Matthieu 4:25 - Nouveau Testament en Gulay 2004

²⁵ Kosdoo-bulege ngain in-in kêm ɓeekon ke Galilée se ɓeekon ke Décapole se ɓee-bò ke Jérusalem se ɓeekon ke Judée a, se ɓeekon ke gide ba ke Jourdain’t reei ndolèi go Jésu.

Matthieu 4:25 Iomraidhean Croise

Matthieu 12:15

Loo ke Jésu ger titeke Pharisienge ɔri nan tà dènn’t le kuwe’n tɔl’n ɓaa, è inye loo nè ɔr ra’n aw rang. Kosdoo-bulege ngain ndolèi goo’n. E ɔr ratur ra de’t malang.

Matthieu 19:2

Kosdoo-bulege ngain unni dè nja’n awi goon’t nú ade ɔr ratur ra de’t.

Matthieu 4:15

«Ɓeekon le Zabulon, ɓeekon le Nephtali, ke tooi gide ba ke Jourdain, I Galilée ɓeekon le dooge ke ei Juipge lé.

Matthieu 5:1

Loo ke Jésu an kosdoo-bulege bè ɓaa, è al dè mbal’t dɔ. Loo ke è ndi nang ɓá ɓaa, njékuwe-girnge reei rann’t.

Matthieu 8:1

Loo ke Jésu in dè mbal’t rise nang ɓá ɓaa, kosdoo-bulege ngain ndolèi goo’n.

Marc 5:20

Loo ke dingem nè ɔte aw ɓaa, unn gir kɔr ser nyan malang ke Jésu ra se’n ase’n loo nák-nák kêm ɓeekon ke ri’n nè Décapole. Kàde dooge malang gete get-get dè tà ke ooi tà dingem’t nè nga.

Marc 6:2

E unn gir ndó dooge nyan kêm kei kebe nan’t se ndɔ taa kebe. Doobulege ke ndii tutu ooi tà lé’n nga, tà ige de sêl ade tami edi nè: – Ké n’inge tàgirge ke titeke bè nga ra wa? Ké gos nyanger nè nga n’in’n ra wa? Ké nan adé tɔgmong á n’ra’n nyankɔbege ke doo an kété ndan lé nè nga wa?

Marc 7:31

Go’t gugu ɓaa, Jésu in kêm ɓee-bò ke Tyr aw kêm ɓeekon ke Sidon. E unde kêm ɓeekon ke Décapole gang tel ree kum’n ke tà ba ke Galilée gugu.

Tà ke Maje ke Luc ndang 6:17

Jésu rise se njékuwe-girnge aw se de kade mbal’t inge’n kutu kos njékuwe-girnge. Kosdoo-bulege in-in dè nang’t le Juda malang se kêm ɓee-bò ke Jérusalem se kêm ɓeege ke tooi tà ba-kate’t, Tyr a, Sidon a tɔ.

Tà ke Maje ke Luc ndang 6:19

Nanan géa dann de’t sang le kɔde ra’n lêm tede tɔgmong kaje njératurge tee rann’t aje de malang.