Matthieu 3:7 - Nouveau Testament en Gulay 2004

⁷ Loo ke Jean an Pharisienge se Saddusienge bule reei rann’t le kade ule de manné njonm ɓaa, è tam se de ede nè: – Sei ke i tooi asinan se li jênênnge, ké nan tɔje sei rebe kan-in wong le Nube ke ndi à ree nga wa?

Matthieu 3:7 Iomraidhean Croise

Matthieu 12:24

Loo ke Pharisienge ooi tà nè nga bè ɓaa, teli tami edi nè: – Doo nè nga rɔ ndilge ke majelé se tɔgmong ke Béelzébul, ngar le ndilge ke majelé ade’n.

Matthieu 12:34

Sei ke i tooi asinan se li jênênnge ke njékêmyêrge! Ké a asikum tam tàge ke maje loo ke ra’t wa? Nyan rusu kêm ɓengre doo njin-njin ɓita tà’n tee tànn’t ɓai.

Matthieu 15:12

Njékuwe-gir-Jésuge reei rann’t edi nin edi nè: – Tà ke i tam á Pharisienge ooi nga tuge de jig’t, nè ké i ger bè lé wa?

Matthieu 16:1

Pharisienge se Saddusienge reei ra Jésu’t nain kêm’n. Ei deji nin le kade ra nyankɔbe ke gai ke in danrán ade n’an-in tá n’a n’geri titeke è Nube kuwe á ule’n.

Matthieu 16:6

Jésu ede de ede nè: – Kêm si dè ra si’t, undei kumkunju dè ra si’t le kade sei njékede gosge tite Pharisienge se Saddusienge bè lé.

Matthieu 22:15

Pharisienge ɔri nan tà dè nyan ke kum ra le kile’n tà dè Jésu’t se go tà karé ke à tee tànn’t.

Matthieu 22:23

Kêm ndɔn’t nè nga Saddusienge ke njé tam kede nè: dooge à undei loo teei koo ndan lé nga reei ra Jésu’t. Ei deji nin tà karé edi nè:

Matthieu 22:34

Loo ke Pharisienge ooi titeke Jésu uwe tà Saddusienge se tà ɓaa, ɔsi nan reei ingei nin.

Matthieu 23:33

Sei i tooi asinan se li jênênnge, tà ke d’a gang dè si’t dann loo ke tur’t nga, ké à nal sei titeke bain wa?

Matthieu 5:20

Kerɔte kuwe,man m’ede sei ndàt, ke nè á nyanra si ke se dè naje’n dum dè le njéndang-magtubge se pharisienge lé ɓaa, sei a kilei nja si kêm Konɓee ke danrán nga ndan lé.

Marc 12:13

D’ɔr Pharisienge se pajage le Hérode Antipas ke nange d’ule de ra Jésu’t le kade uwei nin se tà se go tà ke à tee tànn’t.

Marc 12:18

Saddusienge nga tami edi nè: Doo à kunde loo tee dann njé ke koo’t ndan lé. Njé ke nange dann de’t reei ra Jésu’t deji nin tà karé edi nè:

Marc 8:15

Jésu ndeje njékuwe-girnge ndej-ndej ede nè: – Undei kumkunju dè ra si’t le gang kɔte pululu’t le Pharisienge éké le Hérode Antipas nga lé.

Tà ke Maje ke Luc ndang 16:14

Loo ke Jésu tam tàge nè nga titeke bè ɓaa, Pharisienge ke njé kunde nar dann kum de’t an-in tà le’n ke nyan lé.

Tà ke Maje ke Luc ndang 18:11

Pharisien nè nga ɔse nang in nda dɔ mbeng, ɔje tà se Nube kêmn’t ede nè: «Hei! Nube, m’rai oiyo tede man m’ee tite gute dooge ke ei njéɓog-ge a, njéra nyan danné sêwge lé se njésang dinyege le made dege lé a tɔ. M’rai oiyo tede man tite njètaa tir ke nda nè nga lé a tɔ.

Tà ke Maje ke Luc ndang 7:30

Nè Pharisienge se njéndó dooge gute-ndu Nube d’ute nyan ke Nube ndige kade dé ra nga mbeng mbati kade Jean ule de manné njonm.

Jean 1:24

Dooge ke ndɔ ke d’ule de ra Jean’t nga ei Pharisienge.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Jean 9:40

Pharisienge ke nange ndii ra Jésu’t. Loo ke ooi tàge ke è tam nè nga bè ɓaa, ei deji nin edi nè: – Ké jè géa jè njé kum libege tɔ wa?

Nyanra Njekawkulege 15:5

Nè Pharisienge ke nange ke teli njétaakêm-Kristge in-in tami edi nè: – Gar-gar è ta le kade j’adi njétaakêm-Kristge ke ei Juipge lé ujei tà mɔte de a, j’unni ndu jéi j’adi an-in dè gute-ndu le Moise nga sêw-sêw a tɔ.

Nyanra Njekawkulege 20:31

Gir’n ke nè á m’ede’n sei kade i ndii kum adi kêm si olé titeke m’ndeje sei karé-karé malang kada a, ndɔɔ a, se mann non kum’t m m’ebe ra’m lé a tɔ.

Nyanra Njekawkulege 26:5

Man m’ee Pharisien ke njè ra ngang dum ɔje dè rebe manm Nube le jé jèi. Ke nè á Juipge ndigi ɓaa à edi nin titeke è kum kuwe, tede geri man mari bere.

Nyanra Njekawkulege 5:17

E ke nè á maw njékuje nyan-mese se dooge malang ke umi go Saddusienge’t nga, kêmkein rusu kêm de njin-njin ade ɔsi nang in-in

Nje Ke Rome 1:18

Wong le Nube in danrán nú ree oso dè njé mbatennge a, se njé ra nyan se dè naje’n lége malang a tɔ, tede nyanra de ke majelé utu dè ngarankum tà.

Nje Ke Rome 5:9

Ɗarinè tà ɔr dè jéi’t ɓá takul mese’n. Taɓai Krist á ɔr jèi tà wong’t le Nube.

1 Nje Ke Thessalonique 1:10

Ɗarinè sei nginei Ngonn le Nube ke à in danran. Ngonn nè nga, è Jésu ke ndɔ ke Nube ade unde loo tee dann njé ke koo’t. Jésu à in danrán tel ree le kɔr jèi tà wong ke ndi à ree.

Hebreuge 11:7

Nyange ke ndɔn’t ayé teei ɓai nga, ndɔ ke Nube ribe dè de ede Noé kété ade oo takul kundekem̂. Noé ile koje dè tà ke Nube ede’n, è in ra bato ade njé ke kem̂ kei le’n awi kem̂é ajii. Ra ke Noé ra titeke bè nga è ile’n tà dè dooge ke dè nang nè. Taɓai, takul kundekem̂ á ndɔ ke Nube ɔr’n tà dè Noé’t ade tel ee’n njè ra nyan se dè naje’n.

Hebreuge 6:18

Kunn-ndu le Nube se kubu ra le’n nga ei nyange joo ke à tooi njáng. Nyange ke joo nè nga tɔji jèi titeke Nube tam tà lanm ndan lé. Nube sɔl kem̂ jéi se nyange ke joo nè nga. Gir’n ke nè á j’ubei go nyange malang j’inyei jè paberii nyan ke j’undei kem̂ jéi tchên dè’t ke Nube à ade jèi nga.

1 Jean 3:10

E ke nè á d’a ger’n ngann Nube se ngann le njè kem̂ majelé nga njai-njai. Nanan ke ra nyan ke se dè naje’n lé se ndɔ’n-ndɔ’n ɓaa, è le Nube ndan lé. Nanan ke tár ngokon’n lé ɓaa, è le Nube ndan lé tɔ.