Moise se njéribe-dè-tàge ke tà Nube’t ndooi dooge.

Tà ke Maje ke Luc ndang 16:17

Danran se nang nè à gotoi se nel’n karè pa ɓita tàge ke ndêin-ndêin bè ke dé ndang kêm magtub gute-ndu’t à udi ɓai.

Jean 8:5

Kêm magtub gute-ndu le jéi ke Moise ndang nga, è unn ndu’n ade jèi le tile dinyege ke titeke bè se kuberi her tɔl de kɔke. Ké tà ri á a i tam dè’t wa?

Nyanra Njekawkulege 18:13

– Doo nè nga sule dooge ade ilei koje dè Nube’t se go rebe ke tò gai se le gute-ndu.

Nyanra Njekawkulege 21:28

Juipge tami tà beng edi nè: – Sei ngannkà Israel ke dingem, i din-in jè! An-in! doo ke njè kaw se loo-loo ndó dooge nyan le kade utei jéi kosdooge le Nube se gute-ndu’n éké kêm kei le Nube mbeng nga á nda nè. Taɓai dooge ke ei Juipge lé géa ɔr de ree se de kêm kei ke tò se ninn’n le Nube ade telii ke nyan ke mine.

Nyanra Njekawkulege 6:13

Taɓai d’aw d’ɔr njé tà lanmge dé ree se de d’ade tami edi nè: – Doo nè tam tà ke majelé ɔje’n dè kêm kei ke tò se ninn’n le Nube a, ɔje’n dè gute-ndu le Moise a tɔ. E tam tà ke majelé nè nga kum’n ke kété-kété m ebe ra’n lé ɓai.

Nje Ke Rome 10:4

Krist è njè tɔl tà gute-ndu le Moise tede kade nanan ke unde kêm’n dè Jésu-Krist ɓaa, Nube à ɔr tà dènn’t.

Nje Ke Rome 3:31

A ɓaa, ké kundekêm dè Krist’t le jéi nga à tuju maje le gute-ndu wa? Ḿ-m̀, è bè lé! Takul kundekêm á j’unn’n gute-ndu j’unde’n dɔ ɗang j’ade tò loon’t ke kété.

Nje Ke Rome 8:4

Nube ra nyan nè nga titeke bè le kade j’asi rai nyange ke gute-ndu ɔje nga. Ɗarinè jè njiyei se go tɔgmong le Ndil-Kêmnda m se go tɔgmong le danra lé ta.