Matthieu 5:11 - Nouveau Testament en Gulay 2004

¹¹ Loo ke dooge à taji sei a, a rai kum si ndoo a, a teti tàge ke majelé gai-gai kundei tà si’t tede k’ee ke sei njékuwe-girmge nga ɓaa, adi ra si nel sei.

Matthieu 5:11 Iomraidhean Croise

Matthieu 10:18

D’ade kali sei kaw se si non njékonɓeege’t se non ngarge ke bò tede tà le’m. Bè ɓaa, ɔri go tà le’m adi de a, adi dooge ke ei Juipge lé a tɔ.

Matthieu 10:22

Dooge malang à ɔri sei njêt tede ri’m man. Nè è ke nda dè njann’t njáng sár ndɔ ke ngeinn’t ɓaa, Nube à aje’n.

Matthieu 10:25

Maje kade njèndó nyan è tite njèndó’n nyan bè a, maje kade ngonn njèndi è tite kuwe’n bè a tɔ. Ke nè á d’ile ri-tɔi kuwe-kei d’ede nè: Ngar le ndilge ke majelé ɓaa, ké njékêmkeige le’n nga d’a t’ile ri de dum le’n è ɓai lé wa? Kuwe-kei géa á dé ɓar’n Ngar le ndilge ke majelé nè a njékêmkeige le’n tá ɓai wa?

Matthieu 10:39

Nanan ke sang le kaje ra’n ɓaa, ndɔn’t à ile ra’n kɔke salang. Nanan ke ile ra’n kɔke salang tede’m man ɓaa, à tel kinge ra’n ɓai.

Matthieu 19:29

Nanan ke inye kei le’n éké ngakonnge ke dingem éké njé ke dinye, bɔ’n éké kon’n, ngann’n éké loo ndɔrge le’n tede ri’m man ɓaa, à inge nyan-kunde dè nja’n bule ngain dè made’t. Tá à inge ndikumgajer se non dè’t ɓai.

Matthieu 24:9

D’a tuwe sei ra kum si ndoo a, d’a tɔl sei a, dooge ke geri Nube lé à ɔri sei njêt a tɔ, tede ri’m man ke m’ee Ngonn doo nga.

Matthieu 27:39

Dooge ke derri loo’t nè nga taji Jésu a, tugei dè de nêk-nêk a tɔ, edi nè:

Marc 13:13

Dooge malang à ɔri sei njêt tede tà le’m. Nè doo ke orè tà’n njak sár wei’n ɓaa, Nube à aje’n.

Marc 13:9

Nè sei ɓaa, kêm si dè ra si’t ɔje dè nyange ke d’ade ra se si. D’ade tuwe sei kaw se si gangtà dè si’t a, d’ade tunde sei kêm kei kebe nange’t a tɔ. D’ade kali sei kaw se si non njékonɓeege’t se non ngar-ɓeege’t a tɔ, tede tà le’m man le kade ɔri go tà le’m adi de.

Marc 4:17

Nè Tà ke Maje nè nga ule ngire’n nang dè ɓengre de’t lé, tede ei njé kêm mɔrége. Loo ke nyan ke tur éké nyankumndoo undei loo teei pitring ɔje dè Tà ke Maje ɓaa, ke loon’t nè kuwe ei surei Tà ke Maje nè nga inyei.

Marc 8:35

Nanan ke ndige ngonm ra’n sár-sár ɓaa à wei, nè nanan ke ile ra’n kɔke salang tede tà le’m a, tede Tà ke Maje a tɔ ɓaa, à ndi kumgajer kerɔte.

Tà ke Maje ke Luc ndang 21:12

Nè kété ɓita kade nyange nè teei ɓai nga, d’a tuwe sei a, d’a ra kum si ndoo a, d’a d’ule sei ji ngar dè kei kebe nan a, d’ade ɓuku sei dangai’t a, d’ade kali sei kaw se si non ngar-ɓeege’t se non njékonɓeege’t a tɔ. D’a ra se si nyange nè nga titeke bè tede’m man.

Tà ke Maje ke Luc ndang 21:17

Dooge malang à ɔri sei njêt tede ri’m man ke m’ee Ngonn doo nga.

Tà ke Maje ke Luc ndang 6:22

Ke nè á dooge ɔri sei njêt a, dé mbate sei a, dé taje sei a, se d’an sei ke dooge ke majelé tede k’ee ke sei njékuwe-gir’m man ke m’ee Ngonn doo nga ɓaa, adi ra si nel sei!

Tà ke Maje ke Luc ndang 9:24

Ke nè á doo karé ndige kaje ra’n ɓaa, à ile ra’n kɔke salang; nè ke nè á doo karé ile ra’n kɔke salang tede kunn ke è unn rebe goom’t nga ɓaa, è doo nè nga á ndi kumgajer kerɔte kuwe.

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Jean 9:28

Ke loon’t nè kuwe, Pharisienge unni gir taji doo ke kété è njèkumtɔ edi nè: – I á i njèkuwe-gir doo nyan le doo nè nga! Nè jè ɓaa, jé pajage le Moise.

Nyanra Njekawkulege 9:16

Doo nè nga, man kuwe m’a m’tɔje’n nyankêmkonge malang ke à inge tede ri’m gar-gar.

Nje Ke Rome 8:36

Dé ndang tà nè kêm Magtub’t le Nube d’ede nè: «E tede k’ee ke jè leige á dé tɔl’n jè se ndɔge sár d’ade kàde ur’n nang bàj. D’an jè tite batege ke d’aw se de loo tɔl dange’t bè.»

1 Nje Ke Corinthe 4:10

Jè tel mbe tede le Krist, nè sei ɓaa i teli njékumkunjuge tede kum ke umi nan’t bɔk se Krist. Jè tel jè njéyaige, nè sei ɓaa i teli njétɔgege. D’ile riɓar dè si’t, nè jè ɓaa dooge nedi jè.

2 Nje Ke Corinthe 4:11

Jè ndi kumgajer kuwe, nè se ndɔge malang jè ndi tà yo’t ɔje dè tà le Krist. Jè ndi tà yo’t se ndɔ jé-ndɔ jé tede kade ndikumgajer le’n too’n nata ndái-ndái ra jé ke à jɔri’t nga.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

1 Pierre 2:23

E nga ndɔ ke dé taje’n, nè è taje de gute made’t lé. Ndɔ ke dé ra se’n nyankem̂kon, nè è tam se de ede nè a an-in ɓai lé a tɔ. Nè è inye ra’n bere mbak ji Nube’t ke njègangtà se dè naje’n kuwe karé.

1 Pierre 4:14

Ke nè á dé taje sei tede ri Krist ɓaa, i rai ranel tede Ndil Nube ke njè ndubra nain se si.

Lookilera’n 2:3

M’ger titeke i nda dè njai’t njáng a, oré tài njak dè nyankem̂konge ke ndɔ ke rai tede tà le’m a tɔ. Nè kem̂i tête mann lé.