Matthieu 4:13 - Nouveau Testament en Gulay 2004

¹³ Jésu inye ɓee ke Nazareth aw ndi kêm ɓee-bò ke Capernaum kɔte ba ke dè ninn ɓeekon le Zabulon se Nephtali.

Matthieu 4:13 Iomraidhean Croise

Matthieu 11:23

Sei dooge ke kêm ɓee-bò ke Capernaum, ké sei i giri kêm si’t edi nè Nube à kunn sei kunde sei dɔ ɗáng wa? Ḿ-m̀ è bè lé. Nè Nube à tel kaw se si sár ɓee le njé ke koo. Kerɔte kuwe, nyankɔbege ke Nube ra dann si’t nga, ke nè á ndɔ ke ra titeke bè ade njé ke Sodome an-in ɓaa, bainléa ɓee-bò ke Sodome à tò tutu sár tee ɓila ɓai.

Matthieu 17:24

Loo ke Jésu se njékuwe-girnge reei teei kêm ɓee-bò ke Capernaum ɓaa, njétaa tirge ke ɔje dè ra kei le Nube osoi ra Pierre’t deji nin edi nè: – Ké njèndó sei nyan à uge tir ke sile joo nga lé wa?

Matthieu 4:14

E ra titeke bè le kade tà ke Esaie njèribe-dè-tà ke tà Nube’t tam kété aw’n loon’t deĵ. Esaie tam kété ede nè:

Matthieu 4:15

«Ɓeekon le Zabulon, ɓeekon le Nephtali, ke tooi gide ba ke Jourdain, I Galilée ɓeekon le dooge ke ei Juipge lé.

Matthieu 9:1

Jésu al kêm ngonn bato’t tel gang ba ree kêm ɓee-bò’t le’n ke kinge’n.

Marc 1:21

Jésu se njékuwe-girnge awi kêm ɓee ke Capernaum. Ke loon’t nè kuwe, Jésu aw kêm kei kebe nan’t se ndɔ taa kebe, è unn gir ndó dooge nyan.

Marc 2:1

Ase ndɔ bule go’t gugu ɓaa, Jésu tel ree kêm ɓee-bò ke Capernaum. Dooge ooi ser’n titeke è ndi kêm kei karé bè.

Tà ke Maje ke Luc ndang 10:15

Sei dooge ke kêm ɓee ke Capernaum, ké sei giri kêm si’t edi nè ɓee le si nga d’a tel’n ke ɓee ke bò wa? Ḿ-m̀ è bè lé, ɓee le si nga d’a tel’n ke ɓee ke njè kutu go madennge malang.

Tà ke Maje ke Luc ndang 4:23

Jésu ede de ede nè: – Kerɔte kuwe, sei a kundei se’m kuju-tam kedi nè: «Njèkuge-kaje i kuwe aje rai ɓita.» Taɓai sei a tami se’m kedi nè: «J’oo tà nyange malang ke i ra kêm ɓee-bò ke Capernaum. I ra nyange nè nga kêm ɓee koji’t ade j’an tɔ.»

Jean 2:12

Go’t gugu, Jésu in aw se kon’n se ngakonnge kêm ɓee-bò ke Capernaum. Njékuwe-girnge géa awi se’n tɔ. Nè dé ndi tutu ndɔ bule ngain lé.

Jean 4:46

Jésu tel ree kêm ɓee ke Cana ɓeekon ke Galilée ke ndɔ ke kété è ade mann tel yibe nduu tutu nga. Njèkan dè njérɔge le ngar karé bè ndi kêm ɓee-bò ke Capernaum. Ra ngonn’n ke dingem tur’n ngain.

Jean 6:17

Dé d’al kêm ngonn bato’t d’aw gide ba’t kum de ke ɓee-bò ke Capernaum. Loo tuge ndul ɓá, nè Jésu tel ree inge de lé ɓai.

Jean 6:24

Loo ke doobulege an-in titeke Jésu se njékuwe-girnge gotoi loo’t nè ɓaa, ali kêm ngann batoge’t nè nga ɓungei nan awi kêm ɓee-bò ke Capernaum sangi Jésu.

Jean 6:59

E ke nè á è tàge ke Jésu ndó dooge kêm kei kebe nan’t kêm ɓee-bò ke Capernaum.