Matthieu 3:2 - Nouveau Testament en Gulay 2004

² – I turi hal si tede Konɓee ke danran nain ngɔr ta.

Matthieu 3:2 Iomraidhean Croise

Matthieu 10:7

Loo ke a awi ɓaa, ilei mber dɔ-dɔ edi nè: «Konɓee ke danrán nain ngɔr ta.»

Matthieu 11:20

Dooge ke kêm ɓee-bòge ke ndɔ ke kété Jésu ra nyankɔbe ke nange tutu mbati turi hal de a, rai majelé kum de ke kété a tɔ. Gir’n ke nè á Jésu ndáng de ede nè:

Matthieu 12:41

Dooge ke kêm ɓee-bò ke Ninive nga ndɔ ke in-in kalang turi hal de se go mber kile le Jonas ke ile ade de. An-in! doo karé ke bò ke dum dè Jonas nda laa. Gir’n ke nè á ndɔ ke Nube à gangtà dè girkoje dooge ke ndii dè nang nè ɗarinè nga ɓaa, njé ke kêm ɓee-bò ke Ninive à in-in le kilei tà dè de’t.

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Matthieu 13:24

Go’t gugu Jésu unn gostà karé ke rang ede de ede nè: – Konɓee ke danrán nga, è tite doo karé ke unn ko nyan ke maje dubu kêm ndɔr’t le’n.

Matthieu 13:31

Jésu unn gostà karé ke rang ede dooge ɓai ede nè: – Konɓee ke danrán nga tò asenan se kum kage ke ri’n nè Mutarde ke dingem karé unn aw dubu kêm ndɔr’t le’n bè.

Matthieu 13:33

Jésu unn gostà karé ke rang ede kosdoo-bulege ede nè: – Konɓee ke danrán nga, tò asenan se pululu ke dinye din tênn guru’n dann nduju ke è din kêm ngó mute mboin. Mbɔr ɓaa nduju ke mboin nè nga bere mbak in ti ngiring-ngiring.

Matthieu 13:47

Konɓee ke danrán nga tò asenan se bure karé ke d’ile dann ba-bò’t d’ade ɔse nja kanjege ke se ri de-ri de nan’t ree se de nata.

Matthieu 13:52

Jésu ede de ede nè: – Gir’n ke nè á njèkɔrgir gute-ndu ke rara ke ndó nyange ke ɔje Konɓee ke danrán ɓaa tò asenan se kuwe-kei ke ɔr nyanbawge le’n ke kige se ke konn unde nata.

Matthieu 18:23

Gir’n ke nè á, Konɓee ke danrán nga tò asenan se ngar karé bè ke ndige kade ngann njéndige le’n mbɔji go nyange le’n ke um ji de’t adi oo.

Matthieu 20:1

Konɓee ke danrán nga tò asenan se kuwe-kei ke tee se ndɔgé ɓat tede kɔi dooge kade rai kule kêm ndɔr nduu’t le’n bè.

Matthieu 22:2

– Konɓee ke danrán nga tò asenan se ngar karé bè ke ade dé koré mur tête tà ɓee le ngonn’n ke dingem.

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Matthieu 25:1

Konɓee ke danrán nga tò asenan se sertà le ngamandege ke dɔg ke anji geri dingem ɓai. Ei otoi lampege le de ji de’t teei awi tilei non njè taa dinye kige.

Matthieu 25:14

Konɓee ke danrán nga, è tite dingem karé bè ke ndi aw mba kêm ɓeekon ke rang’t. E ɓar ngann njéndige le’n ke kinge’n um nar le’n ji de’t. E ade de nar ade ase dè tɔg de, tɔg de.

Matthieu 4:17

Unn gir kêm ndɔn’t nè, Jésu ile mber ede nè: – I turi hal si tede konɓee ke danrán nain ngɔr ta.

Matthieu 4:23

Jésu aw se loo-loo kêm ɓeekon ke Galilée bere mbak ndó dooge nyan kêm kei kebe nange’t le de ile mber Tà ke Maje ɔje dè konɓee le Nube a, ɔr ratur ke rara ra njératurge dann kosdooge’t a, se njè ke kêl ra de wei tonrin a tɔ.

Matthieu 5:10

Njé ke dé ra kum de ndoo tede nyanra de ke dè se naje’n nga, ra de à nel de tede è de kuwe á Konɓee ke danran è le de!

Matthieu 5:3

– Njé ke geri kêm de’t titeke ei njéndooge nga, ra de à nel de tede konɓee ke danran è le de!

Matthieu 6:10

Maje kade on ɓee dè dooge a, maje kade dé ra gute ndui d’ade ɔr njêt titeke dé ra’n danrán a tɔ.

Matthieu 6:33

Nè i sangi Konɓee le Nube a, se nyan ke se dè naje’n ɓita Nube à ade sei gute nyange malang ke awi ndoo de.

Marc 1:15

– Ndɔ ke Nube ɔje nga ase deĵ ɗarinè ta, Konɓee le Nube nain ngɔr. I turi hal si, undei kêm si dè Tà ke Maje’t a tɔ.

Marc 1:4

Jean ke njèkule dooge manné njonm unde loo tee kêm dile’t ile mber ede nè: – I turi hal si adi d’ule sei manné njonm. Titeke bè á Nube à inye’n go kaiyage le si.

Marc 6:12

Njékuwe-gir-Jésuge ke dɔg-gidé-joo ɔti awi ilei mber edi nè: – I turi hal si le kade i ndii kumgajer se non.

Tà ke Maje ke Luc ndang 1:16

Ngonn nè nga à ade ngannkà Israelge à ɔsi wan teli kilei koje dè Kuwe-ɓee’t le de.

Tà ke Maje ke Luc ndang 11:20

Nè ke nè á m’rɔ ndilge ke majelé kɔke se tɔgmong le Nube ɓaa, Nube on ɓee dann si’t nè ɓá ta.

Tà ke Maje ke Luc ndang 13:3

Ḿ-m̀, è bè lé. Nè sei géa, ke nè á sei turi hal si lé ɓaa, a tuji malang titeke dooge ke Galilée tujii bè tɔ.

Tà ke Maje ke Luc ndang 13:5

Ḿ-m̀, è bè lé. Nè sei géa, ke nè á sei turi hal si lé ɓaa, a i tuji malang titeke bè tɔ.

Tà ke Maje ke Luc ndang 15:10

Titeke bè á man m’ede sei ndàt, Nube se ngann njéndige le’n ke danrán ali ra de ngain tede tà le njèkaiya karé ke inye go kaiya le’n tel tur hal’n.

Tà ke Maje ke Luc ndang 15:7

Titeke bè á man m’ede sei ndàt, Nube se dooge le’n ke danrán ali ra de ngain tede tà le njèkaiya karé ke inye go kaiya le’n tel tur hal’n. Kalra le de dum dè kalra ke d’a d’inye ɔje dè njè ke kɔr-jisɔ-jimi-gidé-jisɔ-jimi ke an-in ra de ke njéra nyan danné sêwge.

Tà ke Maje ke Luc ndang 16:30

Nè baw nè nga tel ede Abraham ede nè: «Ḿ-m̀, bɔ’m Abraham, è ke nè ase lé ɓai. Ke nè á doo karé in ra njé ke koo’t aw ra de’t ɓaa, d’a tur hal de.»

Tà ke Maje ke Luc ndang 21:31

Loo ke sei a an-in nyange nè à undei loo teei kété titeke bè ɓaa, gar-gar sei a geri titeke Konɓee le Nube nain ngɔr ta.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Tà ke Maje ke Luc ndang 6:20

Loo ke Jésu ɔr kum’n dɔ an njékuwe-girnge ɓaa, è ede de ede nè: – Sei njéndooge, adi ra si nel sei tede Konɓee le Nube è le si!

Tà ke Maje ke Luc ndang 9:2

Jésu ule de le kade d’ile mber Konɓee le Nube á go karé lé. Nè è ule de le kade d’ɔr ratur ra njératurge’t a tɔ.

Nyanra Njekawkulege 11:18

Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 17:30

Nyanra dooge kêm ndɔge ke kété mari ke geri Nube lé ɓai nga, Nube unn kum’n mbeng dè’t kɔke. Nè ɗarinè è unn ndu’n ade dooge malang se loo malang kade turi hal de.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 26:20

Nè m’ile mber m’ade dooge ke ndii Damas pa ɓita, go’t gugu m’ile mber m’ade njé ke Jérusalem se Juipge malang a, se njé ke ei Juipge lé a tɔ. M’ede de m’ede nè: I turi hal si, ɔsi wan i teli ke ra Nube’t. I rai nyange ke uwe made nan se tur hal si.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

2 Nje Ke Corinthe 7:10

Kumndoo ke se go kêmndige le Nube nga à ade doo à tur’n hal’n kinge’n kaje m à tel ndinge ra’n gugu lé. Nè kumndoo ke in ra dooge ke dè nang nè nga oje yo.

Nje Ke Colosses 1:13

E uwe jèi wont ji tɔgmong’t le tilkus ɔr jèi ree se jéi kem̂ Konɓee’t le Ngonn’n ke è kotár le’n.

2 Timothee 2:25

Gar-gar, ɓer kule le Kuwe-ɓee à è njèndó nyan njé naje se’n tàge se ndu noje tede bainléa Nube à ade d’ade tur hal de le ger’n ngarankum tà.

Hebreuge 6:1

Bè ɓaa, ade j’inyei go nyan-ndóge ke desêin ke dé ndó jèi ɔje dè kundekem̂ dè Krist’t nga ɓaa, ade j’awi kum jéi ke kété dè nyan-ndó ke maje ɔr njêt le dooge ke tɔgi káng-káng. Ade jè teli dè nyan-ndó ke desêin’t lé ta. Nyan-ndó ke desêin nga ɔje dè kinye go nyanrage ke majelé ke à awi se jéi kile jèi tà yo’t a, ɔje dè kundekem̂ dè Nube’t a tɔ.

2 Pierre 3:9

Kuwe-ɓee tile mbɔr dè ndukunn ke ɔje dè ndɔ tel ree le’n titeke njé ke nange giri nga lé. Nè è ile kem̂’n pon dè si’t tede è ndige le kade doo karé bè géa dann si’t tuju lé. E ndige le kade dooge malang ɔsi wan teli turi hal de.

Lookilera’n 2:21

M’inye kurloo m’ade’n kade tel tur hal’n. Nè è ndige tel tur hal’n ke ɔje dè tò se nan ke kaiya’t le’n nga lé.

Lookilera’n 2:5

Ade kem̂i olé dè loo ke in tutu oso nga. I tel i tur hali, unn kule ke ndɔ ke i ra kété i ra. Ke nè á i tel i tur hali lé ɓaa, m’a m’awi non. Lampe lei ke ra se nar-ɔr nga, m’a m’aw le ndɔte’n kɔke.