Matthieu 4:19 - Nouveau Testament en Gulay 2004

¹⁹ E ede de ede nè: – Unni rebe goom’t ɗarinè, m’a tel sei ke njé ndon dooge ta.

Matthieu 4:19 Iomraidhean Croise

Matthieu 16:24

Taɓai Jésu ede njékuwe-girnge ede nè: – Ke nè á doo karé ndige kunn rebe goom’t ɓaa, maje kade inye go tàgir ke ɔje dè ra’n kɔke a, maje kade uwe dè nja ra’n se ndɔge malang le kwei titeke man m’ra’n bè ɓita unn dè nja’m têr-têr ɓai.

Matthieu 19:21

Jésu ede dingem nè nga ede nè: – Ke nè á i ndige le k’ee doo ke maje ɔr njêt ɓaa, aw ige nyanbawge lei malang inye nar’n i kai njéndooge ɓaa a inge nyanbaw ra Nube’t danrán nú. Aw i ra nyange nè pa ɓita i tel ree unn rebe goom’t ɓai.

Matthieu 4:18

Ndɔ karé bè, Jésu njiye se tà ba ke Galilée. E an ngakon nange joo: Simon ke dé ɓar’n Pierre se André ndai ilei bure dann ba’t tede ei mbawge ke njékɔse kanjege.

Matthieu 4:20

Ke loon’t nè kuwe dé sure burege le de d’inye d’unn rebe goon’t.

Matthieu 8:22

Jésu tel ile njèkuwe-gir’n nè nga dè’t ede nè: – Unn goo’m, inye njé ke weii ade ei kuwe dubi nan.

Matthieu 9:9

Loo ke Jésu in loon’t nè à dese ɓaa, è an dingem karé ndi kêm kei taa tirge’t. Dingem nè nga ri’n nè Matthieu. Jésu ɓar’n ede’n ede nè: – Unn rebe goom’t. Ke loon’t nè kuwe, è ɔse nang in unn rebe go Jésu’t.

Marc 2:14

Loo ke Jésu à dere le kaw ɓaa, è an Lévi ngonn Alphée ndi tà kei taa tirge’t. E ede’n ede nè: – Unn rebe goom’t. Lévi ɔse nang in, unn rebe go Jésu’t.

Tà ke Maje ke Luc ndang 5:27

Go’t gugu Jésu unde loo tee. E an dingem karé ke njètaa tir ke dé ɓar’n Lévi ndi nanga loo taa tir’t. Jésu ede’n ede nè: – Unn rebe goom’t.

Tà ke Maje ke Luc ndang 9:59

Jésu ɓar doo karé ke rang kuwe ɓai ede’n ede nè: – Unn dè nja’m têr-têr. Nè doo nè nga tel ede Jésu ede nè: – Ngar, inye’m ade m’aw m’dubu ninn bɔ’m ɓita.

Jean 1:43

Barè lookar’n, Jésu ndige tel kaw ɓeekon ke Galilée. E inge Philippe ɓaa ede’n ede nè: – Unn rebe goom’t.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 21:22

Jésu tel ede Simon ede nè: – Ke nè á m’ndige le kade n’ndi bè sár kade m’tel m’ree’n ɓaa, ké usi ri wa? I ɓaa, unn rebe goom’t.

2 Nje Ke Corinthe 12:16

Kerɔte kuwe, man m’wɔi dè si lé; nè njé ke nange tami edi nè m’ra gos á m’taa’n sei.