Matthieu 5:12 - Nouveau Testament en Gulay 2004

¹² I rai ranel a, ali ra si se kêmnda káng tede nyan kuge dè ji si è ngain dɔ danran. Njéribe-dè-tàge ke tà Nube’t ke kété non si’t nga géa, ndɔ ke dé ra kum de ndoo titeke dé ra’n kum si ndoo bè tɔ.

Matthieu 5:12 Iomraidhean Croise

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 6:16

Loo ke ɔgi kêm si ɓo ɓaa, i siwi kum si siw-siw titeke njékede gosge rai nga lé. Ei rai titeke bè le kade dooge an-in titeke ɔgi kêm de ɓo. Kerɔte kuwe, man m’ede sei ndàt, dé nè nga d’inge nyankuge dè ji de ɗarinè ɓá ta.

Tà ke Maje ke Luc ndang 13:34

Sei dooge ke i ndii kêm ɓee-bò ke Jérusalem, sei njé tile njéribe-dè-tàge ke Nube ule de ra si’t se kuberi her tɔl de. Dɔ-dɔ m’ndige le kɔse nja si nan’t titeke kon kunje kebe’n ngannenge gir bagenn’t bè. Nè sei ndigi kinyei man kade m’ra titeke bè lé.

Tà ke Maje ke Luc ndang 6:23

I rai ranel kêm ndɔn’t nè nga, ali ra si se kêmnda káng a tɔ, tede nyan-kunde nja si ke bò tò ngine sei danrán. Kà de dé njékɔr sei njêtge nè géa, kété dé ra nyange nè titeke bè se njéribe-dè-tàge ke tà Nube’t tɔ.

Tà ke Maje ke Luc ndang 6:35

Nè sei ɓaa, i tári njébange le si, i rai de maje, adi dooge tunei sei nyan, nè i giri kêm si’t edi nè: «M’a tel kinge gugu ɓai» lé. Titeke bè á, nyan-kuge dè ji si à ee’n ngain a, a k’eei ngann le Nube ke Njèndi sêm danran’t. Tede Nube ke Njèndi sêm danran’t nga, è njè ra maje se dooge ke geri loo tel ra’n oiyo lé a, è njè ra maje se njékêmyêrge a tɔ.

Nyanra Njekawkulege 16:25

Dann ndɔɔ bɔp ɓaa, Paul se Silas ɔji tà se Nube’t a, ɔsi pa ulei ndubra dènn’t a tɔ. Dangai made dege uri mbi de ooi ndu de.

Nyanra Njekawkulege 5:41

Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.

Nje Ke Rome 5:3

E ke nè á go karé lé, nè dè jé in tchakm dann nyantosowurge ke ra jèi, tede jè geri titeke nyantosowur oje korè tà njak.

1 Nje Ke Corinthe 3:8

Njè dubu nyan se njè kum mann dè nyan’t nga asinan mbak. Nè Nube à uge dè ji nanan géa dann de’t se go kule ke è ule ra’n ndibe tutu.

2 Nje Ke Corinthe 4:17

Nyantosowur ke pêlêng ke ra jè ɗarinè nga à ɔje ndubra ke dum dè loo ndɔ ke rang ɓai.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

Nje Ke Philippes 2:17

Ké nè á d’ayé kile mese’m nang ke nyankuje-mese dè made’t ɓai tede kundekem̂ le si géa, m’ra ranel se si nan’t malang.

Nje Ke Colosses 1:24

Ɗarinè, m’ra ranel dè nyankem̂konge ke m’inge tede le si. Titeke bè á m’oré’n se Krist nan dè nyantosowurge ke ndɔ ke ra’n, se ndɔ’m-ndɔ’m tede le danra’n ke è njékebe nange le Nube nga.

Nje Ke Colosses 3:24

Sei geri mbak titeke Kuwe-ɓee à unde nja si a, a ingei nyan-ndube ke è unde konn tede le njé ke le’n. Kuwe si è Krist, è è á i rai kule adi nin.

1 Nje Ke Thessalonique 2:15

E dé Juipge nè nga kuwe á ndɔ ke dé tɔl Kuwe-ɓee Jésu se njéribe-dè-tàge ke tà Nube’t. Jè géa, ndɔ ke d’ɔr jè kororoi tɔ. Dé dooge ke dé taa kum Nube lé a, dé njé kɔse tà se dooge malang a tɔ.

Hebreuge 10:34

Sei an-in kumndoo le dangaige. Loo ke dooge ɔyi nyankinge sige géa, sei rai ranel tede sei geri mbak titeke nyankinge le si ke maje dum ke doo à taa ji si’t lé tò ra Nube’t non ɓai.

Hebreuge 11:26

Moise an rasɔl ke ndɔn’t d’a d’ile dè Krist’t nga ke nyanbaw ke dum dè nyanbawge malang ke ɓeekon ke Egypte. E oré kum’n sêw dè nyankuge dè jinn’t ke ndɔ ke rang.

Hebreuge 11:33

Dooge nè malang undei kem̂ de dè Nube’t á ndɔ ke têti rɔ ɓeekonge a, rai nyan ke se dè naje’n a, ingei nyange ke ndɔ ke Nube unn’n ndu’n ade de a, uwei tà toboige a tɔ.

Hebreuge 11:6

Ke nè á kundekem̂ goto ɓaa, doo asekum taa kum Nube ndan lé. Doo ke age ngɔr ke ra Nube’t tede kum se’n nan’t bɔk nga, gar-gar maje kade ger titeke Nube ndi tutu. Nube à uge dè ji njé ke sangi nin se kem̂nda káng nga.

Jacques 1:2

Ngakonmge, ke nè á nja si tuge sei dè nyan nange’t gai-gai ɓaa, an-in ke nyan ranel ke deri.

Jacques 5:10

Ngakonmge, an-in! njéribe-dè-tàge ke tà Nube’t ke ndɔ ke ilei mber se ri Kuwe-ɓee nga, nyankem̂kon ra de kuwe, nè ei ilei kem̂ de pon-pon. An-in! de ke nyantɔjege le si bè.

1 Pierre 4:13

Nè maje kade i rai ranel tede korè ke sei oréi nan se Krist dè nyankem̂konge ke ra’n. Ndɔ ke Krist à tel ree dann ndubra le’n tàkum dooge’t malang ɓaa, sei géa a ali ra si tɔ.