Matthieu 3:6 - Nouveau Testament en Gulay 2004

⁶ Dooge nè nga malang reei ra Jean’t ɔri gir kaiyage le de ke nata adi nin ade ule’n de manné njonm dann ba ke Jourdain.

Matthieu 3:6 Iomraidhean Croise

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Marc 1:5

Dooge ke ɓeekon ke Judée bere mbak se njé ke kêm ɓee-bò ke Jérusalem malang awi rann’t ɔri gir kaiyage le de ke nata adi ule’n de manné njonm dann ba ke Jourdain loo ke ɔri gir kaiyage le de ke nata.

Tà ke Maje ke Luc ndang 1:16

Ngonn nè nga à ade ngannkà Israelge à ɔsi wan teli kilei koje dè Kuwe-ɓee’t le de.

Tà ke Maje ke Luc ndang 3:16

Nè Jean ede de ndàt ede nè: – Man m’ɔr sei kunde sei se ninn si gai se mann. Nè doo karé ke tɔgmong le’n dum dè le’m à ree goom’t non. Man m’ase tutu sa ke njann’t lé. Doo nè nga, à ɔr sei kunde sei se ninn’n gai se Ndil-Kêmnda a, se por a tɔ.

Nyanra Njekawkulege 1:5

Jean ule dooge manné njonm kété, nain ndɔ ngain lé kade d’ɔr sei d’unde sei se ninn si gai se Ndil-Kêmnda ɓai.

Nyanra Njekawkulege 11:16

E á kêm olé’n dè tà ke ndɔ ke Kuwe-ɓee tam ede nè: « Ndɔ ke Jean ule dooge manné njonm, nè sei ɓaa d’a d’ɔr sei kunde sei se ninn si se Ndil-Kêmnda.»

Nyanra Njekawkulege 19:18

Dooge ngain dann njétaakêm-Kristge reei ɔri gir nyanra dege ke majelé ke nata.

Nyanra Njekawkulege 22:16

Ɗarinè ké a i ngine ri ɓai wa? Ɔse nang in dɔ ade d’ulei manné njonm se ri’n ɓaa a inge kêm tin mbit dè kaiyage’t lei.»

1 Nje Ke Corinthe 10:2

Kà jéige nga, ndɔ ke d’ule de manné njonm malang gir Moise’t dann bum’t a, dann ba-bò kate’t a tɔ.

Nje Ke Colosses 2:12

Dé dubu sei se Krist nan’t ndɔ ke d’ule’n sei manné njonm nga. Nè sei undei loo i teei se’n nan’t dann njé ke koo’t takul kem̂ si ke undei dè tɔgmong’t le Nube ke njè kade è unde loo tee’n dann njé ke koo’t.

Hebreuge 6:2

Nyan-ndó ke ɔje dè kule doo manné njonm éké kile ji dè doo’t éké kunde loo tee dann njé ke koo’t éké gangtà ke se non ke a tò sár se non nga, dé ndó sei kété ɓá m j’à tel ke dè’t ɓai-ɓai lé ta.

Hebreuge 9:10

Tàge ke ɔje dè nyankuje-mese se nyankain a, se togo rage ke se ri de-ri de nga, ei ndukunnge le dooge. Ndukunnge nè nga d’unde de d’ade tooi bè sár le ngine’n ndɔ ke Nube à tel gɔl’n nyan malang kade aw danné.

Jacques 5:16

Ɔri gir majelé le si adi nan. Ɔji tà se Nube tede nan le kade ratur ɔr’n dè si’t. Doo ke Nube ɔr tà dènn’t nga, nyan ke è deje’n se kundekem̂ ke nunge tchanm nga, è ase ra nyan ke bòi ngain.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.

1 Jean 1:9

Nube à inye go ndukunnge le’n lé. E njè ra nyan se dè naje’n. Ke nè á j’ɔri gir majelége le jéi ke nata ɓaa, è à ade kem̂’n à tin mbit dè majelége’t le jèi. Nube à inye go nyanrage ke se dè naje’n lé le jèi nga bere mbak kɔke.