Matthieu 4:9 - Nouveau Testament en Gulay 2004

⁹ ede nè: – Ke nè á i ɔse keji nang nonm’t, ule dèi ade’m ɓaa, m’a m’adi nyan-majege nè nga malang.

Matthieu 4:9 Iomraidhean Croise

Matthieu 26:15

– Ke nè á m’ule Jésu nga ji si’t ɓaa, ké ri á a adi man wa? Maw njékuje nyan-mesege mbɔji nar-nda kɔr-mute adi Judas.

Matthieu 4:10

Jésu tel ede sú ede nè: – Ɔte tam’t kɔke tede dé ndang kêm magtub’t d’ede nè: «Kuwe-ɓee Nube lei nga, i a kɔse keji nang nonn’t a, è kuwe karé bere luk-luk á i a ra ɓer le’n a tɔ.»

Jean 12:31

Tà ke Nube à gang dè dooge ke dè nang nè nga, ɗarinè unn gir’n ɓá ta. Ngar le njé ke dè nang nè nga, Nube à sure’n kile’n nata ɗarinè ta.

Jean 13:3

Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 14:30

M’a m’ɔje se si tà ngain lé ta, tede ngar ke njèkonɓee dè nang nè à ree non ta. Kerɔte kuwe, è ase ra se’m nyan karé bè lé.

Jean 16:11

Njè ra se si nga à ade kum dooge à gang dè gangtà’t le Nube, tede njèkonɓee ke nang nè nga dé gangtà dènn’t ɓá ta.

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

1 Timothee 3:6

Gar-gar, njèkan dè njékebe nange le Nube nga è njè kundekem̂ ke kige lé, nè bainléa ti ra à libe kum’n le kade Nube gang’n tà dènn’t titeke ndɔ ke gang’n tà dè sú’t nga.

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.

Lookilera’n 19:16

Doo ke danrán ke al dè sinde-gaglam’t nga, dé ndang ri doo tu kubu’t le’n ke bòi yul a, dè bingenn’t a tɔ, d’ede nè: «Ngar dè ngarge a, Kuwe-ɓee le kuwe-ɓeege a tɔ.»