Matthieu 3:9 - Nouveau Testament en Gulay 2004

⁹ I piti ra si sei edi nè: «Jè jè ngannkà Abraham.» Man m’ede sei ndàt, kuberi herge ke tooi nè nga Nube asekum tel de ke ngannkà Abraham karè.

Matthieu 3:9 Iomraidhean Croise

Marc 7:21

Tàgirge ke majelé in-in kêm ɓengre dooge’t kei. Titeke bè á dooge teli ei njé tooi se nan ke kaiya’t, njéɓog-ge, njé tɔl dooge,

Tà ke Maje ke Luc ndang 12:17

Dingem nè nga girtà kêmn’t ede nè: «Ké m’a ra bain wa? Tede loo ke kade m’ɔse nja ko le’m tutu goto.»

Tà ke Maje ke Luc ndang 16:24

Baw ule tà’n non’t ede nè: «Hai! bɔ’m Abraham an kumtondoo le’m. Kɔkrɔ karè, ede Lazare ade ule ngaw ji’n kum mann’t ree’n ade m’njibe kade ndon’m sɔl’n lom ndêin tede ndon por ra’m ndoo ngain.»

Tà ke Maje ke Luc ndang 19:40

Jésu tel ile de dè’t ede nè: – Man m’ede sei ndàt, ke nè á dé nè d’ebe’t géa, kɔr herge kuwe à rai nyan beng-beng ɓai.

Tà ke Maje ke Luc ndang 3:8

Ke nè á i ndigi kan-in wong le Nube ke ndi à ree nga ɓaa, i rai nyanra ke maje ke tɔje titeke i turi hal si. Ebi’t tam kêm si’t kedi nè: «Jè jè ngannkà Abrahamge.» Man m’ede sei ndàt titeke ngann herge ke tooi nè nga, Nube asekum tel de ke ngannkà Abraham karè.

Tà ke Maje ke Luc ndang 5:22

Jésu ger tàgir le de ke kêm de’t mbak. E deje de ede nè: – Ké bain á sei giri tàge ke titeke bè dè ɓengre si’t wa?

Tà ke Maje ke Luc ndang 7:39

Loo ke Simon ke njè ɓar Jésu nga an nyan nè nga titeke bè ɓaa, è girtà kêmn’t ede nè: – Ke nè á dingem nè è njèribe-dè-tà ke tà Nube’t kerɔte ɓaa, ayé ger titeke dinye ke ɔde ra’n nè nga, è dinye ke d’an’n ke kaiya-dinye kuwe.

Jean 8:33

Dé tel d’ede Jésu d’ede nè: – Jè jè ngannkà Abraham. Ndɔ karé jè ra ɓer le doo ndan lé ɓai. Ké bain á i tam ede nè: J’a tel ndi dè jè pal wa?

Jean 8:37

Sei ngannkà Abraham ade m’ger kuwe. Nè i sangi le kade dé tɔl’m tede tà le’m ke urkei kêm si’t lé.

Jean 8:53

Ké i nga i bòi i dum kà jé Abraham ke ndɔ wei nè nga wa? Njéribe-dè-tàge ke tà Nube’t ke ndɔ ke weii nga, ké i bòi i dum de wa? Ké i nga i ra rai ke nan wa?

Nyanra Njekawkulege 13:26

– Ngakonmge ke girkà’t le Abraham, sei ke sei Juipge lé ke i ɓeli Nube, ooi maje: Tà kaje nè nga Nube ule’n ade jèi malang.

Nyanra Njekawkulege 15:14

Kété mari kuwe, Nube ɔje le tɔr dooge dann dooge ke ei Juipge lé le kade ei kosdooge le’n ke kinge’n. E tà nè á Simon ɔrgir ɗarinè ade jèi.

Nje Ke Rome 4:1

Se go danra nga ké tà ri á j’à tam ɔje dè kà jéi Abraham wa? Ké ri á è inge se go danra wa?