Matthieu 4:23 - Nouveau Testament en Gulay 2004

²³ Jésu aw se loo-loo kêm ɓeekon ke Galilée bere mbak ndó dooge nyan kêm kei kebe nange’t le de ile mber Tà ke Maje ɔje dè konɓee le Nube a, ɔr ratur ke rara ra njératurge dann kosdooge’t a, se njè ke kêl ra de wei tonrin a tɔ.

Matthieu 4:23 Iomraidhean Croise

Matthieu 11:5

Njékumtɔge teli an-in loo a, njédɔge metege teli njiyei mong ɗáj-ɗáj a, banje ɔr ra njébanjege’t ndát-ndát a, njémbi mbege teli ooi tà njai-njai a, dooge undei loo teei dann njé ke koo’t a, Tà ke Maje nga géa d’ile mber’n d’ade njéndooge ɓá a tɔ.

Matthieu 12:9

Jésu in loon’t nè aw kêm kei kebe nan’t le de.

Matthieu 13:19

Loo ke doo oo tà ke ɔje dè Konɓee le Nube nè ger gir tà nè nga lé ɓaa, njèkêmyêr ree ɔr tà ke dé dubu dè ɓengrenn’t nga wont kɔke. Doo nè nga tò asenan se njar ko ke dubu ngang rebe’t bè.

Matthieu 13:54

E tel ree kêm ɓee-bò’t le’n ke Nazareth ndó dooge nyan kêm kei kebe nan’t le de. Tà ige de sêl ade dé tam d’ede nè: – Ké n’ee nga, n’in se kumkunju ke titeke bè ra wa?

Matthieu 14:14

Jésu in kêm bato’t rise nang. Doobulege ngain kujei nan rann’t hakl. E an kumndoo le de a, è ɔr ratur ra njératurge’t le de a tɔ.

Matthieu 24:14

Konɓee le Nube nga, d’a d’ile mber’n kade dooge malang ke geri Nube lé ke ndii dè nang nè bere mbak ooi kété ɓita dè nang nè à tuju ɓai.

Matthieu 3:2

– I turi hal si tede Konɓee ke danran nain ngɔr ta.

Matthieu 9:35

Jésu aw se kêm ɓee-bòge se ngann ɓeege malang ndó dooge nyan kêm kei kebe nange’t le de. E ile mber Tà ke Maje ke ɔje dè Konɓee le Nube ade de a, è ɔr ratur ra njératurge’t se njé ke kêl ra de wei tonrin a tɔ.

Marc 1:14

Loo ke d’uwe Jean d’ile’n dangai’t ɓá ɓaa, Jésu in ree ɓeekon ke Galilée, è ile mber Tà ke Maje le Nube, ede nè:

Marc 1:21

Jésu se njékuwe-girnge awi kêm ɓee ke Capernaum. Ke loon’t nè kuwe, Jésu aw kêm kei kebe nan’t se ndɔ taa kebe, è unn gir ndó dooge nyan.

Marc 1:39

Jésu aw ile mber kêm kei kebe nange’t le de ke ɓeekon ke Galilée bere mbak. E rɔ ndilge ke majelé kɔke a tɔ.

Marc 3:10

Jésu ɔr ratur ra dooge’t bule kêm ndɔn’t nè nga. Gir’n ke nè á njé raturge malang nanri nan loo tede kɔde ra’n lêm.

Marc 6:2

E unn gir ndó dooge nyan kêm kei kebe nan’t se ndɔ taa kebe. Doobulege ke ndii tutu ooi tà lé’n nga, tà ige de sêl ade tami edi nè: – Ké n’inge tàgirge ke titeke bè nga ra wa? Ké gos nyanger nè nga n’in’n ra wa? Ké nan adé tɔgmong á n’ra’n nyankɔbege ke doo an kété ndan lé nè nga wa?

Marc 6:6

Tà ige Jésu sêl dè kunn mbi dè tà’t le doobulege. Jésu ɔte aw se ngann ɓeege ke gan-in dè Nazareth gêrêr ndó dooge nyan.

Tà ke Maje ke Luc ndang 10:9

Ɔri ratur ra njératurge ke kêm ɓee’t nè a, edi dooge ke kêm ɓee’t nè nga edi nè: «Konɓee le Nube nain ngɔr se si ta.»

Tà ke Maje ke Luc ndang 13:10

Ndɔ karé bè, Jésu ndó dooge nyan kêm kei kebe nan’t. Ndɔ nè nga è ndɔ taa kebe.

Tà ke Maje ke Luc ndang 16:16

Gute-ndu Nube ke Moise ndang se magtubge ke njéribe-dè-tàge ke tà Nube’t ndangi a tɔ nga, dé ndó dooge sár d’ade Jean ke njèkule dooge manné njonm ree’n. Nè unn gir ndɔ ree le Jean sár tee ɓila nga, m’ile mber Tà ke Maje m’ade dooge. Gir’n ke nè á nanan géa uwe’n ra’n mong le kum nan’t bɔk se Nube.

Tà ke Maje ke Luc ndang 20:1

Ndɔ karé bè, Jésu ndi ndó dooge nyan a, ile mber Tà ke Maje kêm kei le Nube a tɔ. Maw njékuje nyan-mesege se njékɔrgir gute-nduge undei loo teei pan se dooge ke kum de unju ɓaa, ei deji Jésu edi nè:

Tà ke Maje ke Luc ndang 4:14

Loo ke Jésu à tel kêm ɓeekon ke Galilée ɓaa, tɔgmong le Ndil-Kêmnda taa ra’n pel-pel. Kɔbe tà le Jésu nga unn gir koso se loo mbit-mbit kêm ɓeekon ke Galilée bere mbak.

Tà ke Maje ke Luc ndang 5:17

Ndɔ karé bè Jésu ndi ndó dooge nyan. Pharisienge se njékɔrgir gute-ndu Nube ke Moise ndang reei ra Jésu’t. Dooge in-in se kêm ɓeege gai-gai ke ɓeekon ke Galilée, se ɓeekon le Juda a, se ɓee-bò ke Jérusalem géa reei rann’t a tɔ. Tɔgmong le Nube nain se Jésu ade aje’n njératurge.

Tà ke Maje ke Luc ndang 6:17

Jésu rise se njékuwe-girnge aw se de kade mbal’t inge’n kutu kos njékuwe-girnge. Kosdoo-bulege in-in dè nang’t le Juda malang se kêm ɓee-bò ke Jérusalem se kêm ɓeege ke tooi tà ba-kate’t, Tyr a, Sidon a tɔ.

Tà ke Maje ke Luc ndang 6:6

Ndɔ taa kebe karé ke rang, Jésu aw kêm kei kebe nan’t. E unn gir ndó de nyan. Dingem karé ke jikon’n wei tonrin ndi dann de’t tɔ.

Tà ke Maje ke Luc ndang 7:21

Kêm kàde’n ke d’ade reenn’t nga, Jésu ndi ɔr ratur ra dooge’t bule. Njé ke raturge ke se ri de-ri de rai de nga géa, è ɔr ra de’t. E rɔ ndilge ke majelé kêm dooge’t kɔke a, è uwe noje se njékumtɔge ade teli an-in loo njai-njai a tɔ.

Tà ke Maje ke Luc ndang 7:22

Go’t gugu Jésu tel ede njé ke Jean ule de ede nè: – Nyange malang ke an-in se kum si a, ooi tà’n se mbi si a tɔ nga, awi edi Jean tà’n edi nè: Njékumtɔge teli an-in loo a, njédɔgemetege teli njiyei mongi ɗáj-ɗáj a, banje ɔr ra njébanjege’t ndát-ndát a, njé mbi kutuge teli ooi tà njai-njai a, dooge undei loo teei dann njé ke koo’t a, Tà ke Maje nga d’ile mber’n d’ade njéndooge ɓá a tɔ.

Tà ke Maje ke Luc ndang 8:1

Go’t gugu ɓaa, Jésu aw se loo-loo kêm ɓee-bòge se kêm ngann ɓeege ile mber Tà ke Maje ke ɔje dè Konɓee le Nube ade dooge. Njékuwe-girnge ke dɔg-gidé-joo danni nin.

Tà ke Maje ke Luc ndang 9:11

Loo ke kosdoo-bulege geri tà kaw de ɓaa, ndolèi go de. Jésu uwe de ke rann’t ede de tà ke ɔje dè Konɓee le Nube a, dooge ke awi ndoo kade ratur ɔr dè de’t nga, è ɔr ratur ra de’t a tɔ.

Tà ke Maje ke Luc ndang 9:60

Jésu tel ile doo nè nga dè’t ede nè: – Dubu ninn dooge nga, è kule ke ɔje dèi lé ta. Nè i ɓaa, aw ile mber Konɓee le Nube ade dooge ke rang.

Jean 18:20

Jésu ile’n dè’t ede nè: – Man m’ede dooge malang ke dè nang nè tà nata mbeng. M’ndó de nyan se ndɔge malang kêm kei kebe nange’t se kêm kei le Nube ke è loo kebe nan le Juipge malang. Nyan ke ndɔ ke m’ndó de nga è se go ngein lé.

Jean 6:59

E ke nè á è tàge ke Jésu ndó dooge kêm kei kebe nan’t kêm ɓee-bò ke Capernaum.

Jean 7:1

Go’t gugu Jésu aw se loo-loo kêm ɓeekon ke Galilée. E ndige le tel kaw kêm ɓeekon ke Judée lé tede Juipge sangi rebe le kade dé tɔl’n.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 18:4

Se ndɔ taa kebe karé-karé malang, Paul aw ɔje tà se njé ei Juipge se njé ke ei Juipge lé a tɔ, kêm kei kebe nan’t. E sang le kade kum de gang dè tà’t le Nube.

Nyanra Njekawkulege 20:25

An-in! sei malang ke ndɔ ke m’aw m’ile mber Konɓee le Nube dann si’t nga, ɗarinè m’ger titeke a an-in kum’m gugu lé ta.

Nyanra Njekawkulege 28:31

E ile mber Konɓee le Nube ade de a, è ndó de tà ke ɔji dè Kuwe-ɓee Jésu-Krist se kêmnda káng m doo karé bè géa ɔge’n dè’t lé.

Nje Ke Rome 10:15

Ke nè á d’ɔr dooge d’ule de lé ɓaa, ké à ilei mber Tà ke Maje nga titeke bain wa? Magtub ke tò se ninn’n tam ede nè: «Kan njékile mber Tà ke Maje loo njiye’t, è nyan ke maje dum: nja de mong nang tchai.»