Matthieu 4:10 - Nouveau Testament en Gulay 2004

¹⁰ Jésu tel ede sú ede nè: – Ɔte tam’t kɔke tede dé ndang kêm magtub’t d’ede nè: «Kuwe-ɓee Nube lei nga, i a kɔse keji nang nonn’t a, è kuwe karé bere luk-luk á i a ra ɓer le’n a tɔ.»

Matthieu 4:10 Iomraidhean Croise

Matthieu 16:23

Nè Jésu tel mer Pierre ede’n ede nè: – Njèban, ɔte tam’t kɔke. I tel i jig ke le tuge’m kile’m dann kaiya’t, tede tàgir lei in ra Nube’t lé, nè in ra dooge’t.

Marc 1:13

E ra ndɔ kɔr-sɔ kêm dile’t, Sú ree rann’t ule kêm’n. E ra ɓee se dange ke walé, nè dooge ke danrán rai se’n dè nyan ke aw ndoo’n.

Tà ke Maje ke Luc ndang 10:18

Nè Jésu tel ile de dè’t ede nè: – Loo ke m’an loo gerer ɓaa, m’an Mweisekar’m lé in danrán oso nang tite ndi ke têl bè.

Tà ke Maje ke Luc ndang 11:18

Ke nè á njé ke Mweisekar’m lé on de in-in kayai nan danné loo joo rɔi nan ɓaa, ké tɔgmong le Mweisekar’m lé à tò kuwe wa? Tede sei i tami edi nè: «M’rɔ ndilge ke majelé se tɔgmong ke ngar le de Béelzébul ade’m.»

Tà ke Maje ke Luc ndang 13:16

An! dinye nè nga è ngonnkà Abraham. Nè njèban ade ratur tɔ’n nang njanm-njanm ase ɓal dɔg-gidé-sɔsɔ ɗarinè. Gar-gar man tutu’n kinye’n dɔ. Ké tede k’ee ke è ndɔ taa kebe á kade m’aje’n lé wa?

Tà ke Maje ke Luc ndang 22:3

Njè sú dooge ur kêm Judas’t ke ri tɔy’n nè Iskariot. Judas nga è è ke karé dann njé ke dɔg-gidé-joo’t.

Tà ke Maje ke Luc ndang 22:31

Go’t gugu Jésu ɓar Pierre ede’n ede nè: – Simon, Simon, an! Nube inye loo ade Njè sú dooge le kade yei sei titeke dé yeii’n ko le kɔr’n yinge-dè’n gai bè.

Tà ke Maje ke Luc ndang 4:8

Jésu tel ile sú de’t ede nè: – Magtub ke tò se ninn’n tam ndàt ede nè: «Kuwe-ɓee Nube lei nga, i a ɗɔi’n è a , è kuwe karé bere á i a ra kule kade’n a tɔ.»

Jean 13:27

Loo ke Judas taa mapa nè use làng ɓaa, njèkêmyêr ree ur kêmn’t. Ke loon’t nè kuwe, Jésu ede’n ede nè: – Nyan ke a i ra nga, i ra kalang.

Nyanra Njekawkulege 26:18

M’a m’ulei kade i teen kum de ade undei loo teei dann tilkus’t teli reei dann lookar’t. M’a m’ulei ra de’t le kade ɔr de ji tɔgmong’t le Sú le tel ree se de ra Nube’t. Ke nè á d’unde kêm de dèm’t ɓaa, d’a d’inge kêm tin mbit dè kaiyage’t le de a, d’a d’inge loo ndi de dann njé ke ei le Nube’t a tɔ.»

Nyanra Njekawkulege 5:3

Nè Pierre deje Ananias ede nè: – Ananias ke bain á inye loo ade Sú tà loo ke dè ɓengrei’t ɔge wa? I ede Ndil-Kêmnda tà lanm, tede ɔr’n tà nar loo lei ndêin bè tá i ree’n.

1 Nje Ke Corinthe 5:5

ɔri doo nè nga dann si’t kɔke ilei nin ji Sú’t. Tede kade Kuwe-ɓee Jésu tuju danra’n. Nè ngarankum ra’n à inge kaje ndɔ tel ree’t le Kuwe-ɓee.

1 Nje Ke Corinthe 7:5

Ɔgi ra si nan lé. Ke nè á ɔgi ra si nan ɓaa, maje kade è se go ndu kase nan le si tede kade ɔji tà se Nube. Nè kɔge nan ra le si nga adi kur’n ngal ngain lé. Mbɔr ɓaa, i teli ingei nan nè bainléa Sú à nan’n sei tede ngur tò se nan ke ndikum ra si’t ɓai.

2 Nje Ke Corinthe 11:14

E nè nga è nyan ke à ade ndil doo à tee kan-in soin-soin lé, tede Sú kuwe géa tel ra’n ke ngonn le lookar tɔ.

2 Nje Ke Corinthe 12:7

Nyange ke Nube ribe dè ade’m nga, ei nyange ke dum kum. Gir’n ke nè á ngonn njèkule le Sú ɓer’n konn ram’t tede kɔge’m loo kunde’m kàde’m dè nyange ke tooi loo ɓɔyɔn’t gai ke Nube tɔje’m ade m’an nè nga.

2 Nje Ke Corinthe 2:11

M’ra titeke bè tede kade njèban le jéi Sú inge’n loo libe’n kum jéi lé. Kerɔte kuwe, Sú nga jè geri tàgirge le’n mbak.

Jacques 4:7

Ulei dè si adi Nube. Ilei rɔ adi sú ɓaa, à an-in sei kaw heb.

1 Pierre 5:9

Ilei rɔ adi nin. I ndai dè kundekem̂’t le si njáng tede sei geri mbak titeke nyankem̂konge nè nga kété teei dè ngakon sige’t dè nang nè ɓá ta.